Градоначалникот Стамов демантира дека предизвикал сообраќајка и ќе го тужи „Фокус“

Градоначалникот на Дојран Борче Стамов демантира дека предизвикал сообраќајка, како што објавија повеќе медиуми.

„Најостро ги демантирам наводите изнесени во текстот, дека сум предизвикал сообраќајна несреќа, што претставува обид да се наруши мојот углед, без разлика што насловот е завиен во прашална форма. За тоа, како настанала сообраќајната незгода, кој ја предизвикал, ќе покаже вештачењето.  Воедно, со овој демант, ве известувам дека ќе поднесам приватна тужба за нарушување на угледот и честта, а Вашите наводи ќе мора да ги докажете пред судските органи во Република Македонија. Со оглед на сето ова, се надевам дека мојата реакција ќе биде навремено и целосно објавена на порталот фокус.мк“ - се вели во демантот. 

http://www.vest.mk/default.asp?ItemID=A646B034BAA28547B0A0F75537AB396B

МВР ЈА ПОТВРДИ СООБРАЌАЈКАТА НА СТАМОВ

Дваесетгодишната Благица Т. од Богданци која, заедно со нејзиниот сопатник Благоја П. беа тешко повредени во сообраќајка, во која учествувал и автомобилот на градоначалникот на Дојран Борче Стамов, пуштена е на домашно лекување, додека, пак, настраданото момче сè уште се наоѓа на Клиниката за максилофацијална хирургија во Скопје.

Борче Стамов

Сообраќајката се случила викендов, кај браната Паљурци, и во неа учествувале автомобил "голф 1" и џип "киа спортаж", кој го управувал Стамов. Струмичката полиција потврди дека на 29 март околу 13 часот, на патниот правец Богданци - брана Паљурци дошло до судир на "голф 1", управуван од Т. Б., и џип "киа спортаж", управуван од С.Б., по што возачот и совозачот од "голфот", поради повредите, биле префрлени на болничко лекување, додека возачот на џипот, со полесни повреди е пуштен на домашно лекување. 
Веста за тешката сообраќајка во која учествувал и градоначалникот на Дојран ја обелоденија родителите на повреденото девојче, сомневајќи се дека полицијата сака да ја прикрие несреќата
"Ќерка ми уште беше во свесна состојба, и ми кажа дека ги удрил џипот кој го управувал Стамов. Има обиди да се скрие делото, наводно, да се прикаже дека возел некој друг. Не сакам да се скрие делото, бидејќи знам дека сиромашниот секогаш губи", изјави за Интернет телевизијата НОВА Мики Тасевски, татко на повредената девојка.
Спротивно, пак, на обвинувањата, Иво Котевски вчера ни изјави дека МВР не го скрило настанот. Како што објасни тој, практика е во полициските билтени кои се достапни на јавноста да се објавуваа само сообраќајки со смртни последици .
Градоначалникот на Дојран Борче Стамов вчера не беше достапен за коментар. По објавените информации во медиумите, тој се огласи со демант. 
"За тоа како настанала сообраќајната незгода, кој ја предизвикал, ќе покаже вештачењето", стои во демантот на градоначалникот на Дојран Борче Стамов .