На небото над нас наскоро би можеле да летаат нови, хибридни цепелини во што е уверен Мајкл Стујард, извршен директор на компанијата која го дизајнираше новото летало SkyLiner.

- Со нашите истражувања сакаме да комбинираме авион и цепелин и да создадеме хибрид, изјави Стујард.

Тој верува дека клучот лежи во спојувањето на хелиумот и аеродинамиката на авионот.

- Нашиот цепелин, кој носи повеќе од 200 тони, со својот посебен систем на слетување може да се спушти без да има потреба од писта, изјави Стујард за CNN.

Компанијата сега се соочува со недостаток на финансиска поддршка за својот проект.

Сепак, да не биде сè така црно, сведочи и фактот дека конк*рентската компанија Hybrid Air Vehicles минатата година доби договор за градење на сличен хибрид цепелин за потребите на американската компанија Northrop Grumman.

Цепелинот кој чини 517 милиони долари е поголем од фудбалски терен и ќе им овозможи на американските сили во Авганистан набљудување од височина од шест илјади метри.

Стив Принс од магазинот Air Cargo World верува дека постои пазар за ваквите летала, како за потребите на чартер така и за набљудувањето на тешко пристапни места.