Напишете омилена песна што сте ја учеле на школо..

Т'га за југ - Константин Миладинов


    Орелски крилја как да си метнех
    и в наши ст'рни да си прелетнех!
    На наши места ја да си идам,
    да видам Стамбол, Кукуш да видам,

    Да видам дали с'нце и тамо
    матно угревјат, како и вамо.
    Ако как овде с'нцето ме стретит,
    ако пак мрачно с'нцето светит:

    На п'т далечни ја ке се стегнам,
    и в други ст'рни ке си побегнам,
    каде с'нцето светло угревјат,
    каде небото ѕвезди посевјат.

    Овде је мрачно и мрак м' обвива
    и темна м'гла земја покрива:
    мразој и снегој, и пепелници,
    силни ветришта и вијулици,

    Околу м'гли и мразој земни,
    а в’гради студој, и мисли темни.
    Не, ја не можам овде да седам!
    Не, ја не можам мразој да гледам!

    Дајте ми крилја ја да си метнам
    и в наши ст'рни да си прелетнам:
    на наши места ја да си идам,
    да видам Охрид, Струга да видам.

    Тамо зората греит душата
    и с'нце светло зајдвит в гората.
    Тамо дарбите природна сила
    со с'та раскош ги растурила:

    Бистро езеро, гледаш, белеит
    или од ветар синотемнеит:
    поле погледниш, или планина
    -сегде Божева је хубавина.

    Тамо по с'рце в кавал да свирам,
    с'нце да зајдвит, ја да умирам!

Изменето од Zaspana - 24.Април.2008 во 15:03

...О тешкото!Зурли штом диво ќе писнат,
штом тапан ќе грмне со подземен екот-
во градиве зошто жал лута ме стиска,
во очиве зошто ми навира река
и зошто ми иде да плачам ко дете,
да превијам раце,да прикријам лик-
та гризам усни,стегам срце клето,
да не пушти вик..... од 8 одд

Изменето од girl93 - 24.Април.2008 во 15:14

blueprayer напиша: ова го памтам од 2 или 3 одд. Гавранот Гавре раце си изми нов капут навре и нови чизми В џебче си стави марама тенка а на вратот зави ниска од пченка И стој така ко да се слика Всушност на свадба Гавре е викан Што стоиш така жена му Ганка почна да грака од друга гранка стојам се вдаде Гавре ко ранет изумив каде за сват бев канет.. мислам имаше уште еден стих ама не ми текнува правилно како одеше..

aj neka ti teknit kako bese drugiot stih

Грл ми текна и ова..

...чукаше глава за да се сети
дур не ја тресна од 2-3 летви.

И толку. не ми текнува веке...

Умилкување (Дениција - Петре М. Андреевски)

Ќе ги отпретам сите горештини од мојата глава,
ко суво дрво на сува рида реките ќе ги заковам,
ќе те претплатам на вечна љубов и вечни времиња
и ќе те љубам и губам и во пости и пред гости
само да ме сакаш.

Ќе ги поткупам сите човечки сетила и патила,
сите светлосни преѓи песијазол ќе ги врзам,
сите денови и ноќи на својот почеток ќе ги
вратам,
ќе ти дадам се што е солено и молено
само да ме сакаш.

Ќе спијам во движење, сенката своја
                             ќе ја прескокам,
ќе ги затнам сите извори,се што гори ќе отворам.
Ќе направам да не се знае кај е лево и десно,
ќе ти наберам ѕвезди, ќе ти влепам шлаканица
само да ме сакаш.

Ќе ги шпионирам сите крадци на твоите часови.
Ќе ги исфрлам од употреба страните на светот
и светот, по црна ноќ, одмижанка ќе го истрчам
и ќе те фалам и кудам под сите небеса
само да ме сакаш.

Кај ќе стасам ќе разделам топло од студено,
не шеќерот ќе му забранам да се споредува со
тебе,
не ќе оставам растојание што ќе биде меѓу нас,
со ова што го велам и слепо и глуво ќе исцелам
само да ме сакаш.

Изменето од Monuska - 24.Април.2008 во 23:38

Татунчо,

Везилка

Везике кажи како да се роди
проста и строга македонска песна
од ова срце што со себе води
разговор ноќен во тревога бесна?

Два конца парај од срцето,драги,
едниот црвен,другиот црн е,
едниот буди морничави таги
едниот копнеж и светол и стрвен.
                      -------Блаже Конески