Џемаил Хасани-Џемо Хаса

Џемаил Хасани (албански: Xhemail Hasani; Симница, Гостиварско 1908 - Беличица, Мавровско, 6 мај 1945) познат и како Џемо Балистот, Џем Хаса, Џемо Симница е балист од Македонија, лидер на Бали Комбетар за Западна Македонија. Него Италијанците претежно го искористиле за борба против партизаните и му давале месечна плата од 50 илјади лека.
Џемо Балистот е роден во 1908 година во гостиварското село Симница. Растел во многудетно и сиромашно семејство. Уште како дете почнал да работи со земјоделие на татковиот имот. Тешката сиромаштија и самиот албански отпор кон српската окупација во Македонија, потпомогната со изборот на Албанија да се приклучи кон фашистичката оска, кај Џемо се јавува желбата за војување. Во почетокот заминал во јужниот дел на Албанија да војува. За својата ефикасност е прогласен за воен офицер лично од кралот на Албанија, Ахмед Зогу. Во почетокот на 1941 година се враќа во Македонија, каде започнува со неговите ѕверства врз македонското население. Дејствувал во цела Западна Македонија. Во почетокот на 1945 година Џемо Хаса и уште триста други души, во близината на мостот на река Маздрача, кај село Жеровјане, на патот Тетово-Гостивар, почнале борба со партизаните, каде стрелале 7 души. На 6 мај 1945 Хасани е убиен. Претходно, во почетокот од 1945 година, ОЗНА во Македонија организирала потрага по Џемо, кој со вооружени групи се движел низ Албанија и западна Македонија. Во март истата година биле воспоставени контакт и соработка со Риза Раифи, роднина на телохранителите на Џемо: Абдула Зибери, Абдула Амити и Назиф Амити. Соработникот Риза Арифи се обврзал заедно со телохранителите да го заработат или ликвидираат Џемо. ОЗНА за возврат им ветила слобода, доколку не продолжат со ограбувањата. Значи тој бил балист кој се борел за голема Албанија,за македонците непријател,за албанците народен херој.

Џемо е невин него хитлер го излажаи затоа сите што не биле ариевци тој само ги чистел.Немал лоши намери дечкото иако и албанците плачело од него ама за тоа не смеат уста да отворат.




Изменето од Македон - 06.Март.2010 во 22:51

Што сведочеле соборците на Џемо?

Џемаил Хасани, попознат како Џемо Балистот, е водач на профашистичката организација Бали Комбетар за Македонија. Италијанците го користеле за борба против македонските партизани, за што му давале месечна плата од 50.000 леки.

За богатиот опус на Џемо во борбата против Македонија може да се најдат низа документирани материјали. Меѓу другото, во книгата на Јован Павловски „Судењата како последен пораз“ е објавено и сведоштвото на балистот Алија Зибери, кој подоцна, на судењето, го дал и следниот исказ:

„Јас се сеќавам дека учествував во стрелањето на заробени партизани кај селото Лавци, над Тетово, како и во селото Жеровјане, Тетовско... Ги стрелавме со пушки и ги оставивме незакопани. Кај Жеровјане стрелавме седум души и во ова стрелање учествувавме јас, Дуло, Риза и Наиф. Овие групи ни ги даваше Џемо Симница, а тој ги земаше од тетовскиот затвор“.

Балистот Ферми Бајрами сведочел: „Една ноќ во почетокот на 1945 во селото Горјане, дојдоа Алија, Назиф и Абдула, кои во тоа време беа илегалци и живееја во шума... Со нив беа и Џемо Хаса од Симница и уште триста други души. Во близината на мостот на реката Маздрача, кај Жеровјане, на патот Тетово-Гостивар, почнавме борба со партизаните... Лично Абдула Амити ми кажа оти кај селото Лавци убиле 12-14 партизани. Алија ми кажуваше дека во селото Дуф ја фатиле ќерката на попот и Абдула, Алија и Назиф ја обесчестиле, и тоа во нејзиниот двор и се смееле со неа“.

Џемаил Хасани е убиен во пролетта 1945 година. Претходно, во почетокот од 1945 година, ОЗНА во Македонија организирала потрага по Џемо, кој со вооружени групи се движел низ Албанија и западна Македонија. Во март истата година биле воспоставени контакт и соработка со Риза Раифи, роднина на телохранителите на Џемо: Абдула Зибери, Абдула Амити и Назиф Амити. Соработникот Риза Арифи се обврзал заедно со телохранителите да го заработат или ликвидираат Џемо. ОЗНА за возврат им ветила слобода, доколку не продолжат со ограбувањата.

Неколку дена пред мај 1945 година, офицерите на ОЗНА заминале за Гора, каде што одржале средба со телохранителите на Џемо, Зибери и Амитија. На таа средба тие на офицерите им ја покажале главата на Џемо, донесена во вреќа. За нивна заштита, ОЗНА објавила дека припадниците на ЈНА го убиле Џемо во акција. Што се однесува до неговите телохранители, тие не го почитувале договорот со ОЗНА, туку се приклучиле кон групата на Шаип Садику. Во 1948 година таа група по налог на албанската тајна полиција Сигурими влегла во Македонија и на Косово и вршела оружени напади врз војници на ЈНА. Во една од акциите, луѓето што го убиле Џемо по налог на ОЗНА биле заробени и осудени на затвор.



Изменето од Македон - 06.Март.2010 во 22:51

Zeksi71, такви анализи на друго место прави, на историја не!

Изменето од Македон - 08.Март.2010 во 01:21