Грција токми вето за Хрватска

Атина може да бара Загреб или да не го признава македонско малцинство во Хрватска или да го прекрсти во „фиромско“

Во преговорите за зачленување помеѓу Хрватска и ЕУ Атина дискретно му најавила на Загреб дека е незадоволна од споменувањето на постоење на македонско малцинство, кое има своја православна црква на територијата на Хрватска, дознава "Дневник" од дипломатски извор. Во текот на хрватските преговори со ЕУ има поглавје за правосудството и фундаменталните човекови права и тоа е едно од најзначајните преговарачки поглавја. За да може да работи на ова поглавје, Хрватска е принудена да ги даде сите податоци за етничките малцинства на својата територија, како и податоци за верските заедници. Познато е дека во Хрватска постојат македонско малцинство и Македонска православна црква. Според податоците во Хрватска 4.270 лица се декларирале како Македонци на последниот попис во 2001 година и се официјално признаени како малцинство, а меѓу верските заедници во Хрватска е регистрирана и МПЦ. Овие податоци Хрватска ги внела во документите неопходни за одвивање на преговарачкиот процес, на што незадоволно реагирале грчките дипломати.

Ова преговарачко поглавје се' уште не е отворено иако Загреб има добиено зелено светло од Европската комисија за негово отворање, но според процедурите, темата треба претходно да мине низ Советот на министрите на ЕУ каде што треба да се изјаснат сите земји-членки.

- Има најави дека Грција би можела да се побуни поради тоа што во поднесената хрватска документација е посочено постоење македонско малцинство и негова православна црква - вели изворот на „Дневник“.Засега ниту еден хрватски ниту европски дипломат не сака отворено да зборува на оваа тема.

- Се надеваме дека ќе можеме наскоро да го отвориме ова поглавје. Многу зависи од блокадата што ни ја поставува Словенија - велат во хрватската мисија во Брисел, каде што официјално тврдат дека немаат потврда за грчко незадоволство.

Главната грижа на Загреб останува словенечката блокада на десет преговарачки поглавија поради територијалниот спор на двете земји во Јадранот. Во принцип, Словенија не го блокира поглавјето за правосудството и фундаменталните човекови права, но откако дојде до оваа словенечка блокада Загреб е внимателен во предвидувањата.

Според анонимниот дипломат, голема е веројатноста дека во Советот на министрите во ЕУ Грција ќе протестира на споменувањето на македонското малцинство, а некои од нив шпекулираат дека има дискретен договор и со Србија, која иако не е членка на ЕУ, го поддржува грчкиот потег во делот кој би можел да и' помогне да продолжи со непризнавањето на Македонската православна црква.

- Не верувам дека Грција може да оди дотаму да ги блокира преговорите - вели дипломатот. Сепак, тој смета дека, со оглед на спорот помеѓу Скопје и Атина, чие решавање не е ни на повидок, грчките дипломати ќе ја користат секоја можност да го афирмираат својот став и може да се случи од Хрватска да бараат или да се откаже сосема од македонското малцинство или да го прекрсти во „фиромско“.

Постојат исто така најави дека ова поглавје ќе го блокираат Холандија, Белгија и Велика Британија поради извештаите на хашкиот обвинител Серж Брамерц според кој Хрватска добро соработува со Хашкиот трибунал, но се уште не и' ја предала сета документација на меѓународната правда.

http://www.dnevnik.com.mk/?ItemID=ED73DEB0A076AA4FB1DC6E7308B12773

Pa ova Grcive navistina ne se normalni!

Znachi ova ne samo shto go pokazhuva nivniot prostotiluk, tuku i novoto na deprimiranost.

mislam deka doprva trgnuvaat .... a do kade kje stignat , e toa ostanuva da se vidi

da ..... bi bilo ubavo koga bi imale i argumenti i vistinski prijateli koi bi ni pomognale vo toa ... medjutoa , kako gledam , nekako tesko odi rabotata

doiskazi se ..... sigurno ti imas resenie ... kako i sekogas

На грците не им треба помош,совршено си тонат самите

ThePPPTrooper напиша: имам решение, немам власт