Снимени првите сцени од филмот за Џон Ленон

Снимени првите сцени од филмот за Џон Ленон

Во Ливерпул се снимени првите сцени од биографскиот филм за Џон Ленон, легендарниот член на Битлси.

Во филмот се зборува за детството и тинејџерското време на Ленон, а насловен ќе биде како Nowhere boy, како алузија на познатата песна на Битлси Nowhere man.

Како основа за проектот е книгата "Imagine This: Growing up with John Lennon".

Британската актерка Кристин Скот Тома ќе ја игра тетката на Џон која го одгледала по разводот на неговите родители.

Улогата на Ленон како дете му е доверена на Арон Џоунс додека Ленон како момче ќе го игра Томас Сангстер.

Режисер на филмот ќе биде Сем Тејлор Вуд, сценарио - Мат Гринхалд кој е и автор на сценариото за филмот Control за животот на лидерот на Joe Division.