ДА ИМ ПОМОГНЕМЕ НА ОНИЕ КОИ ИМААТ ПОТРЕБА

Добредојдовте!

Овој подфорум третира теми во кои ако не се пронајдеме себеси, тогаш треба СЕРИОЗНО да се запрашаме себе: зошто воопшто јас и’ тежам на планетава, кога не сум и’ ама баш од никаква корист???

За што постои овој подфорум?
Постои за да поставуваме пораки, форумски постови (од други форуми) и апели од типот на оние хуманитарните кои ги добиваме секојдневно на е-меил или ги гледаме на телевизија, или ги слушаме на радио или ги читаме на интернет кои содржат барање од типот: “тоа лице треба да се оперира од ова/да му се пресади она... операцијата чини толку, и поради недостаток на финансиски средства семејството моли тоа и тоа...“ или теми од типот “тоа и тоа семејство од тој и тој град живее во сиромаштија... препуштени се самите на себе и се надеваат на Божјата Милост и на сочувството на хуманите граѓани“ или било какви други теми во кои оскудицата, сиромаштијата, немаштијата, болестите, гладот, несреќноста, очајот, тагата, болките, солзите и сето она што тишти, гребе или разорува некого на видлив или невидлив начин. На овој подфорум ќе биде и топло добредојдено да се кажат сите оние луѓе - идивидуи, заедници, групи, здруженија, институции, бизниси, компании и друго, кај кои можеме да се обратиме кога ќе дознаеме дека некој има било каква потреба од помош, а овие ја нудат таа помош.

Пораките и постовите кои ги читаме на овој подфорум, Ве молам да ги препраќаме секому, преку интернет, преку форуми на интернет, преку е-меил, Facebook, потоа форумски, веб порталски и секакви други групни пораки до сите до кои можеме, да одиме од врата до врата кај бизнисмени и по компании и кај сите од кои барем се надеваме дека би добиле помош и активна поддршка каква што бараме, потоа пораките и постовите од овој подфорум да ги ставаме на Facebook (на наш профил или да отвораме нов профил или група), да ги праќаме преку фиксни и мобилни телефони, доколку сме во можност - да направиме да се прикажуваат на телевизија и да се пренесуваат и на радио, и да им кажуваме на сите на кои можеме, да ги шириме на секој можен начин, зашто колку повеќе луѓе знаат - толку побрзо ќе се соберат потребните средства или воопшто ќе се помогне секому на секој најбрз можен начин.

Да се потрудиме да бидеме луѓе во вистинска смисла, и да се вложиме себеси за овој свет да го направиме за нијанса попријатен и поудобен за живеење и за нас и за другите. Навистина голем е светот, ама и најдолгиот пат започнува од првиот чекор! Секоја промена треба да започне од секого од нас лично, па да се менуваме полека-полека како заедница, како општество, како континент, како свет.

Подфорумов би сакал да се сфати како проект, како акција, кој(а) ќе направи и да се зближиме повеќе едни со други, и ние форумџиите меѓу себе, но и ние (како луѓе кои АКТИВНО дејствуваме нечие добро)од една страна, со оние кои страдаат од друга страна. Некогаш Господ намерно допушта страдања за да ги зближи и спои луѓето... Она што ни е останато како предание од нашите стари, тоа е дека маката од секогаш ги зближувала луѓето.

Ајде да помогнеме ние денес, да помогнеме на конкретен начин, како можеме - така! Кому со пари, кому со храна, кому со облека и обувки, кому со убав збор и полезна порака, кому со сочувствителна солза, кому со... Да се потрудиме да му се најдеме на ближниот во неговата потреба без оглед каква му е потребата, да му приидеме на соодветен начин. Утре можеби и ние ќе имаме потреба од нечија помош! И да не го бараме назад даденото... нека е алал, само да е за добро!

Господ со нас да биде и да ни отвори “шеснаесет“ очи и тоа, што се вели, да ни ги отвори “шест банки“ (т.е. ширум), и да ни ги праќа сите случаи кои би можеле да ги третираме, и да ни отвори патишта за дејствување и да ни даде сили да работиме. Амин (т.е. така да биде)!!

Животот на Мила зависи само од хуманоста на луѓето