Што може Македонија да очекува во 2009?

   Во 2009. Грција ќе биде претседавач со ОБСЕ. Дора Бакојани нема да пропушти ниту една можност да реагира и на најмали пропусти за време на изборите во Македонија, велат за А1 дипломати на ОБСЕ.

Иако Македонија е полноправна членка на оваа меѓународна организација за соработка и безбедност, нејзиното име ќе се избегнува да се спомнува во официјалните документи.

Тоа веќе започнаа да го прават и претставници на ОБСЕ од Азербејџан, држава со која имаме воспоставено дипломатски односи од '95-та под уставното име.

- Која земја, бидете конкретен?

„Вашата земја беше рангирана на првата позиција“, рече Јовдад Мамадов, набљудувачка мисија на ОБСЕ во Скопје.

Од чешкото претседателство со ЕУ до средината на јуни 2009-тата, Македонија најмногу може да очекува визна либерализација. Датум за преговори со Унијата ќе треба да се бараат во втората половина од годината кога Шведска ќе биде претседавач со ЕУ.

Словенија претседава со Советот на Европа, па ова е можност да се искористи партнерството со оваа пријателска земја, за поддршка на барањата за правата на македонското малцинство во соседните земји членки, велат дипломатски извори.

Во април НАТО ќе го одржи самитот по повод 60-годишнината од формирањето во францускиот град Стразбур и германскиот Келн. И од овој самит, Македонија не треба да очекува многу, прогнозираат претставници од пријателски НАТО членки.

Наклонетоста кон Македонија би можела да се зголеми со евентуалниот избор на поранешниот словенечки премиер Јанез Јанша за нов генерален секретар на Алијансата. 

„Би сакал еден Словенец да преземе некаква одговорна функција во една од меѓународните организации и ако има можност, јас мислам дека би бил добар генералниот секретар, се покажа како добар претседавач на ЕУ во првата половина на 2008“, изјави Ален Брајан Бергант, словенечки амбасадор во Македонија.

Во Обединетите нации Македонија оваа година нема свои претставници на клучни функции. Таму годинава треба да се депонира и документот за завршената демаркација на границата кон Косово.

Внеси реплика	страница 12 3 5 >
Tweet