OВА Е ТАЈНАТА НА БЕРМУДСКИОТ ТРИАГОЛНИК

Откриена вистината за Бермудскиот триаголник

Во последните неколку векови, исчезнувањето на бродовите и авионите на територијата помеѓу Флорида, Пуерто Рико и островот Бермуда се сметаше како резултат на мистерија, виша сила или паранормални појави.

И покрај тоа што постојат докази и статистики по кои бројот на исчезнати во областа на Бермудскиот триаголник не се разликува толку многу со исчезнати лица во целиот океан, факт е дека многу околности останаа нерешени, па токму поради тоа овој триаголник стана синоним за Ѓаволски триаголник.

Лошата репутација за овој триаголник започна уште во 1492 година, кога Кристофер Колумбо забележал чудни навигации на својот компас. Неколку дена подоцна, тој видел необична светлина, која го вознемирила екипажот на бродот и токму поради тоа сакале да се вратат во Шпанија.

Во 1970 година, крајбрежната стража на САД се обидeла да образложи одредени причини за исчезнувањето во оваа област. Имено, ова не е единствена област во која се јавува магнетна варијација и отстапување на курсот дури од 20 степени. Магнетните варијации е нешто кое капетаните на бродовите добро го знаат и не е нешто кое би можело да ги вознемири.

Иако магнетните полиња во светот се во постојано движење, магнетното поле на Бермудскиот триаголник е во мирување. Без разлика на тоа што е точно дека магнетните вредности во внатрешноста на триаголникот се специфични, стручњаците сметаат дека оваа област не е толку невообичаена во однос на кое било друго место на Земјата.

Легендата за овој триаголник почнала да зазема голем зафат во 1950 година, кога Едвард Ван Винкл Џонс напишал статија во весник во кој го опишал исчезнувањето на неколку бродови и авиони во мошне краток период. Како докази образложил исчезнување на пет американски бомбардери кои исчезнале на 5 декември 1946 година, два патнички авиони чие исчезнување е пријавено дури на 30 јануари 1947 година и 17 јануари 1949 година, а пријавени се вкупно 135 лица за исчезнати.

Сепак, критичарот Лари Куше тврди дека некои луѓе навистина ги преувеличуваат своите статистики и дека многу случаи се сметаат за мистериозни и покрај тоа што биле навистина јасни. Во обвинувањата тој објави и неколку инциденти кои биле дел од црната листа на несреќи во областа на Бермундскиот триаголник, а сепак се случиле на сосема различно место.

Како причина за преувеличување на овој триаголник, Куше ја објаснува потребата за создавање на сензационални приказни, кои ги заслепиле стручњаците, кои не истражувале доволно, токму поради тоа што биле фасцинирани од сите исчезнувања.

И покрај тоа што неговото дело „Решена мистеријата за Бермудскиот триаголник“ успеа да го сруши митот за оваа област, сепак сè уште постои мал сомнеж за она што навистина се случува. До ден денешен, бродовите и авионите ја одбегнуваат областа, само поради овие митови.