Најубава Македонка ќе се избира во хотел на крај на летото

Мис на Македонија за 2011 година ќе се избира на крајот на летото во еден од елитните скопски хотели, ни најави Стефани Борсова, актуелната Мис на Македонија. Изминативе два месеци, девојки од цела Македонија се пријавувале на официјалната веб страница на Мис на Македонија за Мис на светот. За аплицирање биле потребни неколку фотографии од целото тело од сите агли, а условот е да не се обработувани на фотошоп.
Избраните кандидатки кои ќе се натпреваруваат за Мис ќе бидат претставени на страницата на Мис на Македонија со видео клипови на македонски и на англиски јазик. Видео претставувањата ќе ги снимаат организаторката на изборот, Лидија Велковска од "Мис М". Велковска од 1996 година е сопственичка на лиценцата за Мис на светот. Девојката која ќе ја изберат за Мис на Македонија ќе не претставува на Мис на светот, кој годинава ќе се одржи во Лондон, на 6 номеври, 61 година по ред. Ланскиот 60-ти јубилеј се славеше во Кина, и победи Александриа Милс од САД.
Нашата ланска претставничка Стефани Боросова беше избрана во хотелот "Њу Стар" близу Скопје. Прекланска претставничка беше Сузана Ал Салкини, која Лидија Велковска ја избра по сопствена желба. Салкини требаше да ја претставува Македонија на Мис на светот во 2008 година, но не замина поради тоа што организаторката не успеа да и обезбеди спонозри да го покријат патувањето и претстојот во Јужна Африка. Борсова вели дека повеќе детали за годинешниов Мис ќе се знаат следниот месец

Почнува изборот на Мис на Македонија 2011 за Мис Глоуб

На вчерашниот генерален кастинг, кој се одржа во Модното студио "Црнокрак", од пријавените над 100 девојки, избрани се 25те полуфиналистки од кои само дел ќе имаат можност да учествуваат на главниот избор на мис на Македонија за мис глоуб. Пред финалето девојките ќе имаат караван на убавина, што значи ќе се претстават на турнејата низ сите големи градови. Турнејата стартува вечерва во Кавадарци во кафе барот "Круна", а во сабота во Гостивар во мотел ресторанот "Игнатиа". Победничките од полуфиналните вечери ќе се пласираат дирекно за финалето кое кје се одржи на шести август во Охрид, во хотелот "Силекс".
Победничката ќе ја претставува Македонија на изборот за Мис Глоуб 2011, кој ќе се одржи во октомври, а придружничките ќе учествуваат на други интернационални избори за кои модното студио "Црнокрак" поседува лиценци.
Минатогодишната победничка на овој избор, Ива Михајловска ја претставуваше Македонија на неколку интернационални избори од кои се врати со неколку титули. На изборот на мис на Медитеранот ја освои титулата прва придружничка, а на изборот на Кралица на светот ја освои титулата четврта придрузничка