Обезбедување на високите државни функционери

Порано знам се спомнуваа вработени со криминално досие, дури и за Претседателот Трајковски.

Телохранител на Премиер...колку гордо звучи тоа....

Гласав за првата опција, мада тоа анонимни би го заменил со обучени....

Ќе го земам примерот на МОСАД во Израелза тоа што значи лице (агент) за обезбедување. Пред се мора да е високо обучен професионалец, анонимен, кој е пак незабележителна сенка, но секогаш подготвен на реакција...Малце подетално...Највисоките државни функционери во најблиска околина, т.е на 0.5 метри околу себе мора да имаат лица за обезбедување (не агенти), кои соодејствуваат на изгледот и градбата на лицето што го обезбедуваат. Што значи тоа. Треба да се барем 10 см. повисоки од нив, да се во градбата на трупот еднакви или поголеми од нив. Сето тоа е за да се постави жив зид околу лицето што го обезбедуваат. Но вистинскиот агент за обезбедување, немора да биде корпулентен во својата градба, туку кај него се бараат физички и ментални атрибути. Тоа значи, дека постојано има увид на целокупната ситуација. Се движи на 1 до 1.5 метра од лицето кое го обезбедува, го координира движењето на лицата кои се во живиот зид околу лицето, ги координира останатите агенти кои се прераспределени на други локации и задачи околу лицето кое се обезбедува.
Под психофизички атрибути се подразбираат, да биде психички стабилен т.е и во најмала ситуација да не покажува доза на агресивност, и да биде максимално физички спремен, т.е на ниво на еден припадник на специјална единица. Да знае максимално да ја процени ситуацијата во која се наоѓа најпрво лицето кое го обезбедува а потоа и самиот тој, и на крај да поседува голема доза на интелигенција за да може да го спои сето тоа.
Кај нас владее општа фама, дека лица за обезбедување се безумни горили, кои во врата влегуваат странично и поднаведнато, а притоа немаат ни трошка интелигенција. Ретки се лицата кај нас за кои може да се каже дека се агенти за обезбедување.
За жал начинот и принципот на селектирање на лица за обезбедување е по основ на партиска книшка, партиска заслуга, и роднинска и пријателска поврзаност, а притоа се занемаруваат сите претходно спомнати параметри кои се од витално значење.
Се додека функционираме како партиска и тоталитарна држава, ќе се случуваат инциденти во кои директно инволвирани ќе бидат лицата од државното обезбедување.
Трендот на ангажирање на лица од специјалната единица при МВР, беше прекинат пред 6 години. Инаку тие лица од специјалната единица на МВР, покрај основната командоска обука, имаат и обука за обезбедување на лица и објекти од витално значење, и при тоа како готов кадар се користеа во таканаречената 6-та управа на МВР. Во последните 6 години тие лица се заменија со нововработени со партиски книшки или со лица со роднинска или пријателска блискост, како благодарница за нивната лојалност кон партијата.

Морам да те исправам мамамд... мојата споредба со Мосад, беше во делот на обезбедувањето на личности кои се на витални функции, а не во делот на нивните тајни операции. Имено нашата 6-та управа и единицата за специјални задачи, дел од обуката на своите припадници, ја изведува токму со инструктори од Мосад, експерти во делот на обезбедување на имоти и лица. 

Интересна анализа во денешен Утрински, токму за дилемите кои ние ги имавме тука
Бодигардите или обезбедувањето на ВИП-личностите во земјава, како што тврдат надлежните, се луѓе со посебни психофизички способности, кои поминуваат низ специјални обуки и се тренирани да се справат со секакви ситуации.

„Тие се обучени да се воздржат од реакциите на околината, а гестикулации на лицето, гласно смеење или покажување сила се едноставно недозволени за луѓето ангажирани за обезбедување на политичкиот врв“, велат извори од Одделот за обезбедување личности и внатрешно обезбедување на објекти во МВР, или популарно наречената Шеста управа.
Убаво објаснето, кому му е доделено, до кога-колку време, какви релавии смеат да имаат едни со други, тие со народот .Впрочем, кој сака нека чита
Бодигардите на државниот врв со краток фитил  

I onaka kako za sporedba
Во Вестминстер само со униформа
Лондон - Луѓето вклучени во обезбедувањето однадвор и однатре во зградата на британскиот парламент се униформирани, исто онака како што е тоа случај и со владината зграда и резиденцијата на премиерот во Дауннинг стрит 10. Истото важи и за сите институции на државната администрација.

Зградата на големото здание на Вестминстер ја обезбедува британската полиција, која ги надгледува влезовите и дворот на парламентот. Станува збор за униформирана полиција, која станува позабележлива кога заседава Долниот дом и кога во дебатата учествува британскиот премиер.
I dopolnenie za Francija
Жандармерија го чува Сенатот
За разлика од кај нас, Франција има воведено сосема поинаков систем за заштита на државните институции. Безбедноста во францускиот парламент – Националното собрание и Сенатот им е доверена на силите на жандармеријата, посебно на нејзината елитна единица „Републиканската гарда“.

Единиците што се задолжени за безбедноста на Сенатот во целост се независни од воената и полициската команда и тие одговараат само на наредбите на претседателот на Сенатот, што ја гарантира одбраната на оваа институција во случај на евентуален државен удар.


Изменето од mamamd - 07.Јули.2010 во 07:15