Олимписки игри-Пекинг 2008

Дечки дали знае некој како може да се следат олимписките игри во живо преку интернет. Се разбира тоа да биде бесплатно!!!
ПОздрв

ВАТЕРПОЛО - ГЛАВНИТЕ ФАВОРИТИ СПОРЕД ПЛАНОТ

Само хрватските "мустаќи" совршени по три кола

Светскиот тим број 1, Хрватска, доминираше во првите три меча од олимпискиот турнир во ватерполо во Јингдонг Нататориумот и се промовираа во први фаворити за титулата. Тие почнаа со 11:7 победа над Италија, а потоа со 11:8 ги совладаа Србите, за во четврток полесно од очекувањата со 13:5 да ги совладаат Германците. Дамир Буриќ имаше три гола, а четири ватерполисти имаа по два гола. Хрватска имаше 50% удари на гол, постигна гол во секоја позиција со играч повеќе и завршија со 8 украдени топки, 6 асистенции и 3 блока.

"Хрватска во моментов дефинитивно е фаворит за финалето", призна германскиот тренер Хаген Штам.

Хрватите, сепак, најголемо внимание привлекоа поради тоа што цел тим има пуштено помалку смешни мустаќи за натпреварувањето.

"Беше смешно кога првпат ги видов, но тие навистина уживаат. Причината не сум јас како што се мисли, туку тоа што решија дека ќе се гледаат два месеци и мораат да направат нешто поинаку", вели тренерот Ратко Рудиќ.

Во другите мечеви во чевртокот, Италија имаше лесна прошетка против домаќините Кина со 19:7, Црна Гора ги остави Грците без победа со 10:6 триумф, а Австралија со 8:5 ја совлада Канада, во натпревар во кој канадскиот тренер Драган Јовановиќ доби исклучување и автоматска суспензија од еден натпревар.

Освојувачите на златото од последните две Олимпијади, Унгарците, останаа непоразени со 8:5 победа над Шпанија, додека Србија со 4:2 ги совлада Американците, кои претходно имаа две победи. Американците имаа доста шанси за изненадување, но имаа 2 гола од 27 обиди, и не можеа да постигнат гол трипати во петте шанси со играч повеќе, и тоа против вториот голман на Србите, Слободан Соро.

Американците ќе се обидат да се вратат со победа в сабота против Хрватите. Овој меч ќе го обедини сегашниот хрватски тренер Ратко Рудиќ против тимот кој го тренираше од 2001 до 2004.

РЕЗУЛТАТИ

ГРУПА А

Унгарија - Шпанија 8:5 (2:3/4:2/0:0/2:0)

Црна Гора - Грција 10:6 (3:1/2:1/5:2/0:2)

Австралија - Канада 8:5 (2:3/2:1/3:1/1:0)

ГРУПА Б

Хрватска - Германија 13:5 (4:1/3:2/2:1/4:1)

САД - Србија 2:4 (0:0/1:2/0:2/1:0)

Кина - Италија 7:19 (2:5/2:5/1:4/2:5)

ТАБЕЛИ

ГРУПА А

1.Црна Гора 2 1 0 32:16 5

2.Унгарија 2 1 0 35:21 5

3.Шпанија 2 0 1 30:22 4

4.Австралија 2 0 1 28:22 4

5.Грција 0 0 3 20:39 0

6.Канада 0 0 3 11:36 0

ГРУПА Б

1.Хрватска 3 0 0 35:20 6

2.Србија 2 0 1 23:20 4

3.САД 2 0 1 22:19 4

4.Италија 1 0 2 37:30 2

5.Германија 1 0 2 18:29 2

6.Кина 0 0 3 16:33 0

САД СО КАМАТА ИМ ВРАТИ НА ГРЦИТЕ ЗА ПОРАЗОТ ПРЕД ДВЕ ГОДИНИ НА СП

Кој чека ќе дочека

Пред две години на СП во Јапонија, Грција можеби го достигна најголемиот триумф, но затоа пак САД го дочека својот ден за одмазда.

Американците не секогаш ги исполнуваат резултатските очекувања на љубителите на кошаркарката, но овој пат на дуелот со Грција покажаа далеку поатрактивна и физички доминантна игра.

С$ уште актуелниот светски вицешампион не се покажа во слабо издание, особено во првата четвртина кога колку толку ја држеше резултатската неизвеснот.

Ова и беа единствените минути кога Грција имаше шанса рамноправно да се спротистави, веќе во наредниот период на теренот можеше да се види само "шоуто" на НБА ѕвездите, кои на крајот дојдоа до убедлива победа од 92:69.

Во втората четвртина застанаа грците, а американците започнаа да ги казнуваат и тоа не било како туку секој нивни втор напад завршуваше со забивање, за ова најмногу се погрижија Двен Вејд и Коби Брајант, на полувремето селекцијата на САД веќе имаше плус 19 (51:32).

Ниту во третата четвртина не можеше да се забележи промена во играта на обете страни, дури во одреден дел од играта Брајант, Леборн Џејмс и Крис Бош внесоа доза на страв кај грците да поентираат внатре во рекетот.

На неколку пат Димитрис Дијамантидис влезе во рекотот, но кога го забележа дека Бош е на два метри од него одлучи да ја извади топката надвор. Сето ова доволно збореше за доминацијата која ја имаа американците на оваа средба.

Одлична партија пружи Двен Вејд (17 поени и шест украдени топки), кој на моменти беше едноставно нерешлива енигма за противникот и тоа не само во нападот туку и во одбраната.

Веднаш зад него одлично го пратеа Брајант и Бош, двајцата постигнаа по 18 поени. На другата страна Папалоукас со 15 и Спанулис со 14 поени успеаја да покажат поголема храброст и далеку подобар квалитет од своите колеги.

Веќе утре САД ќе ги одмери силите со најголемиот ривал во својата група селекцијата на Шпанија, а додека Грција ќе се рехабилитира на сметка на Ангола.

Литванска казна за Русите

Продолжува доминацијата на Литванија, нивната добра кошаркарска претстава можеше да се види и во третото коло каде нивна нова жртва беше селекцијата на Русија која беше поразена со 86:79.

И покрај тоа што русите на неколку наврати успеаваа да се вратат во игра по големата негатива, сепак безбројните грешки кои ги правеа особено во последната минута им го донесе на Литванија првото место во групата "А".

Во текот на првиот дел натпреварот беше релативно изедначен. Литванија прво имаше водство од 21:16, по што Русија успеа да фати приклучок и на полувремето да замине само со негатива од 44:41.

По паузата Литванците брзо се вратија во игра па веќе во 23 минута се изборија за првата двоцифрена предност од 52:42, но кога сите помислија дека тука е крајот на средбата "зборнајата" се разбуди и најави нова неизвесност и за само четири минути изедначија на 59:59.

Ако добро се анализира целата игра на Русија едно е сигурно, на Кириленко и неговите соиграчи многу поедноставно им беше да го "бркаат" резултатот, отколку да го задржат водството.

Потврда за тоа е новата серија на Литванците од 10-1 со која повторно дојдоа до предност од 69:60, но и последните пет минути од средбата кога русите поведоа со 75:73, но не успеаја да целосно да го свртат резултатот во своја корист.

Тројката на Мачиулис на три минути до крајот беше одлучувачка за победата на Литванија, иако да не се заборави дека русите имаа шанса да се изборат барем за продолжение.

"Ова е важна победа за нас, но во никој случај не се сомневав дека нема да ја оствариме. Третиот триумф не стави во позиција за да можеме да бориме за првото место во нашата група. Мислам дека треба да го заборавиме овој натпревар и да мислиме на Хрватска која е нашиот нареден противник. Нашата цел на оваа турнеја е да одиме од средба на средба да не се навраќаме на ништо", изјавил по средбата Сараунас Јасикевичиус, кој средбата ја заврши со 12 поени.

Инаку како што засега се одвиваат работите се поизвесно станува дека Русија и Австралија ќе се борат за четвртата позиција која води во 1/4 финалето.

ДОМАЌИНОТ ЈА ЗАБЕЛЕЖА ПРВАТА ПОБЕДА

Минг ја растури Ангола

Репрезентацијата на Кина на сметка на Ангола ја забележа првата и тоа убедлива победа во Пекинг (85:68).

По двата порази од САД и Шпанија, домаќинот конечно најде противник по мерка како и надеж за влез во четвртфиналето каде за да стигне ќе треба да ги победи "панцирите".

Што се однесува до селекцијата на Ангола, шансите за влез во наредната рунда се речиси непостоечки особено ако се земе во предвид дека во наредните кола ќе треба да одигра против Грција и Шпанија.

Играчот број еден беше Јао Минг. Откако во првите две средби одигра под очекувањата, миленикот во Пекинг конечно на публиката и пружи онаква партија како што се очекуваше од него.

Доминираше на двете страни од теренот, па за Ангола слободно може да се каже дека беше нерешлива енигма, на крајот Минг заврши со 30 поени и со одлични 10/11 од поле.

"Чуството е одлично кога конечно ќе победиш на Олимписките игри, поготово пред своја публика. Игравме еден за друг, покажавме вистинска машка игра што на крајот беше доволно за победа. Имавме одличен старт, иако на еден момент има мал пад во играта, сепак знаевме да се вратиме бидејќи се подготвувавме за овој меч", изјавил Јао Минг, кој се погрижи неговата селекција уште во првиот дел да има предност од плус 16.

Заедно со Минг добри се вклопуваше и втората НБА ѕвезда во редовите на домашната репрезентација, Ји Јианлиан, кој дојде до дабл-дабл, постигна 10 поени и фати 11 скока.

ШПАНИЈА И ПОНАТАМУ СО 100% ЕФЕКТ

"Фуријата" брзо ги проби "панцирите"

Само неколку минути одлична кошарка беше доволна за да Шпанците дојдат до третата победа, поточно со убедливи 72:59 да ја поразат селекцијата на Германија.

Тие неколку поточно две минути се случија во второто полувреме во кое с$ уште актуелниот светски шампион од егал резултат се избори за водство од плус 16.

Тандемот Рубио-Гарбахоса беше клучен за триумфот на "фуријата". Рики својата улога ја имаше во првите 53 секунди од третата четвртина кога со пет поени по ред и неколку украдени топки и ја донесе првата двоцифрена предност на Шпанија (47:36), а потоа во наредните двеипол минути "шоуто" го продолжи Гарбахоса кој двојно ја зголеми позитивата (55:39).

Во последните 20 минути, "панцирите" ниту еднаш не успеаја посериозно да им се заканат на Шпанците.

Иако се чинеше дека Крис Кејмен на стартот ќе биде доволен за да се стопира Гасол, сепак тоа беше само на кратко.

Во 13 минута "панцирите" имаа предност од 22:14, а потоа благодарение на Гасол, Рубио и Гарбахоса по паузата "фуријата" со серија од 16-3 на контото имаше плус 16.

Хозе Калдерон со 15 поени беше прво име кај Шпанија, а на него одлично се надоврзаа Мумбру и Гасол двајцата заедно искомбинираа 27 поени.

На другата страна Хаман со 15 поени ги предводеше "панцирите", а додека Новицки застана на само 11 поени и очајни 1/6 за три поени.

"Гаучосите" ја прекинаа серијата на Хрватска

Аргентина сосема очекувано стави крај на серијата од две победи по ред на Хрватска. "Гаучосите" не само што на крајот славеа со убедливи 77:53, туку и се искачија на втората позиција од табелата каде до вчера беа токму "коцкастите".

Уште во првите минути Аргентина најави дека Хрватите нема што да бараат на овој меч, она што практично го најавија пред мечот "гаучосите" го спроведоа на дело, па избраниците на Јасмин Репеша во ниту еден момент не можеа да помислат на пресврт.

Крлос Делфино со 15 и Ману Џинобили со 14 поени беа лидерите кај Аргентина, кај "коцкастите" никој не успеа зад своето име да запише двоцифрен број на поени.

ГРУПА А

РЕЗУЛТАТИ 3. КОЛО

Австралија - Иран 106:68

Литванија - Русија 86:79

Аргентина - Хрватска 77:53

ТАБЕЛА

1. Литванија 3 3 0 264:221 6

2. Аргентина 3 2 1 237:200 5

3. Хрватска 3 2 1 235:237 5

4. Русија 3 1 2 228:220 4

5. Австралија 3 1 2 256:250 4

6. Иран 3 0 3 184:276 3

ИДНО 4. КОЛО (16.08)

05.15: Русија - Австралија

08.30: Хрватска - Литванија

10.45: Иран - Аргентина

ГРУПА Б

Германија - Шпанија 59:72

Ангола - Кина 68:85

САД - Грција 92:69

ТАБЕЛА

1. САД 3 3 0 290:215 6

2. Шпанија 3 3 0 238:200 6

3. Германија 3 1 2 218:225 4

4. Грција 3 1 2 222:237 4

5. Кина 3 1 2 230:254 4

6. Ангола 3 0 3 210:277 3

ИДНО 4. КОЛО (16.08)

03.00: Грција - Ангола

14.00: Кина - Германија

16.15: Шпанија - САД

Рекорден триумф за Аргентина

Со победата над Србија од 2:0 репрезентативците на Аргентина обезбедија пласман во четвртфиналето со максимален број бодови, но дојдоа и до рекордна победа бидејќи на шесте од претходната олимпијада додоа уште три и сега имаат девет победи во серија.

Аргентинците се запишаа во историјата, а имаат можност бројката уште повеќе да ја зголемат доколку победат и на уште некој од следните средби на патот кон новото злато. Оваа селекција е фаворит за златото и доколку с$ оди според планот за очекување е дека ќе успее во тоа да има уште три победи до крајот.

На вчерашниот последен дуел од разигрувањето немаше никаков проблем против селекцијата на Србија бидејќи многу рано беше отворена средбата. Аргентина поведе уште во 13. минута и тоа со пенал, па потоа се играше сосема мирно. Селекторот на Аргентинците одлучи да го зачува Леонел Меси за следниот дуел, но и без него другите успеаја да ја заверат победата во финишот. Откако прво промашија пенал, Буенаноте во 84. минута со прекрасно изведен слободен удар донесе победа од 2:0, што значеше прво место во групата. Вториот дуел од "А" групата заврши со победа за Брегот на Слоновата Коска од 1:0 и тоа со погодок во финишот.

Репрезентативците на САД беа најмалерозни во последното коло бидејќи пред одигрувањето беа сигурни на првата позиција. Загубија од Нигерија со 2:1, а поради тоа што и Холандија победи Американците останаа покуси за бод и мораа да се простат од шансата за злато на игрите.

Бразил и Белгија ги добија своите натпревари во групата "Ц" така што немаше проблеми за нив да си го потврдат пласманот во следната рунда. Бразил одигра мирен меч со Кина и го доби со 3:0, што е само најава за одлично продолжение на Олимписките игри.

Последната група не донесе ништо ново бидејќи во водечките Италија и Камерун ремизираа. Одиграа натпревар без бозбудувања и со 0:0 обезбедија место понатаму, така што Јужна Кореја залудно дојде до победа бидејќи не се најде меѓу најдобрите осум.

Натпреварите во фудбал кај мажите продолжуваат по два дена. Следува кус одмор за репрезентациите пред за влезат во завршницата, а веќе се знае и кој против кого ќе разигрува до крајот.

Две селекции максимално

Покрај Аргентина и репрезентацијата на Бразил успеа првиот круг на игрите да го заврши со максимален број на бодови. Бразилците без проблеми ги добија сите средби, а првата фаза ја завршија со девет постигнати и ниту еден примен гол.

За разлика од Бразил, Аргентина имаше еден примен гол на трите средби.

ни го банираха целиот одбор по дигане тежести поради допинг - ова беха 5-6 медала

имаме веке 1 медал
много слабо годинава

ОЛИМПИЗАМ - ОРГАНИЗАТОРИТЕ ИСКРЕНО ГИ ПРЕНЕСОА СВОИТЕ НАДЕЖИ

Олимпијадата е голем хит во цела Кина

Олимписките Игри во Пекинг не се работат само за Пекинг. И надвор од кинеската престолнина, Олимпијадата се одвива, а фановите и спортистите велат дека се забавуваат добро и покрај тоа што се со километри надвор од срцето на Игрите. Да, тие не го имаат задоволството да се прошетаат на Гнездото или во Водената Коцка, но олимпиското искуство е тука.

Коњичките спортови, едрењето, веслањето, и натпреварите во фудбал ја пренесоа Олимпијадата на седум други места: Хонг Конг, Кингдао, Беиксиаојинг, Шенјанг, Тианџин, Шангај и Кинхуангдао. Коњичките спортови се пренесени во Кина поради рестрикциите за карантин во Пекинг, додека фудбалските мечеви се распределени низ земјата за да се ослободат доволно стадиони, а натпреварувањата во едрење и веслање едноставно бараа специјални услови.

"Олимпискиот дух е ист и тука. Не сме во Пекинг, но можеме да забележиме дека сите се внесени во Олимпијадата. Имаше повеќе од 90.000 фанови на фудбал за само два дена и тоа покажува колку има интерес", вели тренерот на бразилскиот фудбалски тим Дунга, зборувајќи за Шенјанг, еден од четирите реновирани стадиони за турнирот.

Само фудбалот привлече скоро 500.000 гледачи во првите четири дена натпреварување, кога 28 натпревари се одиграа на 4 стадиони. Во Кинхуангдао, на 300 километри североисточно од Пекинг, членовите на американскиот фудбалски тим исто така не се жалеа.

"Мислам дека има доволно добра атмосфера и луѓето се навистина гостопримливи,а на стадионите има многу луѓе", вели одбранбената фудбалерка, Хедер Митс.

Веслачите во Беиксиаојинг, на 30 километри од Пекинг, како да не приметиле дека се надвор од Пекинг.

"Кога дојдов тука и од горе погледнав колку има фанови и луѓе околу трибините, нормално дека се чувствувам дека сум на Олимпијада, исто така како тие што се натпреваруваат во центарот на Пекинг", вели 19-годишниот Американец Бен Фрејкер, кој првите две недели ги помина во олимпиското село.

ПОСЕБНИ ОТВОРАЊА, ИСТИ ФАНОВИ

За да се обидат да им помогнат на спортистите кои се чувствуваат како аутсајдери, дел од спортските објекти имаа локални церемонии на Свечено отворање за тие кои не можеа да стигнат во Пекинг за големото отворање во петокот.

Церемонијата во Кингдао, пристаништето на 480 километри од Пекинг, каде што се оддржуваат натпреварите во едрење, привлече илјадници гледачи, вклучувајќи спортисти од 62-те нации кои се натпреваруваат таму.

Во Хонг Конг, на скоро 2.000 километри од Пекинг, во прославата имаше вклучено парада на нациите и дури палење на огнот истовремено со тој во Пекинг. Повеќето од спортистите надвор од Пекинг не можеа да одат на отварањето, поради далечинаста на патот.

Во Шенјанг, олимписката атмосфера е толку слична со таа во Пекинг, што дури и загадувањето е тука. Индустрискиот град на 800 километри на свер од Пекинг има слични проблеми со квалитето на воздухот. Исто така има и протести во Хонг Конг, слично како во Пекинг.

Без разлика на се, фановите се задоволни што Олимпијадата се "рашири" низ цела Кина.

"Знаете превозот не е толку едноставен тука. Не сите имаат време или пари да одат до Пекинг. Затоа со тоа што ни донесоа некои спортисти поблиску, можеме и ние да учествуваме во забавата. Сега цела Кина е дел од Олимпијадата во Пекинг, вели 59-годишниот Бразилец Сиксто Бареиро, кој подолго време живее во Кина.

Може да се навива и од надвор

Автомеханичарот Лиу Чун се обиде да купи билети за Свеченото Отворање на интернет и не успеа. 35-годишниот Лиу ќе беше задоволен и со билети за одбојка, пинг-понг, кошарка и скокови во вода, но и тие се распродадени. Сепак, тој е задоволен и го понесе своето семејство до оградата која го опкружува олимпискиот парк за да се воодушевува на фантастичните објекти.

"Пекинг е повозбудлив и поубав од обично. Како да е невеста", вели Лиу.

Сите 6.8 милиони билети беа бргу продадени од обичните фанови, а обезбедувањето е толку големо што поминувањето во олимписките зони е вистински предизвик. Но, повеќето од граѓаните на Пекинг се задоволни да навиваат за Олимпијадата и од надвор.

"Тука сме да уживаме во атмосферата. Убаво е да се биде дел од ова", вели 30-годишниот Ванг Хонгјанг, кој дојде од северниот град Чангчун за да биде на Олимпјадата.

Но, и покрај сите распродадени билети, на некои натпреварувања има празни седишта, но тоа не е вина на Кинезите. Корпоративните спознори како Џенерал Електрик, Адидас и Самсунг (кои плаќаат на ИОЦ по десетици милиони долари) се пожалија дека нивните павиљони на 1.150 хектари големиот олимписки парк се празни, по што ИОЦ мораше да реагира кај организаторите да побара повеќе луѓе да бидат пуштени во паркот.

Организаторите ветија дека со поминувањето на дождот, се ќе биде во ред во следните денови.