Петгодишна болна од Leucosis Actua Biphenotipica

Ѕвездите ќе пеат за Мартина

За да се соберат повеќе средства за малата Мартина Димитрова од Кавадарци којашто боледува од тежок вид леукемија и мора итно да се оперира во Германија, освен хуманитарен концерт ќе биде организирана и аукција на слики од познати кавадаречки уметници. Веста ја потврди Ќазим Асотиќ од Ту Хартс Продукција којшто е организатор на хуманитарниот концерт "Подај рака" којшто ќе се одржи на 10 ноември во спортската сала во Кавадарци.
Досега учеството на концертот го потврдија Андријана Јаневска, Елена Петреска, Игор Узунов, Наташа Малинкова, Софија Манева, Маријан Стојановски, децата од детскиот фестивал "Гроздоберче", а се чека на одговор и од повеќе естрадни ѕвезди од соседството, помеѓу кои и Јелена Карлеуша и Сека Алексиќ.
На петгодишната Мартина Димитрова мора да и’ се пресади коскена срцевина во специјална клиника во Германија. Операцијата од која на девојчето му зависи животот, чини над 100.000 евра, а родителите треба да партиципираат со над 20.000 евра. Сите коишто сакаат да помогнат можат да донираат 100 денари со јавување на бројот 070 143 143 и на 077 143 143 или пак да уплатат пари на жиро-сметката за Мартина Димитрова во Комерцијална банка на 300 047 069 362 362 и на девизна сметка 02-301-0507752,7 02-301-0507752,7 IBAN CODE 073 003 010 507 752 19   SWIFT KOBS MK 2X KVB.