1. Ми доцни

Аларми на сите страни. Оваа реченица испраќа порака до него: „Твојот живот е готов“, не си слободен човек“. На ред се девет месеци хормони и барања.

2. Не ми е ништо

Оваа реченица звучи толку лажно во вашата уста, што мажите буквално полудуваат. Немојте да се трудите да разбере што погрешил, бидејќи ќе се разочарате колку слабо ве разбира.

3. Тоа е само обичен натпревар

Општо ни се познати следниве асоцијации, маж и спорт, и жена и шопинг. Очигледно ниту мажите можат да ја разберат женската потреба за купување, ниту пак жените можат да ја разберат нивната поврзаност со спортот. За нив натпреварот никогаш не е "обичен". Нив тој им влијае на расположението. Мажите знаат дека емотивната поврзаност со нивниот омилен тим и резултатите што тој ги постигнува немаат многу логика. Но, тие на тоа гледаат како на дел од својот живот.

4. Сè е во ред

На сите ви е позната следната ситуација: Жената не зборува, но на нејзиното лице пишува дека нешто не е во ред и таа чека тоа да ја прашате. И таман кога ќе се осудите,  ќе ви одговори со "сè е во ред". Мажите немаат ништо против тоа жените да им се пожалат ако нешто ги мачи. Тие се против женската манипулација и молчење, кога многу често се оставени да погодуваат што ги мачи. Кога би се прашувале тие, жената никогаш не треба да го остави мажот да погодува што и е. Не за друго, неговите одговори никогаш не би и се допаднале, а покрај тоа нема да бидат ниту блиску до проблемот.

5. Звучам како мајка ми

Мажите потсвесно се преплашени од фактот дека еден ден вие навистина би станале како вашата мајка. Нив тоа дури не им е ни смешно. Всушност, мажите не веруваат во старата изрека дека "секоја жена станува како својата мајка". Ако верувале во таа изрека, ретко кој маж би се оженил.

6. Сакам да бидеме пријатели

Кога вака ќе им кажете, мажите помислуваат на следново: Не дека таа сака да бидеме пријатели, туку сака да престанам да ја барам. Всушност, мажите на оваа реченица не гледаат како на дефинитивно одбивање. Затоа и не ја сакаат, затоа што ги залажува дека сè уште имаат шанса кај таа девојка. Кога би се прашувале тие, подобро да им кажете јасно дека не сакате ништо со нив и да ја завршите агонијата.

7. Големината не е важна

Никогаш жената нема да го убеди мажот дека е така. Напротив, подобро никогаш да не ја кажува оваа реченица. Мажите се свесни дека е важна, и се трудат на секој можен начин да го надоместат тоа.

8. Што си се облекол така?

Мажите не го поднесуваат модниот критицизам на жените, посебно ако изговорената критика има циничен призвук. Тие го облекуваат она што е чисто и во кое се чувствуваат удобно. Ако веќе сакате да давате сугестија, направете го тоа на пофин начин и ќе ве послушаат.

9. Мислиш ли дека е убава?

Океј, ваквото прашање од далеку се гледа дека е трик прашање. Ниеден маж на планетава не е сигурен што треба да одговори на тоа. Мажите многу често помислуваат дека жената за која го прашувате е убава, ама не знаат како најбезболно да ви го соопштат тоа. Вистината е дека меркањето други жени им е во ДНК-та, но тоа не значи дека не мислат на вас. Тие кога се со вас се водат по паролата, "кога убава жена ќе помине крај тебе, најдобро да се правиш дека ништо не си видел".

10. Во која облека изгледам поубаво?

Можете да извадите два фустани и да го прашате кој ви стои подобро, но верувајте дека мажите нема никогаш да ви кажат што искрено мислат, туку ќе се обидат да погодат што мислите вие. Работата се состои во тоа што и во двата фустани за нив ќе изгледате исто, то ест, сè додека не сте како од мајка родена пред нив, тие не се способни да забележат разлика.
 
11. Баш е слатко

Жените никако да научат колку мажите го мразат зборот "слатко". Тие ниту го употребуваат, ниту сакаат да го слушаат, а најмалку пак сакаат да се најдат во иста реченица со него. Ако пред излегување на маж му речете дека изгледа "слатко", 100 % се шансите дека веднаш ќе се пресоблече. Мажите се посилниот пол, и тие самите се доживуваат така. Така што немаат никава потреба да бидат "слатки", туку силни.

12. Мораме да разговараме

Штом овие зборови ги изговори жена, машкиот мозок веднаш се исклучува. Тие ќе направат сè што е можно, за да го избегнaт разговорот кој започнува со "мораме да разговарамe". Според нив, таквиот старт на разгoворот навестува нешто непријатно и подобро за вас да му обезбедите удобна позиција, ако сакате да му кажете сè што ви лежи на душа.