СВЕТИ ПИСАНИЈА

Главните свети писанија на Хиндуизмот se четирите Веди кои потекнува од 1500 до 4000 години пред Христа. Упанишади се религиозни текстови кои се интерпретации на Ведите и кои ја елаборираат доктрината на обедувањето на душата ( Атман ) со Апсолутната Вистина ( Браман ) преку медитација и контеплација, како и објаснувањето и разбирањето на Кармата - акумулативниот ефект на човековите акции во текот на неговиот живот.
Други важни дела се Рамајана и Махабхарата, како и текстовите Брамани, Сутри, Пурани и Аранаки.


ОСНОВНИ ВЕРУВАЊА

Браман - Единствениот Бог кој е се што постои и кој е во се што постои. Се е создадено од Него и ништо не постои надвор од Него. Тој е сеприсутен и семоќен, трансцедентен и иминентен, и се манифестира во онаква форма каква што е најпогодна за луѓето во нивните индивидуални желби, барања и потреби.

Божјето Тројство - Брама ( Креаторот, Создавач на се што постои ), Вишну ( одржувач на создаденото ) и Шива ( уништувач на создаденото ).

Деви и Аватари - Деви се небесни Божји суштества. Аватар е Бог кој се симнува во материјално тело на земјата за да ја обнови дармата во човековото живеење и да ги води луѓето во мокша.

Реинкарнација - живот после смртта со повторно раѓање во друго материјално тело.

Самсара - Хиндусите веруваат во перпетуално преселување на човековата душа при умирањето од едно тело во друго.

Карма - Акумулирана сума на добрите и лошите дела кои душата ги наследува во својата преселба во новото тело и кои одредуваат каков ќе биде квалитетот на новиот живот. Добрите дела овозможуваат повторно раѓање на повисоко ниво, додека лошите можат да придонесат и до повторно раѓање во форма на животно. Со правилното живеење секој може да излезе од самсарата и да постигне просветлување.

Ахимса - Верување во неагресивност од секој вид и форма, вклучувајќи ги и мислата, говорот и делото. Од тука потекнува вегетаријанството кај хиндусите.

Дарма - Протективната моќ на Божествениот закон во живеењето.

Вистина - Ултимативно, вистината секогаш победува и само таа протектира.


ЧЕТИРИТЕ ПРИНЦИПИ НА ХИНДУИСТИЧКИОТ ЖИВОТ

Дарма - водење исправен религиски живот
Арта - успешност во секојдневниот живот преку материјален и економски просперитет
Кама - ментално и сензуално задоволство
Мокша - ослободување од самсара. Ова е главниот принцип на хидусите ниврити, оние кои го посветиле својот материјален живот на просветлувањето. Ова исто така се смета за врвна цел на човештвото.