Мелита Ракичевиќ

ЕКСКЛУЗИВНО СО ЈУЛИЈА СРЕБРЕНОВА ЗА НАВОДНАТА ТЕПАЧКА СО МЕЛИТА РАКИЧЕВИЌ И БРАЧНИОТ ТРИАГОЛНИК:

Барем да беше љубов, дотичната ја интересираат само пари!
"Се познаваме долго време. Не е така како што изјави таа дека не ме познава. Многу добро ме познава повеќе од 20 години и верувам дека целта и беше само како да го зграби она што јас и мојот сопруг сме го заработиле. Се обиде на еден многу низок и евтин начин да го земе она што некој го создавал со години, со тоа ја повреди мојата интелигенција!"
Приказната околу минатонеделната "тепачка" во која "подебелиот крај" наводно го извлече водителката Мелита Ракиќевиќ не застанува. Повредена од приказните во кои познатата сопственичка на салон за убавина Јулија Сребренова е претставена како насилничка која проблемите ги решава со тупаници.

Јулија не се пресметала физички со Мелита, а на целата случка и претходеле телефонските повици што ги добивала Сребренова. Во нив и било посочувано дека нејзиниот сопруг има љубовница. Тоа ни го потврди и Јулија, која единствено сака да се тргнат темните дамки фрлени врз нејзиното име и да се заштитат нејзините малолетни деца, кои сега, како што вели, се под лупата на јавноста. Во ексклузивната исповед Јулија, вели, дека на овој чекор се решила со единствена цел - да го заштити своето семејство, првенствено децата...

"Изминативе неколку дена сметам дека сум неправедно присутна и повикана во медиумите со зборови со кои е нарушен мојот, но и угледот на моите деца. Сакам сето ова макар да го запрам и да и дојавам на дотичната личност која што ме вмеша можеби и намерно, дека нема да дозволам да ја потцени мојата интелигенција. Претходно добивав анонимни повици и бев наведена на овој чекор, таа самата го иницираше. Моите деца се веќе под лупа на околината и чувствував таква потреба да излезам и да го кажам ова јавно. Веќе се преземени сите законски чекори кон тоа да ги заштитам и да го вратам постоечкиот мир во мојот дом и постоечкиот мир во срцата на моите деца, кои ми се најсветото нешто. Како и секоја нормална и вистинска мајка чувствувам дека децата ми се поважни од самата себе затоа и го правам ова", вели Сребренова, отфрлајќи ги сите обвинувања пристигнати на нејзина адреса.

Верува дека на крајот правдата ќе победи и дека на сите ќе им стане јасно оти зад оваа класичка местенка не се крие љубов.

"Овде не се работи за љубов. Кога би било така би го оставила тоа да оди по некој природен пат, но овде се работи за нешто друго. Мотивот на целата игра е поинаков и целта на третите лица вмешани во мојот живот е друга", вели Јулија, додавајќи: "Бев принудена тоа да го видам. Не се работеше за никаква тепачка, никакво насилство. Едноставно во присуство на нејзиниот сопруг, кој беше повикан од мене, сакав заедно да ја дознаеме вистината. Десетина дена претходно му дојавив, господинот ме ислуша во прво време, а потоа ме негираше затоа што, веројатно, не сакаше да ја прифати вистината. Немаше никаков инцидент тоа е нејзино смислување на настанот и многу сум револтирана".Сребренова откри дека во прво време се сомневала оти нејзиниот сопруг е во врска со некоја тинејџерка, која нема мајчински чувства. "Не е мое ниво да се бавам со злобни умови и личности кои навреме не се реализирани во ниту една област од својот живот. Нејзините аптетити се многу поголеми, а токму тоа ме наведе кон тој пат и да видам која е третата личност која ми се меша во бракот. Помислив дека се работи за жена која не е мајка. Мислев дека е тинејџерка која не размислува. Не би сакала да навредам никого, ниту дотичната со која се познаваме долго, иако таа го негираше тоа, но верувам оти целта и беше само како да го зграби трудот на другиот ум. Се обиде на еден многу низок и евтин начин да го земе она што некој го создавал со години, со тоа ја повреди мојата интелигенција. Ќе се борам до крај за своето и ги преземам сите законски мерки за клеветите и лагите што ги пласираше преку медиумите, затоа што е нарушен угледот на моите деца, пред се. Ќе го вратам она што го имам, а ако таа мисли со тоа што го става детето во втор план дека е мајка очигледно греши и воопшто не мислела на својот пород,,...........