Жените на фудбалерите

Жените треба да ги усреќат фудбалерите на Наполи

Италијанскиот прволигаш Наполи побарал од сопругите и девојките на своите фудбалери да ги направат посреќни бидејќи сезоната е при крај, а клубот ја лови титулата во Серија А. До крајот на првенството има уште пет кола, а Наполи има шанси да стигне до Скудетото, па сопругата на сопственикот на клубот ги повикала девојките на ручек и им објаснила што да направат.
Славниот филмски продуцент и претседател на Наполи, Аурелио де Лаурентис, ја замолил својата сопруга да се вклучи во овој историски момент за клубот.
Госпоѓа Лаурентис напишала осум правила за поубавите половини на играчите под наслов "Како од вашиот фудбалер да направите победник". Жаклин де Лаурентис напишала дека секој играч мора да биде среќен и на секој меч да влегува со бистра глава. Расправии и било какво вознемирување треба да се избегнува.
- Зад секој успешен маж стои исто така успешна жена - гласело едно од правилата, а листата била заклучена со фамозното правило број осум: "Фудбалерите играат врвно кога така се чувствуваат, најмногу психички. Погрижете се вашиот партнер да се чувствува така секоја секунда. Сметаме на вас во овие последни пет кола. И, ве молам, избегнувајте караници", заклучила госпоѓа де Лаурентис.

Кака и напишал песна на сопругата Селико

Славниот бразилски фудбалер во редовите на Реал Мадрид, Кака, ќе учествува како автор и изведувач на дебитантскиот музички албум на својата сопруга Каролин Селико.
Повикувајќи се на бразилските медиуми, "Марка" пишува дека Кака е автор на песната "Божји дар" (Пресенте де Деус), која наедно ја испеал заедно со својата сопруга. Албумот со религиозна музика, на кој ќе има вкупно 12 песни, би требало официјално да биде пуштен во продажба во јули.
Кака од поодамна е познат како голем верник, а Каролин Селико е неговата љубов од детството, со која се ожени во 2005 година. Среќната двојка има две деца, тригодишниот Лука и едно и полмесечната ќерка Изабела.

Сопругата на Џон Тери го покажа газето

Џон Тери се уште и се радува на својата сопруга како при првиот момент на запознавање со неа. А, богами и има на што да се радува. Сопругата Тони Тери која многу не се експонира во британската јавност, блесна на плажите во Обединетите Арапски Емирати оставајќи ги без здив посетителите.
Капитенот на Челзи кој лани имаше афера со мајката на детето на соиграчот Вејн Бриџ, почнал да го цени своето, а не туѓото. Тони Тери избега во Дубаи на одмор со цел да размисли за разводот и последиците од него, а на фудбалерот му требаа неколку милиони евра за дијаманти и скапоцени подароци со кои ја премисли и ја натера да му прости.

Германскиот Bild пренесува дека ова лето се подготвува нова голема фудбалска свадба, онаа на најубавиот пар од Светското првенство.

Својата атрактивна девојка - репортерката Sara Carbonero (25) ja запросил светскиот шампион и капитен на шпанската фудбалска репрезентација Iker Casillas (29). Сара се согласила.

Терминот за свадбата на заљубениот пар не е познат, но се знае дека пред почетокот на новата сезона, голманот на Real Madrid ќе каже "да" во црквичка која се наоѓа во родното место на Sara, Corral de Almaguer.

Додека Casillas на Светското првенство со своите одбрани го водеше тимот на Vicente del Bosque до насловот светски првак, Sara од теренот известуваше за шпанската ТВ станица Telecinco.

Одговарајќи на прашањата на идната сопруга по финалниот натпревар против Холандија, Casillas спонтано ја бакна пред милиони телевизиски гледачи.