Зошто ги сакаме: 7 работи кои го прават секој хороскопски знак посебен

Секој од 12-те знаци во Зодијакот си има свои карактеристики кои го разликуваат од останатите.

Така некои знаци ги сакаме заради љубезноста и емпатијата, додека другите се физички привлечни и зрачат со сексуална тензија, па невозможно е да ги игнорирате.

Кои се вашите 7 обележја кои ве одвојуваат од сите останати знаци?

Овен

• Го прават животот позабавен.
• Секој момент од нивниот живот е важен, а тој став го пренесуваат и на другите.
• Ако ви треба партнер за луди авантури, Овенот е прв за тоа.
• Не е злопамтило, може да се скарате, па за 5 минути да е како ништо да не било.
• За нив секогаш ќе сакате да правите нешто добро, затоа што кога се среќни не се плашат да ги покажат емоциите и да се заблагодарат.
• Ако некој друг ве налути или навреди, Овенот прв ќе застане во ваша одбрана.
• Брзо и жестоко се заљубува, па нивните партнери имаат незаборавни искуства.

Бик

• Колку и да не делуваат така, Биковите се големи мази.
• Верни се и лојални и затоа се одлични пријатели.
• Искрени, никогаш не се преправаат за да постигнат нешто.
• Ако се чувствувате виновни затоа што сте изеле ред чоколадо а сте на диета, Бикот ќе ве потсети дека го заслужувате тоа и ќе ви донесе уште чаша млеко.
• Во домот и срцето на Бикот сте секогаш добредојдени.
• Од голема помош се кога треба да се реализираат плановите на блиските.
• Како што самите сакаат да уживаат во сè што е добро, така уживаат и луѓето околу нив.

Близнаци

• За анализирање и дискусии, Близнаците се совршени соговорници.
• Обожаваат нови луѓе и ситуации, па со нив ќе ги проширите хоризонтите.
• Ако има нешто што не ви се допаѓа кај нив, без грижи - уште утре ќе се променат.
• Паметни се и начитани, па одлични се кога треба да си го предизвикате мозокот.
• Заради нивната отвореност нема да ви треба многу време искрено да ги запознаете.
• Позитивни се и така делуваат на сите.
• Одлично друштво се за забави и журки.

Рак

• Зрачи со нежност и грижа за другите луѓе.
• Ракот секогаш се труди да ви ги задоволи желбите.
• Има неверојатен инстинкт и веднаш познава дали сте среќни, тажни или лути.
• Ако Ракот ве праша како сте, веќе знае, само сака да ви ја провери искреноста.
• Имаат посебна смисла за хумор.
• Поседува внатрешна сила и затоа покрај него се чувствувате сигурно.
• Не се плаши од емоции, па затоа отворено ќе ви покаже колку му значите.

Лав

• Ќе внесе посебен адреналин во секој сегмент од вашиот живот.
• Лавот го сака животот и луѓето, а тој негов ентузијазам е заразен.
• Романтичар е и ќе ве научи да ги цените ситните знаци на внимание.
• Лавот е заштитнички настроен кон луѓето кои ги сака.
• Шармот му помага да се извлече од речиси секоја незгодна ситуација.
• Ако Лавот се заљуби во вас, ќе се чувствувате како најпосакуваното суштество во светот.
• Сепак, на луѓето кои не го знаат, може да им делува чудно и грубо.

Девица

• Припадниците на овој знак се емотивни и промислени луѓе.
• Кога имате потреба од поддршка, Девицата прва ќе се појави на вашата врата без да и се јавите.
• Девицата ќе ви го среди гардероберот, ќе ви ја среди кујната и тоа ќе и биде забавно.
• Нема да треба никогаш да ја чекате, таа секогаш доаѓа 5 минути порано.
• Девиците сакаат да бидат известени за секој детаљ на време, или во спротивно целосно се повлекува во себе.
• Секогаш се беспрекорно организирани и ќе научите многу на оваа тема.
• Секогаш имаат план кој драстично се разликува од останатите и тоа ги прави посебни.

3 хороскопски знаци кои се родени победници

Сите сакаме да бидеме успешни. Во моментот кога ја добиваме таа желба на небото се појавува планета која ни испраќа посебен знак.

За една личност да биде моќна, славна, силна и успешна мора да има барем три планети кои ја красат и ѝ ја даваат таа моќ. Но, сепак планетата која најмногу со поврзува со успехот е Јупитер.

Покрај Јупитер мора да го имаме енергичниот Марс кој ги активира сите сфери, давајќи волја и, секако, Сатурн без кого не може да се постигне ништо, бидејќи без дисциплина и стратегија сите планови пропаѓаат во вода.

Овен – предодреден за лидер

Овенот пред сè е храбар знак. Ентузијазмот и одлучноста се главните особини на овој знак. Ако сакате нешто да биде завршено, дајте му го нему.

Неговата продорност и проникливост го прават одличен шеф, директор кој секогаш е во некакво движење, а токму таа енергија им ја пренесува на сите во фирмата.

Доследно ги исполнува ветувањата, но истото го очекува и од останатите.

Најмногу мрази лаги, озборувања и предавство. Тој би бил одличен хирург, градежен инженер, војник, офицер, актер или најдобар комичар како што некогаш бил Чарли Чаплин. Тој е љубовник како познатиот Казанова или одличен политичар кој ќе успее во секоја своја замисла.

Затоа, ако се најдете во близина на овој знак знајте дека нема бегање.

Подгответе се за работа и дајте го и последниот атом сила кој го имате, бидејќи само така ќе успеете да победите, но и да освоите поени кај овој знак.

Стрелец – оптимист, аристократ

Владетел на овој знак е планетата Јупитер. Онаму каде се наоѓа оваа планета во нашата натална карта, таму лежи и нашата среќа. Овој знак токму како и неговата планета владетел претставува моќ, успех, уживање...

Стрелците се препознатливи по нивниот млад дух, надворешната убавина, атлетската градба, но и постојаната насмевка на лицето, желбата за патување и добра храна.

Стрелецот е отмен аристократ, кој понекогаш се претвора во нескротлив бунтовник, кој ги почитуваа традициите, но сепак го следи својот пат.

Сепак, соработката со Стрелецот не е баш лесна, бидејќи понекогаш знае да биде многу арогантен и строг.

Животните желби на овој знак се големи, но тој секогаш наоѓа начин да ги оствари. За овој хедонист не постои поголема казна од живот без задоволства и пари. 

Јарец – деспот, авторитет

Без оглед колку лоши работи се поврзувале, уште од најстари времиња, со планетата владетел на овој знак, сепак тоа е планетата од која започнал светот.

Јарецот се смета за еден од највлијателните знаци на зодијакот.

Јарецот своите успеси ги должи на својата дисциплина, работа и стратегија, нешта кои ги користи при секоја работа.

Тој е знак кој не се плаши од стресот или загубата на работното место, бидејќи знае дека тоа е местото кое природно му припаѓа. Неговиот авторитет е нешто со кое се раѓа и кое останува засекогаш главна црта во неговиот карактер.

Јарецот е успешен доктор, хемичар, биолог, политичар, банкар, адвокат, композитор, пејач...

Совршен пример за тоа е Елвис Присли роден токму во овој знак.

Љубовен хороскоп за мај 2016-та година

Близнаците мораат да ја убедат саканата личност во своите емоции, додека пак, Лавовите во текот на мај ќе уживаат во добрата забава и времето поминато со пријателите.

Како ќе го поминете мај?

Овен

Ако сте во врска:

Оние кои се во брак или врска, пренагласено ќе се обидуваат да ја докажат својата љубов на материјалистички начин. Овните ќе посакуваат од партнерите поголемо внимание преку подароци, вечери во ресторани, заеднички патувања или нов мебел, автомобил... Можни се мали расправии и незадоволство поврзано со трошењето на парите и лошата комуникација. Сè до 22-ри мај, додека планетата МерК*р се движи ретроградно, нема да најдете разбирање со партнерот. Бидете мудри и почекајте да дојде крајот на мај и сè ќе се одвива така како што посакувате. Потребна ви е вештина и компромис.

Ако сте слободни:

Двете планети кои се важни за вашите чувства, Сонцето и Венера, сега се наоѓаат на полето на парите. Сигурно е дека ќе ги имате и ќе ги трошите на себе и на другите. Во главно немате проблем со сигурноста во себе, но парите ќе ви бидат дополнителна стимулација, па ќе ги користите за луксуз и движење низ високото општество, каде ќе запознаете една галантна Скорпија, Вага, Близнак или Лав. За да ѝ го освоите срцето потребно е да имате толерантен став до крајот на месецот кога можете да очекувате влез во нова и забавна врска. Младите Овни ќе се посветат на пријателите и добрата забава.

Бик

Ако сте во врска:

Биковите кои се во брак или сериозна врска сè уште се наоѓаат во фаза на хармонизирање на односот со партнерот. Ќе се чувствувате прилично добро, ќе бидете полни со енергија, а и ќе го почувствувате љубовниот жар. Вашиот партнер ќе биде окупиран со себе и сопствените проблеми, па нема да биде способен да ве разбере. Сепак, не ви е дојдено време за драстични промени, бидејќи не ви оди од рака ретроградното движење на поголемиот дел од планетите. Затоа, најпаметно е да ја одржите моменталната состојба. На крајот од месецот можно е конечно да дојдете до добра комуникација со партнерот. Трпение спасение.

Ако сте слободни:

На мајското сонце сè изгледа поубаво, а младите Бикови посебно ќе заблескаат. Со својот нов имиџ ќе ги освојувате и крадете погледите на спротивниот пол. Со полни гради ќе уживате во убавите моменти, во флертувањето и кратките забавни врски. Ве привлекува еден Бик, Јарец, Вага или скорпија. Меѓутоа, во првите десет дена од мај, од време навреме, ќе ви се јавуваат носталгични емоции кон поранешната љубов. Во последната седмица од мај ќе бидете заљубени и среќни.

Близнаци

Ако сте во врска:

Во овој период зафатените Близнаци ќе ги истражуваат своите емоции, желби и намери. Сè уште се чувствувате како да сте на тесно, заробени во грижата околу вашиот однос со партнерот, па сами со себе ќе разговарате, анализирате и ќе се расправате. Може ќе му делувате чудно на партнерот со бројните промени на расположението, па најдобро би било да се отворите пред вашиот партнер и искрено да поразговарате. Издржете до 9-ти мај, бидејќи тогаш ќе добиете поддршка од Јупитер и вашиот партнер ќе биде порасположен да ве сослуша. Ситуацијата може постепено да се поправи, а одеднаш ќе почнете да размислувате да стапите и во брак.

Ако сте слободни:

Месец мај ќе ви донесе многу љубов, без разлика на привидната незаинтересираност и зафатеност со други работи. Од моменталната повлеченост може повторно да се пресретнете со некоја стара љубов или да ве заинтригира забранетото овошје. Ќе се препуштите на љубовта, но дискретно и далеку од погледот на љубопитните. Ова расположение ќе ве држи до 20-ти мај, односно до моментот кога Сонцето ќе влезе во вашиот знак и ќе бидете под влијание на неговата позитивна енергија, па повторно ќе посакате да се покажете. Гордо ќе го покажувате вашиот партнер пред пријателите.

Рак

Ако сте во врска:

Поголемиот дел од планетите се движат кон запад или се сконцентрирани на исток, па во вас делуваат две спротивставени енергии кои ве стимулираат на лични промени и развој. Со месеци сте се труделе да ги задоволите другите, а сега дојде време да се изборите за себе и личната среќа. Полека ќе се насочувате кон себе и своите потреби, а оваа новонастаната ситуација ќе биде видлива и може да се покаже како пречка во брачната хармонија и партнерските односи. Партнерот ќе се обиде на различни начини да ве врати во претходната позиција. Мала игра на моќта и повторно ќе станете среќни.

Ако сте слободни:

Пред вас е убав месец исполнет со случувања и емоции. Ќе имате можност преку друштвото со кое најмногу се дружите да најдете некоја прилично интересна личност. Ве привлекува некој Бик, Скорпија, Риба или Девица. Нагласено ќе бидете романтични и расположени да ги истражувате сопствените емоции. Потрудете се да бидете јасни и конкретни, за да не дојде до расправија со луѓето околу вас. Многу веројатно е дека ако одложувате со флертувањето, ќе останете со празни ракави. Искористете го младиот Месец на 7-ми мај и храбро направете го првиот чекор кон личноста која ви се допаѓа.

Лав

Ако сте во врска:

Од втората половина на мај, Лавовите кои се во брак или во долга врска можат да очекуваат постепено смирување на напнатата ситуација од изминатите месеци. Сметајте како да сте дигнале бело знаме и да завладеало примирје. Добар дел од тоа ќе биде како резултат на решавањето на финансиските проблеми кои ќе завршат со успех и добро расположение. Во последната седмица од мај ќе ви се вратат старите страсти и конечно ќе ви се подобри сексуалниот живот.

Ако сте слободни:

 Слободните Лавови месецот ќе го паметат по лудите забави, интересните луѓе, бројните флертувања и авантури. Овој вид на забава полека, но сигурно, ќе започне да се смирува во по последните две декади од мај, кога од само една интимна вечер ќе ви се распламтат страстите. За тоа ќе биде заслужна една многу образована и ситуирана личност која може да биде Овен, Лав, Вага, Водолија или Стрелец. Младите Лавови со својата енергија и шарм ќе се најдат во центарот на друштвото и смело ќе се доближуваат на оние кои им се допаѓаат.

Девица

Ако сте во врска:

Во текот на мај ќе бидете посветени на проблемите на работа и малку време ќе имате за партнерот, а тој со право ќе се бунтува за моменталната ситуација. Најпаметно е веднаш да ги расчистувате недоразбирањата, за да не се вовлечат под кожа на партнерот и да го натераат да се сомнева во вас или вредноста на вашиот однос. Потребно ви е време да се релаксирате, па можете да испланирате некоја романтична вечера со партнерот и пријатно да го изненадите. Семејниот излет во природа ќе ви донесе задоволство и мир.

Ако сте слободни:

Слободните Девици можат да ги изненадат непријатни моменти со средствата за комуникација, па на еден начин тоа ќе ви дојде како спас и причина да поминете повеќе време со пријателите. Ќе заборавите на обврските и слободно ќе можете да се препуштите на размена на мисли, идеи и емоции со луѓето околу вас, што е многу важно при потрагата на партнер. Можно е да наидете на човек кој интелектуално ќе ве поттикнува, кој ќе има исти принципи и ставови. Тоа ќе биде личност од групата Бикови, Ваги, Ракови или Близнаци. Последната декада од мај поголеми се шансите да се зближите со некоја личност која многу ви се допаѓа.

Вага

Ако сте во врска:

Вагите кои се во брак или долга врска, во мај ќе остварат со партнерот, прилично складен однос и најголема енергија ќе црпат токму од тоа поле. Без разлика на малите несогласувања во врска со воспитувањето на децата и трошењето на парите, сега ќе имате голема поддршка од партнерот. Овие позитивни прилики ќе ја поттикнат сексуалната привлечност помеѓу вас и вашиот партнер и комплетно ќе го освежите вашиот однос. На Вагите потребна им е хармонија во љубовта, исто толку колку што им е потребен и воздухот за дишење затоа, важно е да го искористите овој месец и максимално да се смеете и во околината да ширите добро расположение.

Ако сте слободни:

Слободните Ваги ќе го искористат убавото време и активно ќе тргнат во потрага на партнер, љубов и задоволства. Шармантно и лесно ќе влегувате во флерт со личностите кои ве привлекуваат, но сега може да се случи и да се вљубите во личност која претходно не ви се допаѓала. Животот понекогаш прави такви замки и ги менува критериумите. Може тоа да биде личност која ви била непривлечна, но ќе се разбие страст меѓу вас и ќе ги прекршите вашите правила. Со денови нема да излегувате од заедничката постела. Во прашање може да биде некој Лав, Стрелец, Овен или Бик.

Скорпија

Ако сте во врска:

Зафатените Скорпии сега со полни гради можат да ја вдишат љубовта, бидејќи партнерот кон вас ќе се однесува заштитнички, нежно и великодушно. Дозволете најубавите моменти да ги поминете токму со партнерот. Животот на полето на пријателите исто така, ќе ви биде богат и динамичен. Дури ќе имате и помалку семејни проблеми или барем ќе станат полесни покрај поддршката на партнерот. Препуштете се на фантастичните емоции и магијата на љубовта која трае.

Ако сте слободни:

Пролетта и сонцето во мај ќе ги раздвижат Скорпиите и ќе ја интензивираат желбата да пронајдете романтична љубов. Имате голема потреба за емоции и пронаоѓање на вистинскиот партнер. Вашата самодоверба ќе се зголеми благодарение на парите кои ќе стигнат во поголеми количини од очекуваните. Ќе бидете главна ѕвезда како при излегувањата, така и на социјалните мрежи, а партнерот кој го барете, ќе го пронајдете на некоја забава или културна манифестација. Тоа ќе биде некој од вашиот круг на пријатели – Рак, Бик, Вага или Стрелец. Овојпат иницијативата препуштете ја некој друг.

Стрелец

Ако сте во врска:

Во текот на мај, зафатените Стрелци треба да одржат ладна глава и да не дозволат ситниците кои бесконечно ги иритираат да им го уништат односот. Наоружајте се со толерантност и разбирање за партнерот и не се впуштајте во празни дискусии. Сега имате можност да најдете баланс во рутинските работи, како што се заедничкото готвење, прошетките и рекреацијата. Со партнерот уживајте во ситниците и малите радости. А, партнерот, за тоа ќе ви покаже благодарност и приврзаност до последната декада на мај. Тие синици живот значат.

Ако сте слободни:

Слободните Стрелци во мај нема да имаат многу енергија за прошетки и дружење. Повеќе ќе ви одговара куќниот мир и местата каде можете да откриете нешто ново и убаво. Ќе одите по изложби, театри, концерти и слободното време ќе го поминувате во кино. Од некоја сосема случајна средба или некој разговор на улица, еден Близнак, Овен, Вага или Лав, може да ви даде предлог, повторно да се видите. Работите ќе се одвиваат бавно, но на крајот од месецот, ситуацијата ќе се промени и тогаш можете да влезете во прегратка на многу интересна личност.

Јарец:

Ако сте во врска:

Во текот на мај, зафатените Јарци, треба да ги остават проблемите на работа пред куќниот праг и да не дозволат тензијата да предизвика непотребни конфликти и расправии со членовите на семејството. Вашиот љубовен однос со партнерот ќе биде чуден и променлив, бидејќи вашите мисли лутаат и не се насочени кон партнерот. Неслогата во домот и на работа, најверојатно ќе предизвикаат повеќе нервоза кај вас, а за да заборавите на истата, најдобро е да излезете на забава со пријателите. Збогатете го вашиот заеднички забавен живот, бидејќи поддршката од планетите укажува на одлично разбирање со партнерот, токму во овој сегмент.

Ако сте слободни:

Многу претставници на Јарците обично не се претерано романтични, ниту сакаат да го покажуваат своето воодушевување, но овој месец, ќе откријат нешто во себе и ќе сфатат колку долго ги потиснувале своите емоции. На некоја забава, роденден или прослава, ќе сретнете некоја неодолива Вага, Риба или Бик и може да ви се случи љубов на прв поглед. Вие ќе се заљубите до уши и со малку трпение, емоциите ќе бидат обострани. Имате можност во себе да откриете нешто романтично.

Водолија

Ако сте во врска:

Водолиите кои се во брак или подолга врска, овој месец ќе имаат доста време за поминување во домот покрај семејството и таму ќе ги пронајдат своите мир, љубов и поддршка. Топлите семејни односи овојпат, ќе бидат извор на вашата енергија. Дури и несогласувањата со партнерот околу мерењето на силите, авторитетот и моќта, ќе бидат заборавени покрај хармонијата и љубовта. Мали реновирања на домот, заедничките ручеци и семејните собирања ќе ве исполнат со голема радост. Многу млади парови ќе посакаат да го зголемат своето семејство или ќе одредат датум за венчавка.

Ако сте слободни:

Слободните Водолии ќе бидат расположени за организирање на куќни забави или секој викенд ќе имаат можност да го поминат со своето друштво во некоја куќа или викендичка. Сето ова ќе биде совршено организирано со многу храна, скара и пиење. Покрај домашната атмосфера и релаксираноста, ќе привлечете некој Лав, Вага, Рива или Девица. Од пријателските односи ќе се случи и по некоја авантура, а во последната декада од мај ќе имате многу шанси да се заљубите и да влезете во сериозна врска.

Риби

Ако сте во врска:

Брачните Риби и оние кои се во долга врска, во текот на мај ќе имаат променлива ситуација. Под влијание на надворешни околности, вашиот партнер е во потешка ситуација и му треба повеќе од разбирање и внимание. Посебно во првата декада од мај, ќе се занимавате со решавање на финансиските проблеми и недоразбирањата во домот и со децата. Без разлика на тоа што нема да имате многу време еден за друг, важно е да бидете усогласени, еднакво да се ангажирате и поддржувате. Оваа ситуација не е многу романтична, но е хармонична и од неа ќе извлечете нешто подобро и корисно. Напнатоста ќе трае некаде до 9-ти мај, кога Јупитер ќе влезе во вашата куќа на партнерски односи и директно ќе додаде на среќа. По потешкотиите ќе имате можност да се посветите еден на друг и да поминувате убави љубовни моменти.

Ако сте слободни:

Рибите кои се слободни, своето време ќе го користат за чести излегувања, куќни забави и седенки во добро познато друштво. Краткотрајните авантури можете да ги доживеете на некој излет или патување, каде вниманието ќе ви го привлече некој Рак, Бик, Јарец, Водолија или Вага. Планетарните позиции и околностите се менуваат при крајот на мај, кога МерК*р, вашата планета на љубовни односи, ќе ви овозможи директно да се зближите со некоја личност која ви се допаѓа. Посебни денови за љубов ќе ви бидат 22-ри и 25-ти мај.