“Четири сведоци дека Исус е син Божји“

Дали Исус зборува вистина?
Денес за нешто да знаеме дека е вистина ни треба сведоци докази и очевидци.
Како можеме да знаеме дека Исус ја зборува вистината?
Денес има новинари кои секој ден објавуваат по нешто во весник и ние им веруваме, бидејки биле на местото на случката виделе, слушнале, снимале и објавиле статија во весник.
Има писатели кои пишувале за некое доживување според вистинска приказна.
Исто е и со Исус. Некој сакал светот да дознае за Исус па затоа напишал книга за Неговиот живот.
Библијата е историски запис за Божјите дела во Израел за животот на Исус, за ширењето на верата преку апостолите
Животот на Исус е регистриран во четири евангелија кои се напишани од Матеј, Марко, Лука и Јован. Матеј, и Јован пишувале за личното искуство со Исус, додека Марко пишувал она што апостол Петар му кажувал, а Лука детално ги испитувал оние кои беа со Исус за да може по ред да ги опише настаните во животот на Исус со цел да го поучи Теофил на вистинитоста во која е поучуван. Секое евангелие беше за различна група на луѓе.

Дали знаете зошто има четири евангелија?
Мојсеевиот закон налага: за да се докаже нешто дека е вистинито потребно е да има двајца или тројца сведоци.

Текстот што ќе го покажеме исто така спомнува четири сведоци.
Евангелие според Јован 5:31-40
31 Ако Јас сведочам Сам за Себе, моето сведоштво нема да биде вистинско. 32 Има друг Кој сведочи за Мене и знам дека е вистинско сведоштвото со кое сведочи за Мене.
33 вие пративте гласници кај Јован, и тој ви посведочи за вистината; 34 Но Јас не примам сведоштво од човек, туку го кажувам ова, за вие да се спасите. 35 Тој беше светило што гореше и светеше, а вие сакавте да се порадувате на неговата светлина, за кратко време. 36 Но Јас имам поголемо сведоштво од Јовановото; делата што Таткото ми ги даде да ги завршам, токму тие дела што ги правам сведочат за Мене – дека Таткото ме пратил. 37 И Таткото, Кој ме прати, Самиот сведочи за Мене. Вие ни го чувте некогаш Неговиот глас, ниту го видовте Неговото лице, 38 и Неговите зборови ги немате постојано во вас, затоа што не му верувате на Оној Кого Тој го пратил. 39 Вие ги проучувате писмата, зашто мислите дека имате вечен живот во нив; и тие сведочат за Мене. 40 Но вие не сакате да дојдете при Мене, за да имате живот.