Свирки, концерти, клубски настапи...

eve ja oficijalnata plakata....



Еве ја и официјалната најава за концертов:

МкМетал Бригада 010:

ONSLAUGHT (UK)
CARNAL FORGE (SWE)
HOLOCAUST (MK)
LAST ACT OF DEFIANCE (MK)

Датум: 09.05.2008 | Клуб: Castro | Цена: 600 денари | Влез: 19:30 | Почеток: 20:00

На 9ти Мај во клубот Кастро ќе се случи 10тата јубилејна, а воедно и најголема свирка во организација на МкМетал Бригада. Турнејата со назив „Horns Up Festival Tour“ во Скопје ни ги носи thrash metal легендите и еден од првите бендови на британската underground метал сцена – ONSLAUGHT. Заедно со нив доаѓа и еден од најпопуларните бендови на шведската thrash/death метал сцена – фуријата со назив CARNAL FORGE. Домашна подршка ќе бидат кумановските thrash metal ветерани HOLOCAUST и новоформираниот скопски бенд од постари и искусни музичари кои свират crossover thrash – LAST ACT OF DEFIANCE. Концертот започнува во 20.00 часот, вратите се отвараат во 19.30 часот, а билетите по цена од 600 ден ќе можат да се купат на билетарата од клубот.



Onslaught е британски thrash metal бенд оформен во 1983та година. На почеток влечат влијанија од вториот бран панк бендови како Discharge и The Exploited, за да потоа продолжат со потежок звук имајќи ги за влијание првите thrash metal изданија.

Дискографијата на бендот е: Power from Hell (1985), The Force (1986), In Search of Sanity (1989) пред распаѓањето на бендот во 1991ва година, како и Killing Peace (2007) и ДВД изданието Live Polish Assault 2007 по нивното реоформувње во 2005та година, како и неколку синглови и демоа во текот на целата нивна кариера.

Моменталната постава ја чинат: Sy Keeler – вокал, Nige Rockett – гитара, Andy Rosser-Davies – гитара, Jeff Williams – бас и Steve Grice – тапани.



Carnal Forge е шведски метал бенд формиран во 1997ма година. Свират технички thrash metal со deathgrind влијанија и hardcore вокали. Името на бендот го земаат од истоимената песна на Carcass, од “Heartwork” албумот.

Ги имаат потпишано следниве изданија: Who’s Gonna Burn (1998), Firedemon (2000), Please… Die! (2001), The More You Suffer (2003), Aren’t You Dead Yet? (2004), Destroy Live (DVD, 2004) и Testify for My Victims (2007). Последниот албум исто како и Onslaught го издаваат за Candlelight Records.

Моментална постава на бендот се: Peter Tuthill – вокал, Dino Medanhodzic – гитара, Petri Kuusisto – гитара, Lars Linden – бас и Stefan Westerberg – тапани.



Holocaust е кумановски thrash metal бенд формиран во 1993та година под името “Reborn”, а во 1995та година го менуваат името во Holocaust. Важат за легенди на македонската метал сцена, а со своите еколошки, пацифистички, анти-политички и социјални идеи во текстовите се пример за идните генерации.

Во својата кариера имаат издадено неколку демо снимки и видео изданија од кои позначајни се демо-албумот Domination of Sinners (2005) и трите ДВД-а: Dinner at Tiffany’s (2005), War at MKC (2006) и Ten Years Of Holocaust (2007) каде е дадена ретроспектива на творештвото на бендот од 1997ма па наваму.

Членови на бендот се: Оливер Милорадовски (Шкокле) – вокал, Филип Тасевски (Кирк) – гитара, Дарко Симоновски (Даре) – гитара, Мирослав Денковски (Мими) – бас и Оливер Младеновски (Шарги) – тапани.

За првпат во живо со огромна чест ви ги најавуваме: Last Act Оf Defiance, нов скопски бенд во кој членуваат Боби (Генералштаб, Morbid Joker, Corpus) – вокал, Зоки-Lou (Mumuzumundi) – гитара, Зејтин (Nihilist) – тапани и Дејан – бас. Состав со постари членови од кои се очекуваат зрели текстови, а музичкиот израз е crossover thrash комбинација.

znam druze, ali znaes kako e so anglicanite....funtot e jaka rabota

inace zatoa spomnav nakaj 23/24 e slednata svirka vo mkc na promocijata na embryotomy

Како што веќе знаете, во вторник (6 мај), екипата на Plagijat организира свирка на која гостува прогресивниот/експериментален хардкор колектив од Берлин, The Ocean. Момците се моментно на масивна европска, како и американска турнеја од 60-ина настапи што ја почнаа едвај две недели откако се вратија од низата изведби со пеколните Rotten Sound, Victims и Trap Them. На настапот во Скопје бендот доаѓа со сопствено светло, а во Кастро ќе има озвучување специјално изнајмено за свирката. Подолу следуваат три битни работи што можеби не сте ги знаеле за The Ocean, надополнети со неколку видеоклипови - колку да видите каков пекол ќе се случува во вторник во Кастро.

1. Долга листа значајни соработници: The Ocean важат за отворен арт-колектив во кој може секој да членува - на албумите и на свирките настапуваат музичарите кои се во можност, а креативните конци ги влече Робин Стапс. Затоа, воопшто не изненадува што досега, на изданијата на бендот, гостувале многу битни фаци од прогресивната хардкор и метал сцена. На Aeolian, како вокалисти се појавуваат: Томас Халбом од Breach, Нејт Њутон од Converge и Шон Инграм од Coalesce, за кого ова е омилената соработка во кариерата. На Precambrian, пак, освен Њутон и Халбом, пеат и: Кејлеб Скофилд од Cave In, Дуид Хелион од Integrity и Ерик Калсбик од Textures. Албумот е миксан во Њујорк од Ендру Шнајдер, кој има работено со групи како Unsane, Pelican, Cave In и Made Out of Babies. За мастерингот, пак, беше одговорен Ник Зампиело - на неговата листа се имиња како Converge, Isis и The Red Chord. Артворкот е дело на Мартин Кваме кој ги работи обвивките на проектите на Мајк Патон: Fantomas, Tomahawk и Patton/Kaada. И на крајот, но ништо помалку важно: оркестарските елементи на Precambrian се снимени од членови на Берлинската Филхармонија.

Orosirian [Precambrian]: http://www.youtube.com/watch?v=rWNHkTk2YFA

2. Настапи со важни прогресивни групи: штом ќе завршат со турнејата низ Европа, The Ocean се префрлаат во САД каде што ќе свират со ништо помалку импресивните и значајни: Kylesa, Lair Of The Minotaur и Withered. Потоа одат на францускиот Hellfest, каде што годинава, на неколкуте бини, меѓу другите, настапуваат: Anathema, Baroness, Between the Buried and Me, Come*ack Kid, The Dillinger Escape Plan, In Flames, Katatonia, Meshuggah, Opeth, NOFX, Porcupine Tree и Sick of It All. На 24 јуни повторно се враќаат на европско тло, но овој пат со брилијантните Швеѓани Cult Of Luna.

Ecstasian [Precambrian]: http://www.youtube.com/watch?v=4K4TGxrUrjA

3. Детален геолошки концепт на Precambrian: Името на четвртиот албум на The Ocean, Precambrian, го означува првото поглавје од еволуцијата на Земјата - на македонски, терминот гласи "предкумбриски". Изданието е поделено на два дела. Првиот е мини-цеде од 22 минути со наслов Hadean/Archaean, а вториот е комплетен албум од 62 минути именуван Proterozoic. Обата збора со однесуваат на последователни геолошки еони во рамките на Precambrian-ерата. Песните, пак, се поделени во пет "пониски" ери, а нивните наслови ги носат имињата на посебните геолошки периоди. Комплицирано, нели? Да, знам, ама има уште. Концептот и артворкот на цедето се вртат околу раните денови на планетата, кога Земјата била сурово место во кое не можел да опстојува живот, а насекаде имало оган, сулфур и лава. Додека во Hadean и Archaean-периодите стартувало формирањето на атмосферата, во времето на Proterozoic, планетата почнала да се лади и на неа се појавиле првите форми на живот. Токму затоа, Hadean/Archaean е енергичен, директен и поедноставен, додека Proterozoic поизбалансиран. Иако често еруптира во моќни сегменти, тука материјалот се смирува во моменти на убавина и мелодија. Нумерите имаат епска допжина и ја менуваат атмосферата, динамиката и емоциите кои ги испраќаат до публиката.

Nazca [FluXion]: http://www.youtube.com/watch?v=REOJ01eHyas

jau, a na 5ti nie picime vo struga

А нешто цена на карта се знае?