IDIVIDI forum Веб сајт
почетна страница почетна страница > Спорт > Кошарка и ракомет
  Активни теми Активни теми RSS - РАКОМЕТ - новости
  најчести прашања најчести прашања  Пребарувај форум   Настани   Регистрирајте се Регистрирајте се  Влез Влез

РАКОМЕТ - новости

 Внеси реплика Внеси реплика страница  123 18>
Автор
Порака
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Тема: РАКОМЕТ - новости
    Испратена: 11.Јуни.2008 во 16:46
Македонија има адути и за Рејкјавик
Машката ракометна репрезентација на Македонија на првиот меч против Исланд во баражот за СП 2009 оствари одличен резултат (34-26), но што е уште поважно, на теренот одигра зрело, координирано, плански. Успехот против големиот фаворит, кој патем, треба да се завери на неделниот реванш, дефинитивно, не беше само моментен блесок или спортска среќа во новата сала. Напротив, тоа е плод на темелна, студиозна работа и максимална ангажираност на играчите, на стручниот штаб и за наши услови „новитетите“, стручниот аналитичар Андон Бошковски и спортскиот психолог Ленче Алексовска-Неделковска. Нивната помош се покажа драгоцена во подготвителниот период пред баражот, тоа го нагласуваат и ракометарите и селекторот Илија Темелковски, а се виде и на дело.
- Имаме поголема студиозност во работата, тоа е сигурно. Добро ја проанализиравме играта на Исланд многу работи излегоа токму така како што планиравме и тоа донесе резултат. Но, тоа не е максимумот на оваа репрезентација, иако на прв поглед изгледа така. Не ги откривме сите адути, имаме нешто и за реваншот во Рејкјавик. На првиот меч, на пример, Исланѓаните не видоа ништо или многу малку од можностите на Гоце Макалоски, Филип Лазаров, Влатко Митков... Имавме и мали слабости, пред се во фазата на одбрана, кои ги увидовме по прегледувањето на снимката од мечот, а кои треба да ги коригираме до недела - вели аналитичарот Андон Бошковски.
Исланѓаните, можеби, беа затекнати и изненадени на првиот меч, но сигурно ќе сторат се тоа да го исправат на реваншот на домашен терен. Сепак, според Бошковски, македонските репрезентативци сами ќе си ја решаваат судбината и пласманот на СП во Хрватска.
- Исланд ќе стори нешто да ги исправи грешките и да се извади за поразот. Сигурно ќе имаат поразличен пристап во играта, ќе бидат многу поагресивни во одбраната, па дури и груби. Но, сепак, мислам дека крајниот исход, сепак, зависи од нас. Имаме големи шанса да се пласираме на СП. Имаме добар резултат и на реваншот ќе патуваме во мирна и релаксирана атмосфера. Верувам дека и во реваншот ќе одиграме според планот и ќе го оствариме тој долгопосакуван успех да играме на светскиот шампионат. А, потоа ќе славиме - најавува Андон Бошковски.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 11.Јуни.2008 во 16:50
Ацкоска во Германија, Наумоска во Кометал ЃП?

КИЧЕВО. - Весна Ацкоска, организатор на играта на ракометниот вицепрвак Кале-Кичево, се наоѓа на проба во германскиот прволигаш Бломберг, екипа за која изминатата сезона настапуваше поранешната кичевка Даниела Новеска. Ова е вторпат Ацкоска да бара ангажман во странство, по едно и полгодишниот престој во Грција.
- Не сме наполно сигурни дали Ацкоска и дефинитивно ќе го напушти нашиот клуб. Ако се случи тоа, ќе побараме адекватно засилување на нејзината позиција, така што воопшто нема да бидеме послаби на европските натпревари од досега. Имаме најави дека нашиот клуб ќе го напушти и голманот Дијана Наумоска, која води преговори со шампионот Кометал ЃП. Ако се оствари овој трансфер, ќе мораме наскоро да размислуваме за доведување и на квалитетен голман - ни рече спортскиот директор на Кале-Кичево, Муарем Коџаџиклиоски-Масаро.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 11.Јуни.2008 во 17:06
МЕЧОТ НА ИСЛАНД ПОД КОНТРОЛА НА БАУМ И ГОРАЛЧУК ОД ПОЛСКА

Познати имиња на центарот

Мирослав Баум и Марек Горалчук од Полска се судиите кои ќе треба да обезбедат регуларност на натпреварот во Рејкјавик. Баум и Горалчук се едни од најискусните судии во Европа во моментов.

Уште од 1994 година се на ЕХФ листата. Немаат судено на машка македонска репрезентација, но неколкупати му имаат судено на Кометал Ѓ. П. (финалето во Будимпешта со Херц, 2002; 1/2 финале во Волгоград 2000; два дуели со Шлагелсе). Во Скопје му имаат судено и на Вардар во 2002 против романскиот Фибрекс.

Неколкупати му имаат судено на Исланд, а врвот на кариерата го достигнаа дури лани, кога судеа финале на Лига на шампиони и тоа мечот по кој се додели шампионскиот пехар (Кил-Флензбург). Постојано се на ЕХФ листата и главно во последните сезони судат мечеви на силни екипи (Сиудад, Адемар, Флензбург, Загреб ...) .
Ne sum pijan, samo lezam na zemja i se raduvam....
Кон врв
nikuch Кликни и види ги опциите
Група
Група
Лик (аватар)

Регистриран: 04.Април.2008
Локација: Macedonia
Статус: Офлајн
Поени: 94
Опции за коментарот Опции за коментарот   Благодарам (0) Благодарам(0)   Цитирај nikuch Цитирај  Внеси репликаОдговор Директен линк до овој коментар Испратена: 12.Јуни.2008 во 21:36
СЕКОГАШ ГОЛЕМИТЕ РЕПРЕЗЕНТАЦИИ ИГРААТ И ПОВЕЌЕ ОД СОПСТВЕНИТЕ МОЖНОСТИ, ЗОШТО ЕДНАШ И НИЕ НЕ ОДИГРАМЕ КАКО ГОЛЕМА РЕПРЕЗЕНТАЦИЈА.

НАПРЕД МАКЕДОНИЈА, СЕГА Е ТВОЈОТ РЕД ДА НАПЛАТУВАШ СТАРИ ДОЛГОВИ

Изменето од blueprayer - 15.Јуни.2008 во 20:10
ГОЛЕМИНАТА НА НЕШТОТО СЕКОГАШ НЕ СЕ МЕРИ ВО САНТИМЕТРИ ИЛИ КИЛОГРАМИ
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 13.Јуни.2008 во 15:26

МАШКАТА РЕПРЕЗЕНТАЦИЈА НА МАКЕДОНИЈА УТРЕ ПАТУВА ЗА ИСЛАНД КАДЕ В НЕДЕЛА ГИ ИГРА РЕВАНШОТ ОД БАРАЖОТ ЗА СП 2009

Со умерен оптимизам за Рејкјавик

Сениорите со осум гола позитива утре ќе патуваат за Исланд, каде в недела ќе се обидат да дојдат до резултат кој ќе ги одведе на Светското првенство во Хрватска на почетокот на следната година.

БАРАЖ ЗА СП 2009
Недела, 15.06.2008
ИСЛАНД - МАКЕДОНИЈА 18:00ч
Рејкјавик, Исланд. Прв меч: 26:34
Судии: Мирослав Баум и Марек Горалчук од Полска
Делегат: Роже Ксену од Белгија

По импресивниот настап на сениорите во салата "Борис Трајковски" во неделата полека стивнува еуфоријата и сосема смирено се очекува реваншот кој в недела ќе се одигра во Рејкјавик. Осумте гола предност во однос на Исланд се секако голема предност, но тоа ќе мора да се потврди и на реваншот каде е потребно да се одигра исто така на високо ниво за да се оправда оваа позитива.

Атмосферата е на истото ниво коешто го достигна и пред одигрувањето на првиот меч така што сите ракометари се подготвени за она што ги очекува.

"Постојано работиме на психолошката подготовка на ракометарите за мечот кој ни претстои. Знаеме колку беше тешко да се направи разлика со која ќе стигнеме до добар резултат на првиот меч, но свесни сме сите дека сега ќе ни биде уште потешко на реваншот", вели селекторот Темелковски на ден до патувањето на реваншот.

Што се однесува до очекувањата, не се зборува премногу за мечот туку како што беше кажано и на пресот во мир се извршуваат последните подготовки пред заминувањето.

"За Исланд ќе патуваме со умерен оптимизам. Имаме резултат, имаме услови и се обидуваме да се смириме пред одигрувањето на овој меч. Атмосферата и натаму ја одржуваме на истото ниво како што беше и пред првиот меч. С$ е сосема нормално и знаеме што н$ чека на реваншот во Исланд. Јасно ни е дека домаќинот ќе брка резултат бидејќи има негатива, но јасно ни е и дека нема нешто премногу да смени во играта".

Вчера се анализираше играта од првиот меч со Исланд и се бараа добрите и лошите страни во играта. Целта е да се надминат слабостите и да не се повторат на дуелот во Рејкјавик, но воедно и добрите страни да се повторат и да се одигра на уште повисоко ниво.

"И понатаму одиме со истиот план со кој работевме и пред првиот меч со Исланѓаните. Вчера работевме наутро во салата за кревање товар, а вечерта тренингот беше чисто на тактички план. Ќе работиме и на тактиката и во текот на денешниот ден за да можеме акциите да ги подобриме уште повеќе. Воедно ја гледавме и снимката од мечот од неделата. Ги бараме грешките за да можеме да ги поправиме. Можевме да видиме каде беа нашите слабости, а каде беа на противникот, па ќе се обидеме на реваншот да одиграме уште поквалитетно отколку на првиот дуел во Скопје. Создадовме предност која мораме да ја потврдиме. Оваа генерација мора да покаже дека има зрелост и квалитет да издржи со една ваква предност и да обезбеди пласман на СП бидејќи мислам дека тоа и го заслужува", заврши Темелковски.

Во секој случај реваншот в недела репрезентацијата на Македонија ќе го почне со осум гола предност. Сите би биле презадоволни кога ваква предност би остала и по завршување на мечот во Рејкјавик бидејќи тоа ќе значи и пласман на СП. Македонија покажа дека може да игра против учесниците на Олимписките игри на свој терен. Време е да покаже дека знае како се игра против овие селекции и кога се игра на гости.



Денеска прес во 12:30 часот

Во просториите на РФМ, со почеток во 12:30 часот денеска ќе се одржи прес-конференција на која ќе стане збор за натпреварот што ќе се одигра в недела во Рејкјавик. Овој прес ќе биде на ден до заминувањето бидејќи репрезентативците патуваат утре рано наутро.

Со 15 ракометари на реваншот

Според информациите во моментов на реваншот во Исланд ќе патуваат вкупно 15 ракометари. Сепак, кои ќе бидат тие,ќе се знае дури вечерва откако ќе се одржи и последниот тренинг во Скопје. Дури потоа ќе биде познат и списокот на патници за реванш средбата.

И утре со тренинг

Иако утре рано наутро се патува за Исланд, сепак, во план е да се одржи тренинг во салата каде што в недела ќе се игра реванш дуелот против Исланѓаните. Од информациите кои ги имаме редоследот на летовите е таков што ќе се стигне навреме за да може и да се одржи тренинг. В сабота тоа ќе се случи сигурно во терминот на одигрување на средбата.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 15.Јуни.2008 во 00:42

МАКЕДОНСКИОТ ПРВАК СО МАЛКУ СРЕЌА ЌЕ СЕ НАЈДЕ МЕЃУ 32-ТЕ ЕКИПИ ВО ЛИГАТА НА ШАМПИОНИ

Лесно за Металург?

Македонскиот првак Металург не би требало да има поголеми проблеми за да стигне до пласман во натпреварите по групи во Лигата на шампионите.

Металург, сепак, ќе мора во квалификациите, кои знаат да бидат и прилично незгодни. Пред две сезони Металург ја доби Брага за противник и иако победи и на двата дуела, тоа воопшто не беше наивна пресметка. Португалскиот шампион и годинава е меѓу екипите кои се можни противници на Металург. Не е Брага, туку Бенфика. Сеедно, лош противник и среќа е што таа е веројатно единствената екипа од осумте можни противници која може да направи проблем. Така на Металург ќе му треба само малку среќа за да ја избегне оваа екипа. Со оглед на тоа како мина пред две години со ждрепката, ред е фортуната да го помилува овој пат. Најдобро би било среќата да го испрати Металург на патување во Белгија или Луксембург, можеби повторно на Кипар. Не се лоши противници ниту Полва Сервити, која лани беше лесно елиминирана од Вардар, ниту, пак, Гранитас Каунас од Литванија. Црвена Звезда звучи малку поопасно, но Металург редовно излегува како победник од дуелите со "црвено-белите" на контролните натпревари, а и во голема криза се наоѓа овој тим, практично на ивица да се "распадне". Но, Ц. Звезда како и Бенфика не се екипи кои би ги посакал за противник македонскиот првак.

Ждрепката ќе биде извршена на 1 јули во Виена, а три дена подоцна во Гетеборг ќе биде извршена уште една ждрепка. За комплетната Лига на шампиони, по што ќе биде познато какви шанси ќе има Металург или кои екипи ќе ги гледаме во Скопје следната есен.

Можни противници се сите учесници, а посебно интересна треба да биде третата група, во која освен Портланд Сан Антонио сите други противници се екипи кои можат и би требало да загубат во Скопје. Среќа ќе му биде потребна на Металург во тој дел, со евентуално добивање на полесен противник од третата група шансите за пласман на минимум третото место нема да се воопшто мали.


1. Група

Сиудад Реал Шпанија

Кил Германија

Веспрем Унгарија

Монпеље Франција

Целје Словенија

Копенхаген Данска

Ч. Медведи Русија

Загреб Хрватска

2. Група

Барселона Шпанија

Флензбург Германија

Сегед Унгарија

Шамбери Франција

Цимос Копер Словенија

Гог Гудме Данска

Адемар Леон Шпанија

Хамбург Германија

3. Група

Портланд СА Шпанија

Амичитиа Швајцарија

ЗТР Запорожје Украина

Висла Плок Полска

Хамарби Шведска

Босна БиХ

Татран Прешов Словачка

Драмен Норвешка

Квалификации носители

Карвина Чешка

Стеауа Романија

Металург Македонија

А1 Брегенц Австрија

Хаукар Исланд

Дукас Грција

Брест Белорусија

Касарано Италија

Квалификации

Ц. Звезда Србија

Гранитас Литванија

Полва Сервити Естонија

Кипрус Колеџ Кипар

Измир Турција

Бенфика Португалија

Сашја Белгија

Дуделанж Луксембург

ЖДРЕПКА ЗА ЕП 2008

Македонија во третиот шешир

Македонската женска сениорска репрезентација е рангирана во третиот шешир за ждрепката која на 20 јули ќе се одржи во Охрид. Македонија, које е домаќин на првенството, е заедно со селекциите на Данска, Австрија и Шпанија и против нив нема да може да игра во првата фаза од натпреварувањето.

Франција од првиот, Португалија или Шведска од вториот и Белорусија или Србија од последниот шешир се екипите кои Македонија ги посакува за можни противници.

ЕХФ објави и тоа дека билети за натпреварите од Европското првенство ќе можат да се купат од 15 септември, а последниот рок за акредитирање ќе биде 31 октомври.

1 Шешир:

Норвешка

Русија

Франција

Германија

2. Шешир:

Унгарија

Шведска

Хрватска

Португалија

3. Шешир

Македонија

Данска

Австрија

Шпанија

4. Шешир:

Србија

Белорусија

Романија

Украина

Ne sum pijan, samo lezam na zemja i se raduvam....
Кон врв
nikuch Кликни и види ги опциите
Група
Група
Лик (аватар)

Регистриран: 04.Април.2008
Локација: Macedonia
Статус: Офлајн
Поени: 94
Опции за коментарот Опции за коментарот   Благодарам (0) Благодарам(0)   Цитирај nikuch Цитирај  Внеси репликаОдговор Директен линк до овој коментар Испратена: 15.Јуни.2008 во 20:04
ИСЛАНД 30:24 МАКЕДОНИЈА

изненадувањеплазењеизненадувањезбунетостНАЈСЛАТКИОТ ПОРАЗ ДОСЕГАголема%20насмевкаголема%20насмевкаголема%20насмевка
БРАВО ДЕЧКИ ГО ИСТОПИВТЕ ЦЕЛИОТ ИСЛАНД, КОЈ ТРИПАТИ НЕ СМРЗНУВАШЕ ДОСЕГАголема%20насмевкаголема%20насмевкааплауз
аплаузаплаузаплаузаплауз

ЧЕСТИТИКИ, ЧЕСТИТИКИ И САМО ЧЕСТИТКИ
аплаузаплаузаплаузаплаузаплауз




Немора да не оќоравуваш намигнување


Изменето од blueprayer - 15.Јуни.2008 во 20:10
ГОЛЕМИНАТА НА НЕШТОТО СЕКОГАШ НЕ СЕ МЕРИ ВО САНТИМЕТРИ ИЛИ КИЛОГРАМИ
Кон врв
kultuzin Кликни и види ги опциите
Сениор
Сениор


Регистриран: 03.Декември.2007
Статус: Офлајн
Поени: 4903
Опции за коментарот Опции за коментарот   Благодарам (0) Благодарам(0)   Цитирај kultuzin Цитирај  Внеси репликаОдговор Директен линк до овој коментар Испратена: 16.Јуни.2008 во 14:25
Bravo momci, navistina prekrasno.
Cestitki i mnogu sreka vo Hrvatska.
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 16.Јуни.2008 во 18:01
ПО ДЕВЕТ ГОДИНИ НАЈДОБРИТЕ МАКЕДОНСКИ РАКОМЕТАРИ ПОВТОРНО ЌЕ СЕ НАЈДАТ НА СВЕТСКОТО ПРВЕНСТВО

Крај на постот, Македонија оди на СП!

ИСЛАНД - МАКЕДОНИЈА 30:24 (13:13)
Рејкјавик, гледачи: 3000
Судии: Мирослав Баум и Марек Горалчук од Полска
Делегат: Роже Ксену од Белгија

Исланд:

Х. Гудмундсон 10 одб.

Б. Гудмундсон 5 одб.

Сваварсон 2

С. Сигурдсон -

Халмгримсон -

Атласон 2

Јонсон -

В. Сигурдсон 9

Гудјонсон 8

Стефансон 7

Холмгеирсон -

Петерсон 2

Јакобсон

Седмерци: 2/3

Исклучувања: 12 мин.

Македонија:

Ристовски 15 одб.

Ангелов -

Алушевски 2

К. Лазаров 10

Митков -

Темелков 2

Миркуловски 2

Маркоски 1

Мојсоски 4

Димовски 2

Ф. Лазаров -

Макалоски -

Ѓоргоноски -

Стојановиќ 1

Седмерци: 2/2

Исклучувања: 6 мин.

Таму каде што почна црната серија на македонскиот репрезентативен ракомет, таму и заврши. На Исланд, во Рејкјавик. Вчера македонските ракометари го тргнаа прашалникот од прашањето која ќе биде последната европска репрезентација која ќе оди на мундијалот во Хрватска.

Тоа е Македонија. Во четвртата пресметка, конечно, ги елиминира Исланѓаните и го прекина проклетството кога се во прашање баражите.

Клучни во целата пресметка со островјаните беа осумте гола разлика кои беа извојувани во Скопје. Во натпревар во кој не недостасуваа возбудувања, Македонија загуби со шест и од денеска почнува нова ера.

Исланд и на реваншот н$ почасти со бавна игра, нешто што македонските ракометари сигурно го посакуваа како тактика. Веројатно нивната математика се темелеше на тоа постепено да ја намалуваат разликата и да чекаат Македонија да почне прва да попушта под притисокот.

За среќа, Македонија покажа доволно зрелост за да не дозволи рано да се направи притисок.

По 12 минути игра беше 4:4, со неколку пропуштени шанси од наша страна и за подобар резултат. Првата криза во македонскиот тим се почувствува во периодот меѓу 12. и 17. минута. Тогаш Исланд направи серија од 3:0 и за првпат на мечот дојде до посолидно водство (7:4). Кирил Лазаров и Филип Миркуловски постигнаа важни голови во тој период, па Македонија се врати на минус еден (7:6), но веднаш по тоа Исланд одново влезе во серија и стигна до најголемото водство до тој момент (10:6).

Плус четири и 40 минути за играње е веројатно нешто што Исланд посакуваше во своите пресметки. Македонските играчи тогаш покажаа дека се зрели за пласман на мундијалот.

Се соземаа, одиграа како што треба и во одбрана и во напад и стигнаа до 10:9 во 25. минута од натпреварот. Во завршните минути од првото полувреме, уште и дополнително го исфрустрираа противникот и стигнавме до егал (13:13) на паузата.

Со тоа Македонија имаше плус осум гола и само уште 30 минути за играње.

Второто полувреме го донесе финалното одбројување. Секој прекинат напад, секоја освоена топка, секоја потрошена секунда значеше чекор поблиску до мундијалот во Хрватска.

Исланд набрзина дојде до плус два (17:15, 37 мин.). Всушност тоа беше нивниот прв обид да стигнат до првенството. Двата гола беа дел од серијата со која стигнаа до плус 4 (19:15).

И, исто како и во првиот дел, Македонија уште еднаш се врати во игра. Намаливме на 19:18, пред одново да влеземе во криза и да и дозволиме да стигнат до плус четири (24:20).

Но, време имаше с$ помалку. Македонските ракометари тактички одлично ги извршуваа задачите и Исланѓаните немаа многу избор во играта. На пет минути до крајот резултатот беше 25:22, Исланд беше крајно исфрустриран, но Македонија покажа дека има уште работа пред неа.

За само една минута можеше с$ да оди в неврат. Следеа три неизнудени грешки и избрани потези и во 57 минута Исланд имаше плус шест (28:22). Се можеше да се случи во тие три минути. Но, среќата овој пат не ни го заврте грбот. Македонија тргна во последен напад на 30 секунди до крајот, Исланд имаше плус седум, само гол го делеше од пласман на првенството.

Полјаците сигнализираа пасивна игра, но Кирил Лазаров со десеттиот гол ја запечати судбината на "рибарите".

"Честитам на сите мои соиграчи. Не е мала работа за државичка како Македонија да се најде на светско првенство. Бевме оспорувани, но докажавме дека имаме квалитет. Ги паметиме сите проблеми кои ги имавме во овие квалификации, како беше со Португалија, кога се собравме, како игравме. Но, останавме силни и успеавме да го надминеме сето тоа. Ова не е крајниот дострел на оваа репрезентација. Со правилни подготовки и добар план ќе траеме уште седум осум години и ќе н$ има на СП и ЕП", изјави Кирил Лазаров, ракометарот кој годинава доби уште еден двобој на највисоко ниво со некогаш најдобриот десен бек на светот, Олафур Стефансон и е с$ поблиску до моментот кога ќе мора да му биде оддадено должното признание.

Борко Ристовски уште еднаш одличен. 15 интервенции, секоја исклучително важна. Честитки заслужуваат буквално сите, секој понесе дел од товарот и учествуваше во креирањето на овој, најголем репрезентативен успех на машките сениори.

Можност за пречек на ракометарите

За сите заинтересирани кои сакаат денеска да ги пречекаат македонските ракометари при враќањето од Исланд, Ракометната федерација на Македонија и Агенцијата за спорт и млади организираат превоз до аеродромот Александар Велики. Тргнувањето е точно во 14 часот од пред новата Автобуска станица.



Изменето од blueprayer - 16.Јуни.2008 во 18:01
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 16.Јуни.2008 во 18:01
КВАЛИФИКАЦИИ ЗА СП 2009

Прекин во Сараево!

БиХ - Унгарија 24:27 прек. (25:27)

Мечот во Сараево меѓу БиХ и Унгарија не го дочека крајот! Револтирана од судењето на Леифсон и Палсон од Исланд публиката во "Скендерија" (околу 7000) почна да фрла предмети на теренот по што мечот беше прекинат. Унгарците се повлекоа во соблекувалните, а делегатот процени дека нема услови да се продолжи натпреварот. Сега на ред е Дисциплинската комисија на ЕХФ да ја донесе конечната одлука.

БиХ очекуваше пласман на СП по тесниот пораз од два гола разлика во Унгарија. Но на реваншот во Сараево, Унгарија играше далеку подобро и на полувреме имаше водство од шест разлика.

Во вториот дел БиХ заигра подобро, ја намали разликата и се чинеше дека има шанса да стигне, но тогаш прво беше досудено едно сомнително пробивање на Доборац, а во следниот напад исто така сомнителни две минути на Терзиќ и тогаш дојде до ерупција од незадоволство во салата по што се случи и прекинот.

Србија низ иглени уши

СРБИЈА - ЧЕШКА 29:24 (33:38)

Србија успеја во меч со драматичен финиш да ја елиминира фаворизираната Чешка и во јануари ќе игра во Хрватска.

Голманот Димитрије Пејановиќ е нов херој на српската репрезентација бидејќи успеја да скроти 23 топки вклучувајќи го и клучниот напат во последната минута. Станиќ одбрани 8 и со вкупн 31 одбрана Србија стигна до посакуваните плус пет.

Нервите на навивачите во Ниш постојано беа на испит со оглед на тоа дека Србија водеше со 6 во 38 минута, за по тоа да биде на само плус 2 во 45 минута.

Во финишот како и да е Србија имаше 29:24, но топката во последната минута и пол беше во посед на Чешка. Пејановиќ ја спаси ситуацијата, но Србите веднаш во нападот погрешија и им дадоа уште 10 секунди шанса на Чесите. Но, гостите се сплеткаа и ја испратија домашната репрезентација на мундијалот.

Ц. Гора, елиминирана

РОМАНИЈА - Ц. ГОРА 29:25 (27:31)

Ц. Гора нема да се појави на мундијалот во Хрватска. По почетниот успех на оваа репрезентација, (како дебитанти играа на ЕП) сега стигна приземјувањето. Прво во женскиот, сега и во машкиот тим.

Инаку, имаа Црногорците убав резултат до 36 минута (15:14), но доволни беа две исклучувања за Романија да направи серија од 5:1 и да ја анулира нивната предност.

Последниот воз замина во 58 минута од натпреварот, кога Романија водството од 26:23 го зголеми на плус шест (29:24), а последниот гол на Црна Гора не вредеше ништо.

Стоп за Словенија!

СЛОВАЧКА - СЛОВЕНИЈА 29:28 (33:33)

Низата од девет едноподруго настапи на големите натпреварувања за Словенците заврши во словачкиот Левице. По ремито во "Златорог", Словенците минимално поразени во Словачка и на мундијалот во Хрватска ќе бидат гледачи.

Резултатски натпреварот беше тесен во текот на сите 60 минути, со тоа што Словачка го диктираше темпото. Нивната колективна игра беше клучна во финишот кога Словенците освен Жвижеј (11 гола) не можеа да најдат расположен стрелец во своите редови, по што мораа да се помират со судбината.

Полска без ризик

ШВАЈЦАРИЈА - ПОЛСКА 24:22 (24:32)

Избраниците на поранешниот македонски селектор Драган Ѓукиќ, сега кормилар на Швајцарија, имаа малку шанси против далеку посилната репрезентација на Полска.

По минус 8 во Киелце, јасно беше дека нема да можат да направат подвиг, единствено им остана чесно да си ја одработат задачата. Тоа и го сторија, победија 24:22, резултат со кој Полска заминува на првенството.

Во поголемиот дел резултатот беше изедначен. Познатото бековско дуо (Биелецки-Лијевски) постигна вкупно 3 гола, но Полска не беше во реална опасност.

Адиос Грција

ГРЦИЈА - ШПАНИЈА 32:31 (24:32)

Како што и се очекуваше, Шпанија без проблем ја елиминираше Грција. По победата од осум разлика во Шпанија прашање беше само со каков скор.

Грците победија, утешно, не не беа ниту блиску до изненадување.

На одмор се замина со еден разлика за Грција, во вториот дел Шпанците без мака ја одржаа таа разлика.

Русија се прошета во баражот

РУСИЈА - БЕЛОРУСИЈА 34:30 (26:26)

Белорусите само во еден период, кон средината на првото полувреме имаа период во кој можеби се понадеваа на пласман на првенството. Водеа со 10:9, но набрзо Каманин и Игропуло ја однесоа Русија во водство кое на полувреме изнесуваше два разлика.

Во второто полувреме Русија речиси цело време имаше водство од 4 до 6 гола разлика и на крајот без возбудувања го финишираше натпреварот.

Норвешка со 2 победи

Украина - Норвешка 30:32 (22:27)

Норвешка, противникот на Македонија во идните квалификации, е единствената репрезентација која со 2 победи го одигра баражот.

По 27:22 дома, Норвежаните не им дадоа шанса на Украинците да се понадеваат на изненадување ниту на како гости.

На полувреме Норвешка водеше 18:12 и со петте гола од првиот меч тоа правеше разлика од 11 гола. Недостижно за Украина, која успеја да намали на минус два колку впечатокот да не биде толку лош.

Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 16.Јуни.2008 во 18:15

РЕПРЕЗЕНТАТИВКИТЕ СЕ СЕЛАТ НА ЈУГОТ ОД ЗЕМЈАТА

Од денеска надвор од Скопје

Женската јуниорска репрезентација на Македонија по тренинзите во Скопје, во салата во Автокоманда во следните седум дена ќе се подготвува надвор од главниот град и заминува за Негорски бањи. Ова ќе биде базата во која ќе се одработат вкупно 12 тренинзи бидејќи ќе се претстојува вкупно седум дена.

На овие подготовки Георгиевски и Петрушевски сметаат вкупно на 17 ракометарки. Ова се девојките кои влегоа во конк*ренција за овој собир, но с$ уште ќе мора да ги покажуваат своите квалитети доколку сакаат да си ја задржат позицијата и да играат на Мундијалот од 21 јули до 3 август.

Инаку, се патува денеска, а вечерва ќе биде одржан првиот тренинг. Од утре до сабота секој ден ќе има сигурно по два тренинзи, но можно е темпото да биде и засилено доколку има можност. Оваа екипа од 17 ракометарки се враќа во Скопје в недела, па потоа ќе следува една седмица тренирање во Скопје пред ново заминување, овој пат во Виница.

Во Негорски бањи според програмата која ја има стручниот штаб ќе се работи главно на подобрување на физичката подготвеност на ракометарките. Покрај тоа веројатно главно во вечерните термини ќе се увежбуваат и елементи од техничко-тактичкиот дел, како би можело во следните фази да се продолжи со уште посилна работа посебно на овој план.

Веќе ќе се почне и со собирање информации за противниците со кои играме во групата од првата фаза, па ќе може и тренинзите да се прилагодуваат на она што е дојдено како информација.

Д. М.

СОСТАВ

ГОЛМАНИ

Фросина Крстевска (Еуростандард Ѓ. П.)

Елизабета Стојановиќ (Металург Скопје)

Наташа Антиќ (Кастратовиќ)

ЛЕВИ КРИЛА

Ива Стојковска (Еуростандард Ѓ. П.)

Цветанка Срњаковска (Кабран А.)

ДЕСНИ КРИЛА

Симона Николовска (Кометал Ѓ. П.)

Симона Гроздановска (Кале Кичево)

ЛЕВИ БЕКОВИ

Ивана Петковска (Кометал Ѓ. П.)

Марија Когој (Универс 1)

Елена Димковска (Вардар Осигурување)

СРЕДНИ БЕКОВИ

Марија Штериова (Еуростандард Ѓ. П.)

Беба Белма (Металург Скопје)

Теодора Ефремова (Еуростандард Ѓ. П.)

ДЕСНИ БЕКОВИ

Елена Георгиевска (Кометал Ѓ. П.)

Анета Анчевска (Кожувчанка)

ПИКЕРИ

Кристина Илиоска (Универс 1)

Марија Серафимовска (Металург Скопје)

Што се случува со Мркиќ?

Левиот бек на Еуростандард Ѓ. Петров, Савица Мркиќ, која беше предвидена за настап во јуниорската репрезентација с$ уште се нема појавено на тренинзите. Иако беше во план за сите претходни собири на јуниорките таа ниту еднаш не се приклучи. Последниот обид беше во четвртокот, кога имаше состанок со неа и стручниот штаб, но одново не се појави на тренинг.

Според ова веќе станува јасно дека ракометарката сама се откажува од играњето во националниот состав, така што се продолжува со овој состав со кој денеска се заминува во Негорски бањи.

Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 17.Јуни.2008 во 16:40

МАКЕДОНСКИТЕ РЕПРЕЗЕНТАТИВЦИ ВЧЕРА СЕ ВРАТИЈА СО КРЕНАТИ ГЛАВИ ОД ИСЛАНД ОПРАВДУВАЈЌИ ГО ОПТИМИЗМОТ СО ПЛАСМАНОТ НА СП 2009 ВО ХРВАТСКА

Величествен дочек за хероите

Вчера беше прекрасно да си Македонец бидејќи целиот ракометен свет зборуваше само за едно, за големата победа против учесникот на Олимписките игри, Исланд. Македонските репрезентативци по големиот успех пристигнаа на аеродромот во Скопје "Александар Велики", а беа пречекани на величествен начин.

Музика, аплаузи, скандирање на имињата на ракометарите, на земјата... Сите сложни и сите заедно без двоење, покажувајќи дека само сложно можеме да стигнеме до посакуваниот резултат. Над 300 навивачи вчера ги пречекаа на аеродромот. Потоа имаа прием кај премиерот, а денеска ќе бидат примени и во МОК. Од неделата ова се нашите нови херои коишто заслужуваат да бидат прославувани од сите коишто барем малку го сакаат ракометот, а тоа беше потврдено и вчера на аеродромот. Македонија има причина за радост и прослава бидејќи успеавме во она што го замисливме.

Почнавме во јануари, кога одбранетиот седмерец на Ристовски во Португалија н$ однесе во баражот. Следуваше Балканијадата, па "Трофејот Македонија" и на крајот стариот должник, Исланд. И стигнавме до успех и учество на Светското првенство во Хрватска.

Македонските репрезентативци покажаа дека заслужуваат да се рамо до рамо со големите. Дека заслужуваат да играат секогаш во полна сала и секогаш да имаат поддршка каква што имаа пред с$ во баражите против Исланд. Ред е да има малку одмор, а потоа ќе се фати нов залет за јануари кога ќе треба некои други репрезентации да се најдат на нашиот список.

Д. М.

ИЛИЈА ТЕМЕЛКОВСКИ (СЕЛЕКТОР)

Ова не е последниот збор

"Ова е голем ден за нас. Долго го чекавме пласманот на сениорската селекција на големите натпреварувања. Драго ми е што можевме во ваков број да го прославиме тоа. Јас се гордеам со моите ракометари и можам да кажам само дека ова не е последниот збор на оваа генерација бидејќи допрва следува вистинското од нив".

КИРЕ ЛАЗАРОВ (КАПИТЕН)

Допрва ќе следуваа резултатите

"Свесни сме за резултатот којшто успеавме да го постигнеме, но нема да летаме во облаци. Ова не е последниот збор на оваа генерација бидејќи допрва ќе следуваат резултатите од нас. Ќе прославиме за ова што го направивме, па кога ќе дојде време одново ќе покажеме колку вредиме. Се надевам дека ќе добиеме можност за добри подготовки и на СП да се прикажеме во одлично издание".

 

 

 

 

 

 

Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 17.Јуни.2008 во 16:40

РАКОМЕТАРИТЕ ГИ ИЗРАДУВАА СИТЕ ЉУБИТЕЛИ НА СПОРТОТ ВО ДРЖАВАТА

Македонија во мундијалски транс

Исланд е силен тим составен од врвни професионалци. Исланд е и добро организиран и скап и ги има сите услови. Исланд ќе игра и на Олимписките игри во Пекинг. Но, на Светското првенство во Хрватска - не! Таму ќе оди Македонија, најголемото изненадување во квалификациските бараж натпревари.

Македонските играчи го спуштија на земја учесникот на олимписките игри само две недели по нивната "сензационална" елиминација на Шведска во квалификациите за ОИ.

Конечно, по безмалку 10 години чекање најдобрите македонски ракометари се враќаат на светската ракометна сцена. За само десетина дена по вторпат се во насловите од извештаите во ракометна Европа.

Од денеска почнува нова ера во машкиот ракомет. Конечно е свртена нова страница, страница на која ќе се пишуваат резултатите од големите натпреварувања, а не од неуспешните квалификации.

Последниот рецепт се покажа успешен. Репрезентацијата беше на големо искушение во овие квалификации. Не само од силата на противниците кои никако не се потценување (Исланд, Португалија). Причините што мораше да се чека 10 години, сега се виде, во најголем дел лежеле во македонскиот табор. Ракометарите, конечно, решија сами да стават крај на сето тоа. Созреаја и како играчи и како личности и дојдоа до нивото каде што веќе мораше да се отиде чекор напред. Побараа шанса самите да излезат на крај со Исланд. Побараа да се прекине практиката да се носат странски тренери кои имаат познати имиња и резултати со некои други репрезентации. Секоја чест за нив, секој од нив доследно си ја работеше својата работа, но за овој тим очигледно дека беше потребно нешто друго. Слобода да одиграат како што знаат и како што мислат дека треба. Па што биде, нека биде. Побараа шанса со Темелковски на клупата да се обидат да го победат Исланд. Ја добија и ја искористија. Докажаа дека ако се склопат сите коцкички и ако секој на свој начин си ја одработи својата задача во цел да се постигне резултат, резултатот ќе дојде.

Мундијалскиот транс кој ја зафати Македонија ќе мора да трае. Резултатот остварен на Исланд не значи дека работата е завршена. Напротив, дури сега почнува.

Ракометарите обезбедија место меѓу најдобрите, но, сега, кога добија шанса да "пливаат" со големите риби, мора и да се однесуваат како нив. Ако досега се импровизираше на многу полиња, сега тоа не смее да го има. Мора да бидат елиминирани сите слабости кои на еден или друг начин ја сопираа Македонија минативе десет години за оваа шанса докрај да биде искористена.

Десет години беа потребни да се изгради тим и да се најде начин како да се стигне до мундијалот. Многу малку, можеби само една грешка би била доволна да се вратиме назад. Сега ракометната репрезентација е на позиција која мора по секоја цена да се одбрани.

Ракометарите ќе можат заслужено да уживаат во своите "пет минути" слава. Тие се нашите спортски херои и заслужија да бидат под светлото на рефлекторите уште долго време. Честитки стигаат од сите страни и што е посебно важно од сите институции. Радоста ја делат сите, победата над Исланд сите ја чувствуваат како своја. Тоа е убаво, но тоа ќе треба да се запамети и кога еуфоријата ќе стивне.

Наскоро, за нешто повеќе од три месеци овие момци одново ќе бидат на бојното поле, а тогаш, веројатно повеќе од кога и да е, ќе им биде потребна помош од сите.

Играчите го направија најважниот чекор, ја однесоа Македонија на СП. Сега на сите останати е одговорноста да направат стратегија како овој моментен успех да го претворат во траен.
Ne sum pijan, samo lezam na zemja i se raduvam....
Кон врв
La Ninja Кликни и види ги опциите
Сениор
Сениор
Лик (аватар)
She Hulk

Регистриран: 13.Јуни.2006
Статус: Офлајн
Поени: 1606
Опции за коментарот Опции за коментарот   Благодарам (0) Благодарам(0)   Цитирај La Ninja Цитирај  Внеси репликаОдговор Директен линк до овој коментар Испратена: 17.Јуни.2008 во 16:42

МАКЕДОНСКИОТ ПРВАК ДИРЕКТНО СЕ ПЛАСИРАШЕ ВО НАТПРЕВАРИТЕ ПО ГРУПИ ВО ЛИГАТА НА ШАМПИОНИТЕ

Кометал избегна квалификации!

За разлика од машкиот првак, Металург, кој ќе мора да одигра едно квалификациско коло, женскиот шампион, Кометал Ѓ. П., и оваа сезона ќе игра директно во Лигата на шампионите.

Пресметките на ЕХФ отидоа во корист на Кометал Ѓ. П., иако македонскиот клуб бележи постојан пад и од првиот, сега се наоѓа во третиот, последен шешир кој обезбедува директно играње во натпреварите по групи.

Друштво на Кометал во оваа треторангирана група на клубови му прават прваците на Германија, Романија и Црна Гора и против нив нема да може да игра во првата фаза на Лигата на шампионите. Но, затоа од другите два шешири доаѓаат добро познати имиња, клубови против кои некогаш не само што беше рамноправен туку и ги победуваше. Сега тие се во улога на големи фаворити.

Од првиот доаѓаат двата руски тима, Звезда и Лада Тољати. Првиот во улога на бранител на титулата, вториот како сопствениот на шампионскиот пехар во Русија. Данскиот Виборг, веројатно најскапиот тим во моментов и добропознатиот Хипо од Виена.

Ништо подобро не доаѓа ниту од вториот шешир. Крим Меркатор, тим кој се наоѓа во слична надолна линија, како и Кометал е единствениот посакуван противник. Ѓер е секоја година с$ посилен, Ларвик никогаш и не бил слаб, а релативна енигма е Елда од Шпанија. Но, добро е познато дека на Кометал не му оди против шпански екипи, па така Крим останува единствена добра опција.

Вистинки пекол ги очекува екипите кои ќе треба да го пополнат четвртиот шешир. Многу некогаш силни екипи сега ќе мораат низ квалификациско сито.

Икаст, Дунафер, Мотор, Подравка, Мец се само дел од екипите кои ќе чекаат разврска од претквалификациите, за по тоа да ги добијат своите противници во вториот квалификациски циклус. Овој систем се игра втора сезона по ред. Се организираат претквалификациски групи, а победниците одат во второто квалификациско коло.

Се игра турнирски, а домаќините главно доаѓаат од шеширот со носители. Годинава во најповолна позиција да ги организираат групите се Икаст, Дунафер, Целје и Иткаксо Естела од Шпанија.

Ждрепката во која Кометал ќе ги добие своите противници ќе се одржи заедно со ждрепката за машката Лига на шампиони, на 4 јули во Гетеборг, како збогатување на најголемиот турнир во млади категории, Партиле Куп кој Швеѓаните го организираат секоја година.


ЛИГА НА ШАМПИОНИ 2008/09

1. Шешир

Звезда Звенигород Русија

Виборг Данска

Лада Тољати Русија

Хипо Австрија

2. Шешир

Ѓер Унгарија

Крим М. Словенија

Елда Престиго Шпанија

Ларвик Норвешка

3. Шешир

Кометал Ѓ. П. Македонија

Нирнберг Германија

Олчим Влчеа Романија

Будуќност Ц. Гора

Квалификации:

1. Шешир:

Икаст Данска

Дунафер Унгарија

Целје Словенија

Естела И. Шпанија

2. Шешир

Бјасен Норвешка

Лајпциг Германија

Рулментул Романија

Подравка Хрватска

3. Шешир

Стјарнан Исланд

Мотор Украина

Љублин Полска

Мец Франција

Претквалификации:

Братислава Словачка

Патрас Грција

Мили Пјанго Турција

Мадеира Португалија

Наиса Ниш Србија

Сасари Италија

Амстердам Холандија

Брул Швајцарија

Ne sum pijan, samo lezam na zemja i se raduvam....
Кон врв
 Внеси реплика Внеси реплика страница  123 18>
  Сподели тема   

Скок до Овластувања Кликни и види ги опциите

Forum Software by Web Wiz Forums® version 10.03
Copyright ©2001-2011 Web Wiz Ltd.

Страницата е генерирана за 0,171 секунди.