Даме Груев

Георги Николов Делчев, Георги Петров Николов... и така :

Деjци на ВМОРО

Трите имиња постоjат и денеска во Бугариjа- сопствено, баштино и фамилно.

lav4eto напиша: Трите имиња постоjат и денеска во Бугариjа- сопствено, баштино и фамилно.

Чекај бе,сакаш да кажеш дека Даме Груев бил Бугарин?

Platenik напиша: lav4eto напиша: Трите имиња постоjат и денеска во Бугариjа- сопствено, баштино и фамилно. Го има тоа и во Македонија,само што оди по следниов ред име, татково име, презиме или Дамјан Јован Груев Георги Никола Делчев итн

Да, како во свидетелствата и изводите од матичните книги- само што тие се потпишувале Георги Николов Делчев, Крсте Петков Мисирков, Никола Јонков Вапцаров итн.

Во времето непосредно по неуспешното завршување на Илинденското востание, значајна е да се спомене посетата на Даме Груев, еден од челниците на ВМРО, на Тресонче и на другите малорекански села во тој реон (Селце и Росоки). За оваа посета треба да се истакне дека тој за малку избегнал убиство од турските заптии, а за сметка на тоа еден тресончанец бил убиен.

Настанот се случил во септември 1904 година. Војводата од малореканската чета, Павле Караасан, честопати бил повикуван на советување и примање упатства од страна на Даме Груев и Христо Узунов (исто така еден од првите луѓе на Организацијата). По една таква средба, Даме изразил желба лично да ги посети малореканските села, Тресонче, Селце и Росоки. Во есента 1904 година била организирана средба со челниците на тие села, од кои Даме искажал особена благорадност, заради големиот ангажман на селаните за време на востанието. Средбата требало да се случи во селото Росоки, како позатскриено и средишно место меѓу мијачките села. На четникот од малореканската чета, Ефстатија Чалоски му било наложено да замине и во Галичник, за на средбата да ги повика и тамошните првенци, Иван Дуков Пендаровски, Иван Ѓиноски и Пејчин Томоски.
     









Даме Груев

Во исто време, Даме Груев, придружуван од кичевската и од реканската чета, предводени од Јован Терзиев, во мракот влегол во Тресонче. Се сретнал со селаните, поразговарале за политичките проблеми и заминал кон блиското село Селце, кое е всушност неговото родно село. Таму запрел на починка во куќата на Никола Мицев Самарџиоски, пред да го продолжи патот кон Росоки.

По патот, зад Дамета доаѓала и една к*рирска пошта. к*рирот брзал да го стигне Груев, но во близина на селото Лазарополе, го пресретнал некој Зоге од Маврово, кој живеел во Тресонче. Се понудил да ја преземе поштата и да му ја предаде на војводата Терзиев, па тој подоцна да му ја даде на Даме. Овој се сложил, па така писмото Зоге го сокрил во зобницата на коњот. На пат кон Тресонче, кај месноста Коритник во близина на Лазарополе, Зоге сретнал косачи, кои биле придружувани и од аскер. Еден од аскерлиите почнал да го пребарува товарот и во зобницата ја пронашол поштата!

Зоге веднаш бил ставен на големи маки за да каже каде е четата за која била наменето писмото. Човекот не можел да го издржи тепањето и кажал. По признанието, миљазимот на војската во Лазарополе, не знаејќи дека се работи за Даме Груев, кон Тресонче испратил само 11 војници кои заедно со Зоге се упатиле преку ридот кај главатарот тресонечки, Јован Терзиев. Кога стигнале кај него аскерџиите го извадиле надвор и го подложиле на измачување за да каже каде е четата. Јован не сакал да каже, па Турците му ја скршиле првин едната рака, а потоа му ги извадиле и очите, но тој ништо не кажувал!

Така измачен го земале со себе и тргнале кон Селце. Кога стигнале во подножјето на селото, Јован знаејќи дека таму се наоѓа Даме, почнал да вика колку што го држел гласот. На тоа скокнале сите кои биле куќата на селечанецот Самарџиоски, Даме ја изгорел целата архива што ја носел со себе и тргнале кон Росоки (45 минути одење од Селце). Во бркотницата бил ранет Павле Караасан, а долу Турците го отепале измачениот Јован Терзиев (денеска неговите коски се наоѓаат во црквата "Свети Никола" во Тресонче). Во пукотниците Даме го сменил правецот, па наместо кон Росоки, тргнал назад преку месностите Сини Вир, Браненица, Долна, Средна и Горна Лебарица и Брзовец, излегувајќи кај изворите на Тресонечка река и преку планината Думовица се нашол во Кичевско. Тој пат морало да го изоди барем за еден ден.

Во меѓувреме, галичките првенци кои веќе се наоѓале во Росоки и го чекале Дамета, се загрижиле зошто го нема војводата, па се упатиле кон Селце. Кога стигнале до месноста Голобарник, чуле пукање и откако разбрале за случувањата, но и дека Даме е веќе на безбедно, се повлекле назад кон Галичник.

Со тоа, предвидената средба со Груев пропаднала, живот на револуционерот бил спасен, но дадената жртва, тресончанецот Јован Терзиев, била скапа.       

И Македонска крвава свадба се играше во србија,бугарија и Македонија.Нема што авторот на иванко ваш е.А оти го играа тука нема ништо лошо.Хамлет на кој е?

Кога ова дело ќе стигне во рацете на читателот, научник или обичен намерник кој се интересира за историја, никого нема да остави рамнодушен. Тоа е пред се заради стилот на пишување, големиот број на добро срочени и поврзани податоци, внимателно одбрани зборови за објаснување на многуте нејаснотии во навидно јасната историја на македонското ослободително движење... Авторот не ги крие и оние нешта што може да предизвикаат разни реакции и коментари за дејностана Дамјан Груев. Тој бил човек со карактер, со доблести, но и недостатоци. Тој знаел да проценува, но и да греши... Ова е голема книга, за да може да биде прирачник за брзо читање. Ова книга ќе предизвика интерес, но и полемика со сите оние што се занимаваат со историјата на македонското ослободително движење во Р. Македонија, но и во соседните земји. Тука ќе го најдат Даме Груев, таков каков што бил... (проф. д-р Далибор Јовановски)



Д. Груев, беше еластичен, прониклив и практичен ум, помалку на теорија, отколку на дело. Во практика тој имаше нешто сократско по иронијата и методот на пропагирање на ослободителната идеја... Неговиот индуктивен манир и вера во народните сили многу му олеснуваа во пропагандата. Тие квалитети, од него создадоа еден редок организатор - апостол. (Првиот претседател на ЦК на МРО, Христо Татарчев, за Даме Груев)




Груев е родум Македонец и постојано живее во Македонија... Тој има големо влијание не само во Македонија, туку на него сметаат и бугарската и српската влада. Турската влада ја има оценето неговата глава на 5000 лири. Г. Груев е релативно млад човек, со убав библиски лик... (Рускиот весник Новое Време за Даме Груев 1905 г.)

Изменето од mungos80 - 07.Мај.2010 во 22:30