Алкохолизам

 Алкохолните пијалоци се составен дел од секоја прослава. Кои се малите трикови за избегнување на последиците?

Како и повеќето работи во животот, се што се конзумира умерено е во ред. Проблемот настанува кога ќе претераме. Алкохолните пијалоци се произведуваат со ферментација на шеќер или скроб. Како основна суровина се користат повеќе видови на житарици и овошја и додатоци кои даваат посебна арома. Пијалоците се разликуваат по содржината на алкохол, јаглеродни хидрати и растителни хемикалии.

Јаглеродните хидрати се разликуваат од пијалок до пијалок. На пример, вискито, водката и коњакот не содржат шеќер, за разлика од виното кое содржи од 2 до 10 грама шеќер на 1 литар, пивото 30 g/L, ликерите околу 120 g/L.

Големите количини алкохол кои се конзумираат во краток временски период можат да бидат фатални. Алкохолот е токсичен. Предизвикува иреверзибилни оштетувања на црниот дроб и на другите органи (дигестивниот систем, мозокот, срцето, мускулите и половите жлезди).

На алкохолот не му е потребно варење. По конзумирањето, течноста бргу го пронаоѓа својот пат низ организмот, па 95% од него директно се абсорбираат директно во крвотокот низ желудникот и тенкото црево. Останатите 5% го напуштаат телото преку потење, дишење и урината. Алкохолот кој ќе го испиеме на празен желудник ќе се абсорбира во крвотокот по 20 минути.

Неколку празнични совети и трикови:

1. Внимавајте колку пиете
Количината на внесениот алкохол одредува како ќе се чувствувате наредното утро. Мамурлукот ќе биде послаб доколку се конзумираат помали количини на алкохол низ подолг временски период и доколку за тоа време се конзумира храна (се мези де).

2. Внимавајте што пиете
Некои алкохолни пијалоци предизвикуваат изразен мамурлук. На пример, пијалоците кои содржат повеќе метанол и етанол, како на пример коњак, виски  и црно вино ќе предизвикаат посилен мамурлук од водка на пример, бидејќи не содржи метанол.

3. Пијте вода
И пред и по славењето. Неколку чашки вода пред спиење можат да направат чудо и да ве спасат од утринскиот мамурлук.

4. Пијте овошни сокови
Храната и пијалоците кои се богати со овошен шеќер (фруктоза) е ефикасна против мамурлукот.

5. Јадете сува и неутрална храна
На пример крекери или двопек. Ваквата храна го одржува нивото на шеќерот во крвта на постојано ниво и дава чувство на најаденост.

6. Обезбедете адекватен внес на витаминот Б.

7. Доколку имате главоболка
Воздржете се од аспирин, бидејќи ќе ја надразни и онака чувствителната слузница на желудникот. Не земајте парацетамол. Иако често се користи како замена за аспирин, метаболизмот на алкохолот може да му го зголеми токсичното дејство на оваа супстанца на црниот дроб.

8. Напијте се кафе или внесете кофеин преку други извори.
Иако влијанието на кофеинот на мамурлукот не е научно докажан, традиционално се применува со векови.

И за крај - не пробувајте да го излечите мамурлукот со уште алкохол (на пример, мамурлук од коњак со пиење пиво), бидејќи во овој случај клин со клин не се избива.

Opasna rabota ova so alkoholot mada sto vo posledno vreme go konsumiram samo za vikend i isklucivo za vikend , stanav samosvesen za problemot sto go imam so alkoholot . Porano sekoj den , ne birav ni vreme ni mesto kolku ke se ispijanam . Vo toj period i mnogu gluposti napraviv , tepacki , gresev na luge , izgubiv vredni luge vo zivotot , dobiv etiketa , dobiv 20 kg visok vo edna godina , gi promasiv studiite , mi se odrazi na rabotata . Sega samo za vikend pijam isklucivo vo saabota , mada sto vo posledno vreme sakam i sabota da ne pijam , vo sporedba so porano mnogu mi e podobro , pocnav da sportuvam povtorno , se zapisav sega na nov fakultet i mi ide super, rabotata i odnosot so lugeto e povtorno vraten na normala , mozam da kazam deka bev vo pekolot 1 godina do 2 . eve veke 3 godini miren sum , barem popoleka go namaluvam alkoholot i stanav samosvesen za negovoto stetno dejstvo. Za resavanje na problemot t.e. ranata faza da se spreci, najmnogu treba covekot da stani samosvesen , bez toa seto e dzabe .