Словенечки “Туш” ќе инвестира 61 милион

»Wenn ein Deutscher einen Zug ausrauben möchte, kauft er sich als erstes eine Fahrkarte.« :) (Lenin 1917)

   “Туш” најавува инверстициски циклус во Македонија

Словенечки “Туш”  ќе инвестира 61 милион евра во Македонија

По “Меркатор”, и словенечкиот ланец на супермаркети “Енерготуш” (Туш) најавува влез на македонскиот пазар. Компанијата планира изградба на 23 супермаркети во поголемите градови во земјава кои ќе бидат опремени со бензиски пумпи и паркинг простор. “Туш” ќе понуди и низа други услуги со што купувачите ќе добијат комплетна услуга на едно место, најавуваат од компанијата

Словенечката трговска компанија “Туш” ќе инвестира 61 милиони евра во изградба на супермаркети, бензиски пумпи и голем центар за продавници  и забава. Финансиската конструкција на компанијата предвидува околу 33 милиони евра да се инвестират во купување на градежно земјиште, комунална опрема, градежна опрема и работна рака. Се работи за изградба на 23 супермаркети со бензиски пумпи каде ќе се продаваат нафтени деривати со брендот на компанијата. За купување на инсталација се предвидени 28 милиони евра. Околу 72,5% од инвестицијата ќе биде реализирана со домашни добавувачи, а за изградба на супермаркетите ќе биде ангажирана македонска градежна оператива.

Во новите објекти на “Туш” се планира да се вработат околу 900 лица од земјава.

Според планираното супермаркетите ќе бидат со големина од 1.000 до 1.500 матри квадратни, а сите  ќе имаат сопствен паркинг простор со капацитет од 200 до 300 патнички возила. Доколку “Туш” добие дозвола за изградба на свои објекти во Македонија, пет објекти ќе бидат лоцирани во Скопје, по два објекти ќе се изградат во Битола, Тетово, Гостивар и Куманово и по еден супермаркет ќе има во Кичево, Охрид, Струга, Прилеп, Гевгелија, Струмица, Штип, Велес, Кавадарци и Неготино. Истовремено се планира и изградба на логистички центар за снабдување на мрежата на супермаркети, кои би опфаќал површина од 12.000 метри квадратни и магацински простор од околу 70.000 метри квадратни. Логистичкиот центар ќе биде опремен со најмодерна информациска технологија за складирање и дистрибуирање на стоките за супермаркетите.

Биснис планот на “Туш” предвидува и изградба на голем забавен центар “Планет туш”, кои ќе се простира на 60.000 метри квадратни. Тука на едно место ќе биде интегрирана трговијата, угостителството и забавата. Во “Планет туш” се планира изградба на пет кино сали. Во рамките на овој објект ќе се изгради и голем Хипермаркет. Во него 27 локации ќе се издаваат на аптеки, банки, пошти, угостителски локали и различни видови на услуги, за да се понуди широка палета на услуги за купувачите на едно место.

Компанија со стратешка цел е ширење на странските пазари

“Туш” на словенечкиот пазар постои од 1990 година. Компанијата е во стопроцентна сопственост на Мирко Туш, по кого и маркетите го добија своето име. Во “Туш” во Словенија работат преку 2.430 лица. На словенечкиот пазар “Туш” има супермаркети на 70 локации, каде се нудат сопствени производи на компанијата со ознаката “Туш”.  

На словенечкиот пазар оваа компанија држи 18,3%, а според плановите на менаџментот се планира до 2007 година пазарниот удел да се зголеми на 25%.

Од компанијата велат дека успешното дочекување на европската конк*ренција , при влезот на Словенија во Европската унија минатата година е само уште еден доказ за успешното работење на компанијата.

По влезот на европскиот Пазар, за “Туш” интерналионлизацијата на бизнисот стана приоритет. Ширењето на странските пазари произлегува и од одличните финансиски резултати што компанијата ги оствари на словенечкиот пазар. Минатата година добивката на “Туш” изнесуваше 15,7 милиони евра што е за 2,6% повеќе во однос на претходната година. Вкупните приходи на компанијата минатата година изнесуваа 374,2 милиони евра што е за 35% повеќе во однос на 2003 година. Во 2005 година компанијата планира да инверстира  околу 64,6 милиони евра.

(М.М)

http://www.kapital.com.mk/DesktopDefault.aspx?tabindex=0&tabid=65&EditionID=470&ArticleID=9759