Откако во Медина, Вашингтон купил имот во 1988 година, Бил Гејтс својата куќа ја градел цели седум години, а на крајот го чинела 63 милиони долари.

Целиот имот го нарекол 'Xanadu 2.0' според фикцискиот дом на Чарлс Фостер Кејн, протагонист во култниот филм „Граѓанинот Кејн“, а ова се некои од најинтересните факти за неговиот дом.


1. Денес вреди 123 милиони американски долари 

Бил Гејтс куќата ја изградил на имот кој во 1988 година го купил за два милиони долари.

2. За нејзината изградба биле потребни 1.200 кубни метри дрво 

Куќата е изградена од стебла на Дагласови елки стари 500 години. Ја граделе дури 300 работници, а дури една третина од нив биле електричари.

3. Високотехнолошкиот систем на сензори на сите гости им овозможува во собите да ја контролираат топлината и осветлувањето 

Кога гостите ќе пристигнат на имотот од Гејтс, секој од нив добива пин код кој им дава пристап до сензорите кои се распоредени во целата куќа. Секој гостин ја внесува температурата и осветлувањето кое го преферира и тоа се менува во целата куќа додека гостинот поминува низ неа.


4. Куќата ја користи околината за да го намали губењето на топлина 

Куќата на Бил Гејтс е „заштитена со земја“, што значи дека е „вградена“ во околината за да може што поефикасно да ја регулира температурата, пишува „The Independent”.

5. Секој, со еден допир може да ја менува декорацијата на просторијата 

Очекувано, куќата на Бил Гејтс е полна со огромни екрани, а сопственикот и гостите сами одлучуваат кои дела на уметноста ќе се прикажуваат на нив.

6. Музиката не запира дури ни под вода 

Базенот дол 18 метри се наоѓа во посебна зграда од 362 метри квадратни, а звучници за музика се поставени дури и под површината на водата.


7. Во куќата има и соба за – трамболина 

Никој не знае колку е голема трамболината во куќата на Гејтс, но познато е дека таванот во таа просторија е висок нешто повеќе од шест метри. Околу 230 квадратни метри од куќата се наменети за физички тренинг – теретани и сауни.

8. Собата за прием може да прими 200 луѓе 

Доколку Бил Гејтс посака вечера за 150 луѓе, тоа може да го направи во една од собите во куќата. Доколку, пак, се работи за коктел забава, тогаш таа бројка се искачува и до 200 луѓе, а на еден од ѕидовите екранот е висок речиси 7 метри.

9. Во куќата има дури 24 бањи 

За случај да дојдат гости, нели?


10. Низ куќата има распоредено шест кујни 

Секако, не се сите во употреба цело време, туку по потреба и во случај да се организираат забави.

11. Во оргомната библиотека се наоѓа и ракопис кој Гејтс го платил 30 милиони американски долари 

Библиотеката се протега на 195 квадратни метри. Во неа се наоѓаат и две тајни полици со највредните книги, а во неа е и 'Codex Leicester', дело на Леонардо да Винчи кој во 1994 година Гејтс го платил 30 милиони долари.


12. Домашното кино може да смести 20 луѓе 

Тоа е опремено со најудобните можни седишта, а пред нив може да се нарачаат пуканки и пијалок.

13. Гејтс има омилено стебло кое го надгледуваат многу камери 

Основачот на Мајкрософт наводно толку многу се поврзал за 40 години старото јаворово дрво, што тоа многу внимателно се чува и има сопствен систем на наводнување во случај на сушни периоди.

14. Песокот на неговата плажа е увезен од Карибите 

Со оглед на тоа што природата го прави своето и водата го однесува песокот, тој секоја година повторно увезува тони песок од Карибите.


15. Некој еднаш платил 35 илјади долари само за разгледување на имотот 

Мајкрософт секоја година одржува акции за услуги или производи за кои се натпреваруваат нивните вработени, а сите приходи се уплаќаат за добротворни цели. Пред неколку години еден вработен во Мајкрософт платил дури 35 илјади долари само за да го разгледа имотот.