Иако ова повеќе наликува на авганистанско или ирачко сценарио, за жал се случи воМакедонија и тоа ни повеќе ни помалку на мечот од Втората лига помеѓу Гостивар иПелистер, екипа која која веќе се избори за прволигашкиот статус.  Во саботата, на дуелот на стадионот во Гостивар, од страна на навивачите на домашниот тим беше истакната парола  „Кој сака да умре нека проба да даде гол“, а беше наменета за битолчани. Никој од официјалните лица на стадионот не реагираше, а паролата веројатно си ја исполни целта – Гостивар победи со 1-0. Со оваа победа домашниот тим веројатно си го осигура опстанокот во Втората лига во трката со Кораб од Дебар. Но…

Каква е пораката која сакаа да ја испратат домашните „навивачи“? Дали тоа значи дека за да ја остварат целта би лишиле некого од живот или ова било само блеф во стилот „ако пројде – пројде“?…

Според информациите на МКД.МК, ниту еден од судиската четворка (Марјан Ецкоски, Лазе Чакарески, Ацо Мацески и Александар Грујоски) како и контролорот на овој меч Миле Стојчевски, но и делегатот Игњатовски не се обиделе да реагираат и да побараат од домашните паролата да биде тргната.

Оправдувањето на официјалните лица било: Ако реагираме, ќе направиме полошо да биде, ќе се разбеснат луѓето…