Жените на фудбалерите

Сопругата на Џон Тери го покажа газето

Џон Тери се уште и се радува на својата сопруга како при првиот момент на запознавање со неа. А, богами и има на што да се радува. Сопругата Тони Тери која многу не се експонира во британската јавност, блесна на плажите во Обединетите Арапски Емирати оставајќи ги без здив посетителите.
Капитенот на Челзи кој лани имаше афера со мајката на детето на соиграчот Вејн Бриџ, почнал да го цени своето, а не туѓото. Тони Тери избега во Дубаи на одмор со цел да размисли за разводот и последиците од него, а на фудбалерот му требаа неколку милиони евра за дијаманти и скапоцени подароци со кои ја премисли и ја натера да му прости.

Кака и напишал песна на сопругата Селико

Славниот бразилски фудбалер во редовите на Реал Мадрид, Кака, ќе учествува како автор и изведувач на дебитантскиот музички албум на својата сопруга Каролин Селико.
Повикувајќи се на бразилските медиуми, "Марка" пишува дека Кака е автор на песната "Божји дар" (Пресенте де Деус), која наедно ја испеал заедно со својата сопруга. Албумот со религиозна музика, на кој ќе има вкупно 12 песни, би требало официјално да биде пуштен во продажба во јули.
Кака од поодамна е познат како голем верник, а Каролин Селико е неговата љубов од детството, со која се ожени во 2005 година. Среќната двојка има две деца, тригодишниот Лука и едно и полмесечната ќерка Изабела.

Жените треба да ги усреќат фудбалерите на Наполи

Италијанскиот прволигаш Наполи побарал од сопругите и девојките на своите фудбалери да ги направат посреќни бидејќи сезоната е при крај, а клубот ја лови титулата во Серија А. До крајот на првенството има уште пет кола, а Наполи има шанси да стигне до Скудетото, па сопругата на сопственикот на клубот ги повикала девојките на ручек и им објаснила што да направат.
Славниот филмски продуцент и претседател на Наполи, Аурелио де Лаурентис, ја замолил својата сопруга да се вклучи во овој историски момент за клубот.
Госпоѓа Лаурентис напишала осум правила за поубавите половини на играчите под наслов "Како од вашиот фудбалер да направите победник". Жаклин де Лаурентис напишала дека секој играч мора да биде среќен и на секој меч да влегува со бистра глава. Расправии и било какво вознемирување треба да се избегнува.
- Зад секој успешен маж стои исто така успешна жена - гласело едно од правилата, а листата била заклучена со фамозното правило број осум: "Фудбалерите играат врвно кога така се чувствуваат, најмногу психички. Погрижете се вашиот партнер да се чувствува така секоја секунда. Сметаме на вас во овие последни пет кола. И, ве молам, избегнувајте караници", заклучила госпоѓа де Лаурентис.

Голманот на „Јувентус“, Џанлуиџи „Џиџи“ Буфон и неговата долгогодишна партнерка, чешката манекенка и водителка Алена Середова, ќе се венчаат во јуни во Прага.

Популарниот Џиџи од чешката метропола, на италијанските медиуми им открил дека својата девојка, со која има два сина, ја запросил без многу романтика на обична вечера. Середова откако неколку дена размислувала, се согласила да се омажи за италијанскиот голман.

Во врска со плановите, Буфон изјавил дека својата иднина и натаму ја гледа во фудбалскиот клуб Јувентус од Торино и е посебно задоволен бидејќи чувствува дека навивачите го сакаат

Дарко ме ослабна со секс

Забрзана секс-диета по празниците применила актуелната Мис на Бугарија, Ромина Андонова, која му е девојка на нашиот фудбалски репрезентативец Дарко Тасевски. Манекенката Андонова призна за бугарските медиуми дека за време на новогодишните и божиќните празници двајцата јаделе премногу, но потоа ослабела благодарение на редовниот и обилен секс со Дарко.
- Нормално е тоа за празниците. Сите ми велат дека сум ослабена. Може тоа да се должи и на редовниот секс - изјави Ромина која за Нова година беше во Скопје да ги запознае родителите на Дарко, откако се вратија од одморот на Бали.
Двајцата го имаа првото заедничко интервју за бугарското издание на магазинот "Стори" во кое открија дека се многу заљубени и дека работите се случуваат многу брзо.
- Се се развива многу брзо, ќе видиме до каде ќе стигнеме, но и двајцата сакаме да заврши со брак - додаде Ромина.
Нашиот фудбалер, кој настапува за софиски Левски, откри дека таа му е сериозна врска и дека неговата девојка и покрај желбите, не знаела да готви. Ромина,пак, го нарекувала "тапанар" зашто тоа и било израз на вистинска љубов.
Независно од принципот кој се кара, тој се сака, по кој се водат секој ден, Ромина и Дарко веруваат дека се создадени еден за друг.
Во тоа веруваат и астролозите кои за еден бугарски медиум им го направија заедничкиот хороскоп за 2011 година. Во него се вели дека Ромина (22) допрва го спознава Дарко (26) и моментно "љубовта им се наоѓа во телата". Двајцата ќе учат од грешките на другите како што е љубовната афера на фудбалерот Валери Божинов со старлетата Николета Лозанова и во 2011 година ќе играат на сигурно во врската која ќе заврши со заеднички живот. Во љубовта ќе имаат почит и разбирање, а сексуалноста што ја поседуваат ќе го држи неверството настрана

Ромина не знае да му готви на Дарко

Во своето прво заедничко интервју, актуелната Мис на Бугарија Ромина Андонова и македонскиот фудбалер од редовите на Левски Дарко Тасевски откриваат многу пикантерии од нивната врска.
За бугарски "Стори", Дарко и Ромина велат дека не се типична двојка која има свои нагалени имиња и постојано се гушка. Но, тоа не значи дека не се сакаат. Ромина од милост го нарекува Дарко "тапанар", зашто и било израз на вистинска љубов.
Дарко открива дека Ромина му е втора сериозна врска и дека никогаш немал чувства кон џетсетерката Светлана Василева, како што пишуваа бугарските медиуми.
Двајцата имаат нетрадиционална врска, полна со динамика и изненадувања. Ромина вели дека обожава да го заклучува саканиот на тераса поради шега, а Дарко признава дека, иако Ромина имала голема желба, таа не знаела да готви.
Независно од принципот "кој се кара, тој се сака", по кој се водат секој ден, Ромина и Дарко веруваат дека двајцата се создадени еден за друг.