Жените се склони кон уништување на врските

На почетокот на секоја врска се’ функционира совршено, но со време жените стануваат незадоволни и поставуваат премногу прашања и ја губат самодовербата. Тоа е почетокот на крајот за која е крива жената и нејзината несигурност. Англискиот таблоид „The Sun“ објави дека научниците и психолозите ја потврдиле нивната теорија.

- Добро е познат фактот дека доколку сами не се сакаме, тешко можеме да ја заслужиме љубовта и почитувањето од другата личност. Истото се случува и со врските кои започнале на најубав начин, а потоа пропаднале, изјави познат психолог.  

По некое време жените започнуваат да си ги преиспитуваат своите желби и се почесто почнуваат да се запрашуваат зошто партнерот не им обрнува внимание или пак ја бараат причината зошто мажот прекинал со делењето на комплименти. Вистината е сосема поинаква бидејќи мажите едноставно функционираат на потполно поинаков начин.

Гледано од женски агол оваа работа изгледа вака: Жените знаат да сакаат и сакаат да бидат сакани, не сакаат да повредат некого, но исто така сакаат и нив никој да не ги повреди бидејќи знаат што чувствуваат. Проблемот настанува кога жените од мажите почнуваат да ја очекуваат истата работа, без притоа да размислат дека мажите функционираат поинаку од нив.

Една од работите со кои понекогаш тешко можете да се носите е машката искреност. Тие не размислуваат пред да одговорат на прашањето и многу поедноставно ги даваат одговорите, за разлика од жените кои најчесто добро размислуваат пред да одговорат на некое прашање. Од едно обично прашање „Дали Анџелина Џоли е секси?“, на кое одговорот гласи „Да многу“, ќе настане проблем поради машката искреност.

Жените се чувствуваат сигурно и многу полесно знаат да ги искажат чувствата. Кај мажите работата е сосема поинаква бидејќи тие се независни и во повеќето случаи тие си се доволни самите на себе. Мажот потешко знае да ги искаже чувствата, а тоа жените најчесто не го разбираат, па така настануваат и проблемите. Поради тие различности најчесто доаѓа до расправија, но главени виновници не се мажите, туку жените кои потешко ја прифаќаат нивната незаинтересираност и самостојност.

Она што ќе ја обезбеди добрата врска е сфаќањето дека мажите поинаку реагираат од жените. Добра врска е онаа во која двете страни ќе ги прифатат предностите и недостатоците. Истражувањето не ги има опфатено сите жени на светот, па поради тоа не мора да значи дека сите врски пропаѓаат поради понежниот пол.