МАНУ конечно им се спротивстави на професорите-нег

   МАНУ конечно им се спротивстави на професорите-негатори на Македонија

Академиците не можат да ја прифатат логиката на невидената уцена што ја наметнува Грција за легитимното име на својот мирољубив и пријателски сосед

Македонската академија на науките и уметностите (МАНУ) вчера објави пишана реакција како одговор на писмото потпишано од повеќе професори, главно од грчко потекло, од разни универзитети од САД, Канада и од Европа, што тие го упатиле до американскиот претседател Барак Обама, со кое се негира идентитетот на македонската нација и се бара тој да ја измени државната политика кон Република Македонија. 

Реакцијата на МАНУ доаѓа речиси три месеци по иницијалното писмо на Стивен Милер, професор по археологија на универзитетот „Беркли“ во Калифорнија. Тој бара од Барак Обама да не ја признава Македонија под уставното име, притоа изнесувајќи историски приказни дека сме биле Пајонија во антиката. Писмото наводно го потпишале 300 професори од десет земји во светот, но оваа информација до денес не може да се потврди. Неколку професори веќе му одговорија на Милер, реагирајќи пред сé на мешањето на античката историја со денешни политички моменти. 

Белата куќа, пак, во изјава за „Нова Македонија“ во понеделникот јасно стави до знаење дека ќе го игнорира писмото на Милер, за да не влијае врз преговорите за името што се водат под посредништво на ООН. 

Својата задоцнета реакција, во писмото МАНУ ја образложува со „настојувањето да не се впушта во дневнополитички расправи и да го следи само патот на научната мисла“. Сепак академиците, овој пат, почувствувале потреба да реагираат на писмото потпишано од повеќе професори од разни универзитети. 

„Писмото го негира не само идентитетот на македонската нација туку и нејзиното инхерентно и цивилизациско право да се вклучи во интегративните системи на современиот демократски свет. МАНУ е изненадена од неговата неакадемска реторика, со која една суверена и независна земја како Република Македонија, членка на Обединетите нации, се именува како „земја за којашто станува збор“ и брутално се навредува. 

Како луѓе на науката, се вели во реакцијата, членовите на МАНУ не можат да ја прифат логиката на невидената уцена што ја наметнува Грција за легитимното име на својот мирољубив и пријателски сосед. 

„Тоа македонско име е многувековно колективно чувство, артикулирана автоперцепција и самосвест на македонскиот народ“, пишува МАНУ. 

Академијата не се расправа со Милер и другите за античка Пајонија, туку наведува дека македонската нација е општо признаена како една од јужнословенските нации, македонскиот јазик е признаен како рамноправен во групата словенски јазици и се проучува на славистичките катедри на универзитетите во светот. 

Академиците посочуваат дека се манипулира со одамна познати историски факти, кои имаат непобитно значење, како признавањето по уставно име од 120 држави и фактот дека Македонија е членка на ООН: „Мнозинското население во Република Македонија со векови и денеска се идентификува како Македонци во согласност со основното и универзално признаено право на национално самоопределување и идентитет. На политичката и културната мапа на светот не постои друга држава што го носи името Македонија, народ што се самоименува како Македонци, ниту, пак, јазик што е познат и меѓународно признаен како македонски“. 

Што се однесува до научната аргументација и т.н. историски факти од минатото, МАНУ опширно ќе се осврне на историските позиции изнесени во писмото до претседателот Обама и на становиштата на некои од потписниците, елаборирани во нивните трудови во вториот дел од објавената книга „Македонија и односите со Грција“ (1993), кој ќе го опфати особено периодот откако Република Грција го оспори правото на нашето многувековно и уставно име

Konechno i ova da se sluchi....nash*te akademci ne bile nemi, prozborea najposle.       

Внеси реплика	страница 12 3 >
Tweet