Осумгодишна суспензија за Победа во Евро Куповите

УЕФА со нов удар за Победа на 27 мај

На денот кога Европа во Рим ќе го добие новиот клупски шампион, УЕФА ќе го "дотолчи" тимот кој е фатен во местење натпревар од квалификациските кола во Лигата на шампионите. На 27 мај, во Нион е закажан состанокот на второстепената комисија на УЕФА по жалбата на Победа, која на 17 април се соочи со драконски казни од судот во Швајцарија. Прилепчани 8 години се исклучени од настап во евро-куповите, а Александар Забрчанец и Николче Здравевски заработија доживотни забрани за работа во фудбалот. Сето тоа откако беше докажано дека Победа во 2004 година го намести за обложувалници натпреварот со Пјуник од Ерменија.

Во предвиденото време ФК Победа ја достави жалбата до УЕФА, а вчера од Нион стигна и веста дека 27 мај е терминот кога ќе заседава второстепената комисија на внатрешната контрола која веќе долго време го води случајот околу оваа местенка. Победа речиси и нема аргументи со кои ќе докаже дека УЕФА донела погрешна одлука.

Според наши извори, луѓето од УЕФА се многу лути на реакцијата на клубот по објавувањето на казните на 17 април и соопштението кое следеше два дена по одлуката во кое прилепчани на своја рака соопштија имиња кои се водат како заштитени сведоци. Поради таквиот став можно е казните да бидат зголемени. Се очекува голема парична казна за Победа, која ги прекрши правилата на игра и по судењето во Швајцарија.

Терминот кога заседава УЕФА за овој случај е во ден кога во Рим се игра финалето од Лигата на шампионите, но и термин кога во Македонија веќе ќе бидат познати сите дилеми околу расплетот во шампионатот.

Па поглупо местење од мечот Победа - Пјуник не постои.

Нај скапо ги чини веќе,8 години забрана за учество во Евро купови,плус доживотна забрана за Ацуле и Здравевски во фудбал.

Доги паровите од Македонска лига ги има на понуда во многу кладилници,ама ептен се пратат и не се прима големи уплати на нив.

УЕФА со нов удар за Победа

Од денеска се очекува да стапат на сила одлуките на УЕФА за доживотни суспензии од фудбалот за Александар Забрчанец - Ацуле и Николче Здравески, а ФК Победа Прилеп во наредните 8 сезони нема право да ја претставува Македонија во евро-куповите. Арбитражната комисија на УЕФА вчера имаше маратонски и целодневен состанок по кој беше одлучено веста околу ФК Победа да биде објавена денеска на официјалната веб-страница на УЕФА.

Речиси е неверојатно Победа да се спаси во целиот овој скандал затоа што дознавме дека одлуката на Арбитражната комисија била едногласна со што се потврдуваат санкциите изречени на 17 април од судот на УЕФА.

"Македонски спорт" беше на лице место во Нион и ги следеше настаните околу деценискиот скандал кој го потресе македонскиот фудбал. Дознавме дека ФК Победа се соочува со нов удар затоа што Дисциплинската комисија на УЕФА ќе покрене дополнителна постапка поради давање лажни имиња низ медиумите околу сведоците кои учествуваа во целиот овој процес. Истото им се заканува и на ФФМ и претседателот Харалампие Хаџи-Ристески кои имаа потези со кои се нарушуваше истрагата на УЕФА. Се најавуваат парични казни и суспензии за функционери, а на црната листа на УЕФА за случајот "Пјунук" има уште 4 имиња на фудбалери кои настапиле за Победа на тој меч и давале лажни изјави. Местенката со Пјуник во 2004 година е најголемиот и најтежок удар не само за ФК Победа туку и за комплетниот фудбал во Македонија. Ова е невиден срам и резил за луѓето кои без ниту еден грам и совест за финансиска добивка од обложувалниците го наместиле својот клуб, својата историја својата држава. УЕФА нема милост за таквите фудбалски злосторници кои се дел од големото зло кое му се случува на фудбалот, а токму ваквите санкции се доволен доказ дека почнува големата битка против фудбалската мафија која мести натпревари.

"Овој случај е доказ дека не седиме со вкрстени раце и дека бараме начин како да излеземе на крај со фудбалската мафија. Очекувам Арбитражната комисија да ја отфрли жалбата на Победа и да стапат на сила одлуките од 17 април. За нас во УЕФА ова е голема победа. Не застануваме тука, продолжуваме", беше изјавата за "Македонски спорт" на Рудолф Стефан Стинер од внатрешната контрола на УЕФА.

За очекување е одбивање на жалбата на Победа со оглед на тоа дека прилепчани без одбрана се појавија во Нион и немаа аргументи како да се соочат против обвинението. Пет судии од пет земји се очекува да донесат едногласна одлука со која уште еднаш ќе се потврди местенката на ФК Победа. Но сигурно се прашувате зошто беа потрошени дури 10 часа!? Затоа што УЕФА тука не застанува. За да покаже сила кон сите оние кои одеа против овој процес се покренува обвинение против 4 фудбалери кои настапиле на дуелот со ФК Пјуник поради давање лажни изјави, а на удар е и фудбалскиот врв на чело со Хаџи-Ристески, кои со своето однесување и изјави одеа против процесот на УЕФА. Истото важи и за Победа, која на следната седница може да заработи и дополнителна парична казна, а суспензија им се заканува на фудбалерите и луѓето од фудбалскиот врв.

ЕВРОПСКАТА КУЌА НА ФУДБАЛОТ БАРА ОД МАКЕДОНИЈА АКЦИЈА ПРОТИВ ФУДБАЛСКАТА МАФИЈА
УЕФА доаѓа на "гости" кај МВР!!!

Во понеделник обвинителот на УЕФА ќе го предаде досието со "наместени" натпревари на министерката Јанкуловска



Обвинителот на УЕФА, Герхард Капл, доаѓа во посета на Министерството за внатрешни работи на средба со министерката Гордана Јанкуловска. Во понеделник УЕФА во земјава ќе го донесе досието "Македонија" во кое има голем број доказни материјали и факти за "наместени" натпревари. Од Нион бараат помош од државните власти на нашава земја во борбата против фудбалската мафија. Ваквата реакција на внатрешната контрола и дисциплинците на Нион доаѓа откако ФФМ ги игнорираше и не ги почитуваше одлуките на УЕФА по скандалот со Победа кога во текот на пролетните месеци клубот од Прилеп беше фатен во "местењето" натпревар од 2004 година против Пјуник. Победа заработи 8 години забрана за настап на евро сцената, додека Александар Забрчанец и Николче Здравески се соочија со доживотна забрана со работа во фудбалот.

Санкциите против Победа требаше да биде опомена за сите оние кои на нечесен начин сакаат да стигнат до добра заработивачка со "местење" натпревари за добивка од обложувалниците. Веста беше пренесена на сите континенти, но ФФМ делуваше аматерски и придонесе за еден куп негативни реакции од критики од УЕФА кои стигнаа на адреса на нашата федерација на чело со Харалампие Хаџи-Ристески.

ФФМ сериозно не ги сфати акциите на УЕФА, а тргна и против истрагата со објавување имиња кои биле во улогата на заштитени сведоци. И место сето тоа да се почитува и да се молчи затоа што доказните материјали се цврсти, од наша страна без аргументи се тргна против УЕФА, која сега доаѓа со материјалите во земјава.

Дознавме дека во досието покрај Победа, Забрчанец и Здравески ќе се споменат и имиња на други личности. Истите тие треба да бидат гонети од државните власти на Македонија за организиран криминал затоа што истите тие не подлежат на казни или суспензии од УЕФА.

Македонското МВР, според она што го дознавме, позитивно одговорило на барањето на УЕФА за заедничка акција и токму поради тоа следи состанокот во понеделник во Скопје. Материјалите на УЕФА ги носи обвинителот на Нион, Герхард Капл од Австрија. Се очекува нашето МВР да добие и доверливи материјали од УЕФА околу истрагата која ја води оваа институција и против други случаи за кои исто така постои основа и покрената е акција за докажување "местенка". Уште од поодамна најавивме дека УЕФА има истрага за уште 7 други случаи кои се поврзани со Македонија со "местење" на други средби од евро-куповите, но и натпревари на нашите националниот тимови до 21 и до 19 години.

Станува збор за сериозна работа и за сериозна акција во која сега се вклучуваат и домашните власти кои мора да влезат во акција и со помош на УЕФА да ставот крај на организираниот криминал со "местење" натпревари за добивка од обложувалниците.

Само така и само со реакција на МВР може да се надеваме дека во некоја од следните години некои клубови од земјава ќе играат чесно низ настапите во куповите кои се во организација на УЕФА.

За посетата на УЕФА кај МВР не е информирана ФФМ со што само уште еднаш се потврдува ставот дека од Нион не му веруваат на фудбалскиот врв во Македонија. Зошто!? Затоа што сигурно имаат материјали со кои би се потврдило дека и тие имаат замешано прсти во случаите кои се под истрага. Затоа и се бара помош од МВР, а кои ќе бидат следните чекори и на каков начин двете федерации ќе војуваат со фудбалската мафија, ќе се знае во периодот кој следи. Сега останува да го почекаме понеделник и средбата на обвинителот на УЕФА, Герхард Капл, со министерката Гордана Јанкуловски. Потоа може да се очекува и реакција на органите за прогон кои ќе добијат доказни материјали за неколку "фудбалски" работници од Македонија за нивната нечесна игра...


УЈП ја казни ФФМ со 1.500 евра

Скандалите со билетите беа причината поради која инспекторите на УЈП со денови ја "тресеа" ФФМ. Беа најдени "живи" пари, а билетите се продавале без да се издаваат фискални каси. Дознавме дека првиот чекор на УЈП околу казнувањето на ФФМ е паричната казна од 1.500 евра со која е казнета "куќата на фудбалот" за лошото работење. Се бараат и докази со кои ќе може акцијата да продолжи и да се покрене акција за финансиски криминал во ФФМ. Паричната казна е доказ дека ФФМ не знае да работи како што треба.

Костов "молел" да остане во ФФМ

Во "куќата на фудбалот" се разделија со Никола Костов. Тој повеќе не е генерален секретар во ФФМ и стана единствената жртва за последните скандали кои го дрмаа фудбалот во земјава. Сепак, Костов сакал да остане во фудбалот. Сметал дека може да "помогне" и во иднина, но да биде раководна личност на правната служба во "куќата на фудбалот". Костов на седницата во четвртокот барал милост, но не ја добил од членовите на УО, кои му ја покажа вратата и го испратија во неславната историја како функционер кој ќе се памети по лошите дела а добрите никој не се сеќава и дали ги имало.

Уште три македонски клубови се под истрага за вкупно четири нивни натпревари одиграни во рамките на натпреварувањата организирани од УЕФА.

Ова денеска во Скопје го објави главниот инспектор на УЕФА Герхард Капл по средбата со македонската министерка за внатрешни работи Гордана Јанкуловска.

Капл прецизираше дека под истрага е кумановската екипа Милано за натпревар одигран во јули годинава и скопски Вардар за натпревар одигран пред две години.

Под истрага е и Работнички од Скопје за два натпревари, но не е прецизирано за кој период се однесува.

Истрагата за овие натпревари е во тек и доколку бидат утврдени нерегуларности, досиеата ќе бидат испратени до македонските власти, а ќе бидат превземени и соодветни мерки, рече Капл.

Воедно, тој денеска на македонските органи им го предаде досието за случајот „Победа“, која доби суспензија од осум години за настап во еврокуповите.

„Истражуваме неколку случаи во Македонија, а во еден случај веќе бевме успешни, изјави Капл по средбата со министерката Јанкуловска.

Тој информираше дека Апелационото тело на УЕФА и ја потврди казната на прилепска Победа, која што вложила жалба пред арбитражен суд во Лозана, но тоа не го одложува извршувањето на изречените санкции.

Министерката Јанкуловска рече дека вмешаните во манипулациите во фудбалот ќе одговараат според македонските закони.