ПРЕГОВОРИ ЗА ИМЕТО - 1

so koj be toa,..pa ti ,..tikvi si sadel?

Извинето и тука нека се заврши со офтопици.
Сите понатамошни ќе бидат бришани.


Дискутирајте на тема: Преговори за името

I dodeka nie maka macime, bogatite so nas si pravat prvoaprilski shegi
Саркози од Гевгелија

Sami si napravivme cel svet da si igra majtap so nas , ni malce svoe jas nemame

91-91 na golem broj protesti niz Evropa , Belgija , Germanija , Kopenhagen protestiravme za samostalna drzava , za nashi prava .Gordo i samo uvereno deka nie zasluzvame svoja drzava .
15 godini podocna imame stav deka e ne vazno kako se vikame samo da vlezime vo EU , imame politicari koj ne znat na prav pat da odat , i od niv ima samo klimanje so glavi i da da ajde uste malce ne nie dovolno..
Mi falat protesot Pela koj bese lani april koga cel narod izleze i rece NE - nas nie dovolno, pola od tie luge sega imat smeneto stav , ajde mala promena na ime i identitet ne e tolku vazno , vazno e da vlezime vo EU i NATO ....

Biolica напиша: 91-91 na golem broj protesti niz Evropa , Belgija , Germanija , Kopenhagen protestiravme za samostalna drzava , za nashi prava .Gordo i samo uvereno deka nie zasluzvame svoja drzava . 15 godini podocna imame stav deka e ne vazno kako se vikame samo da vlezime vo EU , imame politicari koj ne znat na prav pat da odat , i od niv ima samo klimanje so glavi i da da ajde uste malce ne nie dovolno.. Mi falat protesot Pela koj bese lani april koga cel narod izleze i rece NE - nas nie dovolno, pola od tie luge sega imat smeneto stav , ajde mala promena na ime i identitet ne e tolku vazno , vazno e da vlezime vo EU i NATO ....

Пресудна битка за придавките

Битката за придавките како ознака на идентитетот Грција веќе ја бие со сите расположиви средства. Најсвеж пример за тоа се огорчените настојувања во дебатата во Европскиот парламент по повод Извештајот за Македонија да се бришат сите придавки. Од аспект на придавките, со сегашниот нивни предлог за географска одредница во името - Република Северна или Горна Македонија - државјаните на земјава би биле „северномакедонци“, државјанството „северномакедонско“, јазикот „северномакедонски“ итн. Значи, клучното прашање е идентитетот, поточно, неговото меѓународно манифестирање. Тоа е алфа и омега на нивниот пристап, а начинот да се негира идентитетот е да се промени името со додавање придавка што ќе стане дефинитивен составен дел на идентитетот. Само во овие релации го гледам заемниот однос на името, референцата, идентитетот.

Попрецизно, каква е релацијата име/придавка? Придавката произлегува од именката, т.е. во овој случај, од името на земјата. Повторувам, придавките македонски (граѓанин), македонско (државјанство), македонски (јазик), македонско (општество, стопанство итн.) се врзани т.е. произлегуваат од името на земјата. Затоа за нас е многу битно овие придавки, кои сега недостасуваат, конечно да ги внесеме во личната карта на Македонија во ОН. Како појаснување, секоја земја во ОН има лична карта, која се состои од четири елементи: долго т.е. официјално име, кратко т.е. техничко име, придавка за јазик и придавка за народ. Ова е битно и заради фактот што овие придавки/ознаки, по автоматизам, ги преземаат и ги внесуваат во официјално користење и Советот на Европа и ЕУ.

Малку се зборува за еден друг аспект на прашањето за името, а тоа е таканареченото долго или официјално име и кратко или техничко име под кое се заведени земјите во списокот, адресарот на ОН. Кај нас ова прашање е во сенка на „главната дебата“ за името. За нас, како Република Македонија, овој аспект на прашањето за името е исто толку важен колку и користењето на референцата. Долгото име на Германија е Сојузна Република Германија, а краткото - Германија. Идентично, Руската Федерација - Русија, Француската Република - Франција. Уставното име на поранешна Југославија се менуваше неколку пати по Втората светска војна, но краткото име секогаш остануваше - Југославија.

Какви би биле пораките од оваа практика за Македонија? Со приемот на земјата во ОН во 1993 година под референцата поранешна југословенска Република Македонија, наместо под уставното име, создадена е ситуација во која референцата во меѓународната комуникација всушност фигурира како еквивалент на долго име. Македонија, засега, е единствена земја во ОН што нема кратко име.

Нагласувам, битката за краткото име што би морале да ја избориме е исто толку важна, бидејќи токму со него земјите се претставени во сите меѓународни организации. Опасноста од географската додавка на нашето име, на што жестоко инсистира Грција, е во тоа што придавката лесно се лепи за името на земјата и на тој начин се наметнува како решение и за придавките, македонски/македонско. Згора на тоа, краткото име полесно прозвучува и влијае врз формирањето на перцепцијата за земјата кај обичните луѓе, особено во меѓународните рамки. Да ги земеме за пример големите меѓународни спортски и културни манифестации - Олимписките игри, светските и европските првенства, регионалните натпревари, Евровизија и слично, на кои земјите се претставени со нивните кратки имиња.

Колку за појаснување, акронимот ПЈРМ во овој контекст нема никаква врска со краткото име. Иако е тоа несоодветен, би го нарекол, „нелегален акроним“ што го наметнува Грција, на прв поглед за да навреди и омаловажи, се работи за добро смислено подметнување со кое настојува на мала врата да го заобиколи зборот Македонија и да го наметне во јавната комуникација како еден вид колоквијално име. Тоа е само еден политичко-психолошки „ќор-фишек“, бидејќи и самите знаат дека обидите за користење на правно непостојниот акроним се однапред осудени на неуспех. Во овој поглед тие, иако ги знаат добро меѓународните норми, сепак, често се обидуваат според логиката, пробај, можеби ќе успееш, да наметнат такво означување на разни меѓународни собири.

Многу е важно колку ние како претставници на разни меѓународни собири сме вешти и добро подготвени да реагираме на ваквите провокации. За жал, често се случува наши претставници од разни области, поради неинформираност, лоши подготовки дома, неукост или недоволна координираност со МНР. Во вакви околности наједноставно е да се побара од организаторот да се користи референцата во целосен назив или во форма на ПЈР Македонија, а не акронимот ПЈРМ.

Овие аспекти на прашањето за името се од посебна важност и укажуваат на можните опасности од несоодветно решение на спорот со името врз идентитетот на земјава во меѓународен контекст.

Повеќе од очигледно е дека, според потезите на грчката надворешна политика во последниве 18 години, оспорувањето на официјалното име на Република Македонија е само преттекст за пошироко негирање на македонскиот идентитет, вклучувајќи го и прашањето на македонското национално малцинство во Грција.

Владимир Петковски
Авторот е универзитетски професор и поранешен амбасадор