Мобилни телефони

Следниот пат кога нема да можете навечер да заспиете и кога ќе размислувате за списокот за купување, утрешните состаноци и дали сте заклучиле врата, решението би можело да биде едноставно - отстранете го мобилниот од спалната соба. Осум од 10 корисници спијат со мобилниот крај себе, а половина од нив го користат како аларм, покажало последното истражување, јавува Graphic.com.

Експертите се загрижени поради влијанието кое тоа го има над луѓето, близината на мобилните телефони не прави супер-чувствителни па веројатно е нашиот сон да биде пореметен. Сето тоа може да предизвика и несоница и други проблеми околу спиењето. Поголем број луѓе ќе спијат подобро доколку во спалната соба не чуваат мобилен телефон и други уреди, вели Др. Гај Медоус, специјалист за несоница од Лондон. Тој својот мобилен за време на ноќта го остава во кујната.


Покрај несоницата, некои тврдат дека спиењето покрај мобилниот може да предизвика и вртоглавица и главоболка.

Главниот проблем со мобилните телефони, според Др. Чарлс Зејслер од Харвард, е нивното силно неприродно светло кое влијае над организмот лажејќи го дека е ден. Светлото ги стимулира клетките во мрежницата, подрачјето од страничниот дел околу окото кое праќа пораки до мозокот. Клетките чувствителни на светлина му даваат информации на нашето тело за времето во денот, објаснува Др. Медоус.