Проблемот со македонците од Егејска Македонија

Извештај, кој извештај?

 

"Грција го отфрли извештајот на ООН и тврди дека ги почитува правата на малцинствата. За грчките власти е неприфатлив извештајот на експертот на ООН, Геј Мекдугал, во кој таа ја повика Грција да не го спори македонското или турското малцинство, туку да го заштити. Грција најави дека ќе го соопшти својот детален одговор на извештајот на дискусијата за овој документ што ќе се одржи во Советот за човекови права на 10 март во Женева. Јоргос Кумуцакос, портпарол на грчкото МНР, рече дека секој грчки граѓанин има неотуѓиво право на самоопределување, додека државната активна грижа за зајакнувањето и заштитата на човекови права е континуирана и ефективна. - Нашите позиции се кристално јасни и се засноваат врз апсолутно почитување на човековите права, принцип што се однесува на малцинствата и претставува достигнување на модерната грчка република - изјави Кумуцакос. Грчкиот весник „То вима“ пишува дека извештајот уште повеќе ќе ги отежни односите со Скопје, со оглед на тоа што премиерот Груевски го вклучил прашањето за признавање на македонскиот идентитет и јазик во преговорите за името. Според „Та неа“, извештајот е обид да се посочи постоење македонско малцинство во Грција. „Во извештајот на ООН состојбата на муслиманското малцинство во Тракија се опишува со црна боја. Што се однесува, пак, до самонаречените Македонци, извештајот посочува дека власта не признава постоење македонско етничко малцинство кое живее во централна и во западна Македонија“ - пишува весникот. Премиерот Никола Груевски го оцени извештајот на ОН како очекуван и дека содржи факти што и претходно биле познати. - Според мене, воопшто не е изненадување. Можеби за некој друг е изненадување, но за мене тоа е нешто што сите во Македонија го знаеме и добро е што доби меѓународна потврда. Тоа е еден вид сатисфакција за нас, зошто имаше негирање од другата страна - нагласи Груевски. Припадниците на македонското малцинство во Грција велат дека извештајот е реална слика за состојбата со правата на сите малцинства, која грчките власти веќе не можат да ја прикриваат. - По таков извештај, Грција треба да се замисли за тоа каква е нивната политика кон малцинствата. Веќе не е можно да се прикрива „сонцето“. Ова е плод на нашата континуирана активност и сатисфакција дека нашата борба не е залудна - вели Павле Васкопулус од Виножито. Домашните експерти го толкуваат извештајот на ОН како силен удар врз политиката на грчките власти кон припадниците на различните малцински групи. - Основен проблем со сите декларации на ОН, па и со овој извештај, е тоа што, иако имаат политичка тежина, не се формално правно обврзувачки за членките на Обединетите нации. Ова секако е добар импулс за да почне да се менува политиката на Грција кон македонското и кон турското малцинство - вели професор Владимир Ортаковски."

 

 

Ama sigurno i zborot "pochituva" ne e od "Grchko poteklo", zatoa!?