РАКОМЕТ - новости

Вардар Про го совлада Металург со 32:24

Вардар Про го совлада Металург со 32:24 во дербито на македонското ракометно првенство и со тоа направи значаен чекор кон шампионската титула.

Во салата „Борис Трајковски“ црвено-црните не само што ја остварија првата победа во третото сезонско соочување со Металург, туку со убедливите плус-осум дојдоа до ситуација и со пораз во наредниот натпревар со ривалот, поради подобра гол-разлика да се радуваат на целосен триумф во шампионатот.

Претходните два меѓусебни меча завршија нерешено, а со оглед на квалитетот, единствените конк*ренти за пехарот можат да загубат бодови само кога играат еден против друг, што значи дека во 4. средба на Вардар Про би му одговарал пораз до осум гола за да ја врати титулата во своите витрини.

Само на почетокот Металург ја имаше контролата и водеше со 4:1, а потоа вардарци влегоа во ритам и пред одморот не само што ја анулираа предноста на противникот туку и создадоа предност од 15:13.

На средина на вториот дел Вардар Про ја направи клучната разлика, а потоа и ја зголеми за конечни 32:24. Најефикасни на натпреварот со по седум гола беа Наумче Мојсовски од победничкиот тим и крилото на Металург, Чантурија.

Bravo Majstori! Vardar Sahmpion!

http://www.youtube.com/watch?v=CvM_EurjEno&feature=player_embedded

http://www.youtube.com/watch?v=yNDpdz7VjJM&feature=player_embedded

Металург во поход кон најдобриот клупски резултат

Единствениот македонски претставник во еврокуповите ракометарите на Металург го имаат најголемиот испит во клупската историја.

Победа од три гола разлика во реванш четвртфиналето од Купот на куповите против Амичитиа ќе ги однесе играчите од Автокоманда до најголемиот клупски резултат, влез во четворката. Таму каде што досега беа Пелистер (против Лемго) и Вардар во два наврати (против Адемар Леон и Загреб).

Минималниот пораз во Цирих во неделата (29:31) треба да се сфати сериозно бидејќи во оваа фаза од натпревари сите екипи добро играат и дома и на гости, а тоа добро го знаат и во тимот на Металург. Најголем товар во играта ќе го понесе бековската линија и пред се репрезентативецот Филип Миркуловски, кој истакна дека швајцарскиот тим е опасен ривал.

- Амичитиа има многу репрезентативци, со многу интернационалци, а ние ако сакаме да стигнеме до полуфиналето, мораме да одиграме квалитетно во сите 60 минути, а не како во Цирих само едно полувреме.

Тренерот на Металург, Звонко Шундовски се уште има проблеми со составот. Нема да играат Ванчо Димовски и Иван Шмигиќ, а на повреда се жали и Олег Маљцев, но се очекување да се појави на теренот.

Натпреварот почнува во 18 часот и 30 минути во салата „Борис Трајковски“. Се очекува трибините да бидат исполнети до последното место и Металург да ја добие поддршката и од „осмиот играч“.

Во другите натпревари од 1/4 финалето се среќаваат: Босна (БиХ) - Кадетен Шафхаузен (Швајцарија) 22:27 (прв натпревар), Пик Сегед (Унгарија) - Нордхорн (Германија) 25:34, Констанца (Романија) - Ваљадолид (Шпанија) 23:38.

Eve nekolku informacii cim veke me izdade blue

I ako rezultatot kazuva deka Metalurg dobro pominal vo Svajcarija ne bese toa sto go ocekuvaa nasite navivaci, mnogu slaba igra 52min gubese Metalurg so -6 pa na kraj nekako se izvlekoa...

Imase okolu 100-120 Makedonci koj navivaa od vreme na vreme ali ne bese ni najmalku kako na Vardar-Cirih...Drugo e koga ima koj da vodi Vikavme od vreme na Vreme Makedonija...i see peese poslednite 10min Makedonskata Himna i pesnata Abre Makedonce...Sepak mislam vo Skopje ke teba Metalurg so +3 ili vise i ke odi ponatamu...

АМИЧИТИЈА - МЕТАЛУРГ 31:29 (16:10)
Сала: Саалхален" во Цирих, Швајцарија. Гледачи: 500
Судии: Иван Какадор и Еурико Николау од Португалија.
Делегат: Бјарне Мунк Јенсен од Данска

Svajcarcite najavia deka imase 1000 gledaci...

А бил на мечот Блу?

АМИЧИТИЈА - МЕТАЛУРГ 31:29 (16:10) Металург блиску до полуфинале Победа од 3 гола разлика ќе му биде потребна на Металург за пласман во полуфиналето на КПК. Резултат кој реално е остварлив. Не дека ќе биде лесно во Скопје, но шансите се големи и реално пред 6000 гледачи во Скопје Металург ќе биде фаворитот за пласман во 1/2 финалето на КПК Македонскиот првак загуби во Цирих со два разлика и им го направи поубав денот на околу 100-тина Македонци кои дојдоа во Саалхален да го бодрат. Мечот беше интересен, имаше голема борба на теренот, а на крајот и едните и другите можат да бидат задоволни со конечниот епилог. Амичитија што победи, Металург што можеше да мине далеку полошо. Металург не го почна лошо натпреварот. Почна со 5:1 зона која го неутрализираше Шмит, во нападот 3:2:1 одбраната на Швајцарците не беше непробојна, па се играше гол за гол. Којзнае што и како ќе се случуваше на натпреварот подоцна доколку Швајцарците на добиеја еден подарок од нашата клупа. При 3:3, исклучување заработи Стојан Стоилов, но Металург тргна со комплетна постава во напад и според правилата ја загуби топката и доби нови 2 минути. Во периодот од 2 минути во кои Металург имаше 4 играчи во поле, Амичитија постигна 3 не прими ниту еден гол и дојде до првата осетна разлика. Металург брзо откако се комплетираше одново заработи 2 минути, и тоа ги одржа Швајцарците на разликата од 3 гола, иако Металург имаше шанса да е доближи и на минус еден. По тоа се влезе во ритам гол за гол, кој траеше 15 минути, а тогаш, односно во 20. минута, нов пад на Металург. Васкевичиус одбрани три шута во серија, а на тоа да додадеме дека Металург зареди и со технички грешки, па Амичитиа во еден момент имаше водство од 6 гола и контра за плус седум. Спаси Ристовски, но односно на семафорот остана истата разлика. Металург играше слабо, далеку послабо отколку што играше есеноска на дуелите со Кил, Барселона и Драмен и на полувреме заминаа со 16:10. Франк Локе беше најголемиот проблем, норвешкиот пикер добиваше топки од секого и од секаде и по првиот дел имаше реализација 5/5. Сосема нов Металург видовме во второто полувреме. Борбен до максимум, екипа која казнува, која не е дојдена да се предаде. Филип Лазаров и препородениот Миркуловски донесоа сосема нова клима на бековската линија, а комплетно целиот тим играше едно ниво повисоко. Амичитија во игра ја држеше Енди Шмит, но тој се повреди кон средината на полувремето, успеа да се врати, но неговата игра веќе не беше таа. Без него ниту Локе ниту Башиќ веќе не беа толку опасни, а за разлика од нив Металург стануваше се поопасен. Единствени кои не се вклопуваа на теренот беа португалските судии и тоа што Металург не се врати со уште подобар резултат виновници се тие. Сеедно, речиси цели 25 минути се мачеше Металург да намали разликата под 4 гола. Кога тоа успеа, разликата стануваше се помала. Со две серии од по 3:0, или вкупно 6:2 во финишот Металург намали на 30:29. Брестовац, кој во последните 15 минути беше на голот фати 2 клучни шута кои не само што ја запреа Амичитиа туку преку добрата реализација во напад Металург стигна на споменатите минус еден. Конечните 31:29 ги постави Берендс откако искористи тоа што Металург благодарение на судиите одново беше со 4 играчи во поле.

Македонија против Литванија, Холандија и Хрватска

Виена, 24 март (МИА) - Противници на женската ракометна репрезентација на Македонија во квалификациите за Европското првенство 2010 во Данска и Норвешка се Литванија, Холандија и Хрватска. Така изгледа седмата квалификациска група.

Македонија се најде во вториот од четирите барабани во денешната жрепка поради добриот рејтинг и тоа и овозможи да добие два (условно кажано) полесни противници. Фаворит број еден во нашата (седма) група е Хрватска, која е со најдобар рејтинг.

Натпреварите започнуваат во септември, а завршуваат во мај идната година. Ќе се игра по систем секој со секого дома-гости. Првите две репрезентации ќе обезбедат пласман на ЕП 2010.

Шансите за пласман на ЕП сега се само теоретски, еуфоријата е стишана, сега на ред се анализите и лечењето на раните.
Се вративме два чекори назад

По дуелот со Исланд, ситуацијата околу машката сениорска репрезентација дојде до момент по кој нема да се прават големи планови за иднината, туку ќе се враќаме назад во минатото да видиме што тоа тргнало на лошо и како Македонија од практично сигурен патник-учесник на ЕП дојде до позиција да биде сосема сигурен гледач отстрана на тоа што ќе се случува низ арените во Австрија следната година.

Македонија загуби од Исланд на домашен терен, седми загубен меч од овој противник на вкупно деветте одиграни квалификациски средби.

Би рекле ништо ново во тој поглед, иако има многу нови моменти. Овој Исланд е далеку од репрезентацијата со која се боревме минатите години, далеку и од оној Исланд кој го совладавме минатата година, и тоа прилично убедливо.

Исланд веќе го нема Олафур Стефансон, го нема ниту Сигфус Сигурдсон, за мечот од средата ги немаше ниту Сваварсон, Холмгеирсон и Петересон, бонус: Атласон, Оскарсон и нивниот најдобар стрелец низ квалификациите Логи Геирсон! Исланд во средата имаше само две познати имиња: Гудјон Валур Сигурдсон и Роберт Гунарсон. За нивната голема надеж Палмарсон нема да пишуваме бајки, иако беше еден клучните, затоа што тој има само 19 години.

Но и ваквиот Исланд беше подобар од Македонија, и тоа пред 6500 гледачи во "Борис Трајковски".

Што се случи со македонскиот тим за расплетот да биде ваков?

Да почнеме со ред, со тоа што сите најмногу сакаат да го чујат: германските судии Бернд и Рајнар Мете. Многупати сме пишувале дека со нив никогаш не е пријатно да се игра, постојано сакаат да покажат колку се тие главни на теренот и се прототип на судии поради кои сите имаат негативен имиџ кај публиката. Ја сецкаа играта, дозволија да се игра прегрубо, што му одговараше на Исланд, чии играчи на тој начин многу полесно можеа да излезат на крај со македонските напаѓачи. Секогаш кога Македонија ќе се "дигнеше", кога ќе се "запалеа" трибините, некако експресно губевме топка во напад. Немаше течност натпреварот, многу малку ракомет имаше на тој меч. На крајот, клучните моменти. При водството 25:24 на Македонија, невообичаено долго играа Исланѓаните под пасивен напад, а македонските судиски стручњаци забележаа и дека имало чекори, момент пред топката да дојде до стрелецот на голот. Веднаш по тоа две технички грешки ни досудија, а ќе се направи анализа дали било престап од Макалоски и дали немало фаул над Ѓоргоноски и тоа беа моментите кои го решија победникот.

Но, настрана судиите, Македонија едноставно мораше да биде подобра од Исланд до мерка тие да не можат да пресудат. А ние едноставно игравме лошо. Мете и Мете само се вклопија во целата слика и вината нема да ја бараме во нив.

А зошто Македонија одигра вака и дали можеше поинаку, останува да проанализираме. Нема сомнеж, бековската линија освен Кирил Лазаров не функционираше. Вкупно 2/6 од Филип Лазаров, Мите Стоилов и Филип Миркуловски. Премалку за главната напаѓачка сила на Илија Темелковски. Го чуваа Лазаров, го тепаа Миркуловски, а другите не беа закана. Нерешителност, посебно во првиот дел без шут од девет метри, па на Исланд не му беше ниту премногу тешко да се одбрани, затоа што нашите бекови не шутираа. Ацо Јоноски внесе малку свежина во вториот дел и прашање е зошто толку доцна доби шанса да игра. Тоа оди на сметка на селекторот.

Но, не е доволно да се каже дека играле лошо, важно е зошто играа лошо бековите. Единствено што можеме да констатираме е дека во моментов не се подготвени да одиграат подобро. Што на крајот па и да очекувате од играчите кои за 2 месеци имаат одиграно 1 натпревар? Оваа екипа е налик на тим кој се вратил од лоши подготовки и сега ги игра првите мечеви.

Надворешната линија на Македонија со Исланд во најголем дел беше Металург плус Кире Лазаров. А репрезентативците од Металург од СП до сега имаат одиграно само 2 натпревари, во КПК со Париз. Од тие два, вториот е далеку од нешто вредно да се спомене.

Металург немаше квалитетни подготовки поради термините. Веднаш по СП дојде Париз, а веднаш по тоа Вардар. т.е требаше да биде Вардар. Одложувањето кое се случи имаше големо влијание и врз репрезентацијата. Металург по Париз почна да се подготвува за Вардар и обратно, кога дојде моментот да се одигра, се одложи. И така се изгуби многу драгоцено време.

Веројатно најдобрата идеја, веднаш штом стана јасно дека Металург и Вардар нема да играат до средината на април, ќе беше веднаш да се собере репрезентацијата и да се договорат 2-3 контролни меча, со квалитетен тим на кој акцент ќе беше ставен на играта на Мите Стоилов, Филип Лазаров и Филип Миркуловски. Да се обидеше стручниот тим да "врати" некој од овие три играчи. Не е оправдување отсуството на Мојсоски, затоа што тој и да не ја обновеше повредата, прашање е колку ќе можеше да игра во средата.

Но, сите имаа поважни работи од репрезентацијата, а тоа беа кавгите и изборите во РФМ, кои дојдоа во најнезгоден момент.

Селекторот апелираше да не останат во втор план, а останаа. Но, едно е да се апелира, а друго е да се истапи со план и да се реагира, да се бори да не остане во втор план.

Значи остана се како што остана, Металург остана да тренира во Скопје, патем играјќи еден првенствен меч со Т. Пролет од кој фајде не виде никој, а Вардар замина во Ц. Гора за да игра натпревари. За белја таму се доповреди Мојсоски. Не обвинуваме за тоа, можеше да се случи каде било, кога било.

Не е дека Темелковски немаше други опции. Споменавме, Бранко Ангеловски, Горан Кузманоски, Марјан Колев, па и Раде Стојановиќ. Можеби ќе сменеа нешто, можеби не. Темелковски вели дека нема информации за тоа што, колку, како играат. Тоа е негова грешка, негова работа е да знае. Тоа е едно, а друго, што и да играат, сигурно е подобро од овде затоа што овде не се игра!

Дојдовме во ситуација да играме без Наум Мојсоски и немавме решение.

"Ќе се обидеме со овие играчи кои ги имаме овде, Стоилов ќе се обиде да покрие на центар ..." гласеше изјавата на селекторот.

Е тоа е импровизација. А модерниот спорт не трпи импровизации.

Видовме преку Јоноски дека погрешна политика се води кога се интернационалците (па и домашните играчи) во прашање. Веќе не би чудело и да почнат да го одбиваат, затоа што биле игнорирани толку долго. Петровски, Мајнов, Павловски, Кузманоски, итн.. до вчера Јоноски, утре ќе биде некој друг.

Да се одберат 12 и тие да бидат тие и "во лето и во зима" е лоша и погубна политика, едноставно ние немаме доволно играчи за да се откажеме од кого било. А токму тоа го правиме.

Ништо, дури ни една акција не е изменета од тоа што го игравме на сите натпревари на СП. Само што сега играме полошо од тогаш, затоа што не сме подготвени. Ако на Исланд се гледало СП, тогаш точно знаеле кој, што и како игра во нашиот тим.

Целокупната атмосфера во репрезентацијата очигледно е "срушена" по мундијалот и тоа што се случуваше, па така излеговме неподготвени на меч со Исланд.

Што ќе се случува сега? Ќе помине Белгија, битно е да победиме затоа што во спротивно срамот ќе биде навистина голем. А дури по тоа ќе дојде еден од клучните моменти.

Дали ќе остане Минчо Јорданов член на УО, односно координатор на машките репрезентации? Одбие ли, тогаш одново репрезентацијата се враќа под команда на Михајло Михајловски или личност кој тој ќе ја одбере. Дотогаш, преостанува единствено да бидеме стрпливи.




Изменето од fiks - 20.Март.2009 во 11:01