Рели 2009

Саинц ја презеде контролата!

По саботниот ден одмор, Карлос Саинц повторно покажа зошто е еден од главните фаворити за победа на Дакар релито со триумф на кратката 294 километри долга етапа од Валпараисо до Ла Серена. Возачот на Фолскваген доминираше, а неговиот тим оствари 1-2-3 победа со Германецот Дитер Депинг на второто и Американецот Марк Милер на третото место. Уште поважно за Саинц, четвртиот Фолксваген на Јужноафриканецот Жиниел де Вилиер беше само петти со повеќе од 10 минути заостанување, така што сега Шпанецот води во генерален пласман со речиси 1 минути предност.

"Се додека не заврши релито ништо не е сигурно. Денес за првпат возевме на патеки и ова беше вистинска традиционална етапа. Се надевам дека ќе продолжиме како денес", вели Саинц.

Французинот Сирил Деспре на КТМ победи на осмата етапа во пласман на мотоцикли, но мораше да избегнува невообичаена пречка - магаре на патеката! Марк Кома, кој заврши втор на етапата со 1:49 заостанување, се уште има огромна предност во генерален пласман. Ова е втора етапна победа за Деспре оваа година, со што шампионот од 2005 и 2007 се искачи на третото место во генерален пласман со час и половина заостанување зад Кома.

"На околу 15 километри од финишот, едно магаре одеднаш се појави зад една грмушка пред мене. Тоа беше среќно избегнување, за мене и за него", вели Деспре.



РЕЗУЛТАТИ

НЕДЕЛА, 11.ЕТАПА, ВАЛПАРАИСО-ЛА СЕРЕНА, 294КМ

АВТОМОБИЛИ

1.Саинц (Шпа) - Фолскваген 3:47:19

2.Депинг (Гер) - Фолскваген +4:02

3.Милер (САД) - Фолскваген +4:12

4.Рома (Шпа) - Мицубиши +4:15

5.Де Вилиер (ЈАР) - Фолскваген +10:48

МОТОЦИКЛИ

1.Деспре (Фра) - КТМ 4:07:39

2.Кома (Шпа) - КТМ +1:49

3.Лопез (Чил) - КТМ +2:56

4.Дукло (Фра) - КТМ +12:39

5.Виладомс (Шпа) - КТМ +13:12



ГЕНЕРАЛЕН ПЛАСМАН

АВТОМОБИЛИ

1.Саинц (Шпа) - Фолскваген 27:20:59

2.Де Вилиер (ЈАР) - Фолскваген +10:57

3.Милер (САД) - Хамер +18:05

4.Рома (Шпа) - Мицубиши +33:31

5.Гордон (САД) - Хамер +1:32:01

МОТОЦИКЛИ

1.Кома (Шпа) - КТМ 30:33:15

2.Фретиње (Фра) - Јамаха +1:06:28

3.Деспре (Фра) - КТМ +1:33:34

4.Стрит (САД) - КТМ +1:39:07

5.Улевалсетер (Нор) - КТМ +1:42:24

Одложена 11-тата етапа од Релито Дакар

Денешната единаесетта етапа од Релито Дакар била одложена поради лошите временски услови и густата магла на патот.

Етапата која требаше да се вози на релација Копиапо-Фимбала поминува низ стрмните предели на Андите, а возачите ќе треба да ја минат и границата помеѓу Чиле и Аргентина. До крајот на Релито остануваат уште три етапи кој ќе ги одредат и победниците на овогодинешното рели.