Зш женските ги изневеруваат верните машки

 

Аферите во некои случаи ги оживуваат „легалните“ врски, им ги отвораат очите на партнерите и тие сфаќаат што имаат. Истовремено тие се показател дека во врската нешто не функционира, па коректно е да му објасните на партнерот, но и себеси, што всушност ве мачи. Оние што имаат желудник за вакви нешта, совеста веројатно нема да ги мачи. Сами проценете дали сте еден од нив или, сепак, сте меѓу ретките верни примероци што сериозно го сфатиле заветот „во добро и зло“.

Постојат многу причини и изговори што ги користат прељубниците како оправдување за својата авантура.

 

АФЕРА „ПРОСВЕТЛУВАЊЕ“

Изговорот „имам афера за појасно да ја согледам сопствената врска“ звучи себично, но многумина се впуштаат во прељубничка врска токму за да проверат дали со друг партнер би им било подобро и дали новата личност може да им ги реши проблемите на повеќе полиња. Нешто како обид за промена на кармата. Истовремено, таквата афера фрла ново светло врз постојната врска. Ако сте посреќни со новата личност и се чувствувате ослободено, јасно е дека крајот на вашата официјална врска е неминовен. Доколку пак ги согледате сите добри страни на партнерот, почнува многу да ви недостига и ве мачи грижа на совест, значи дека прељубата ги исполнила целите - сигурни сте дека го сакате.

АФЕРА „ЗАЧИН ЗА ЗДОДЕВНИОТ БРАК“

Ова е класично сценарио за многу вонбрачни излети. Имате љубовник/љубовница и одеднаш добивате нов елан, односот со партнерот ви е извонреден, но на друг фронт ги задоволувате сексуалните нагони. Не дека сексот во бракот е толку лош, но имате потреба од откривање нови територии. Никако не сакате да го оставите партнерот и на хартија, но внимавајте, газите на многу лизгав терен. Доколку ја открие вашата прељуба, следуваат две сценарија. Според првото, добивате црвен картон и крај на приказната. Во второто, пак, партнерот е вознемирен, очаен и лут, но сепак успева да ви прости и да премине преку неверството. Со заеднички сили може да ги надминете проблемите и по некое време да профункционира и креветот. Но доколку и двајцата не преземете конкретни чекори, простувањето може само да значи одложување на крајот. Сами проценете што ставате на коцка.

АФЕРА „СЕБЕДОКАЖУВАЊЕ“

Бракот ви е на работ на депресија. С? е монотоно, а пријатната сигурност се претворила во рутина што ве убива. Ако се најдете во ваков вид афера, веројатно ќе чувствувате страшна грижа на совест зашто го изневерувате партнерот, кој всушност е добар. Истовремено ќе се чувствувате како преродени и ќе се уверувате себеси дека сте заслужиле малку забранети страсти. Сепак, внимавајте да не заглавите премногу. Сите бракови доаѓаат во криза. Дајте му уште една шанса на вашиот.

АФЕРА „НЕИЗЖИВЕАНОСТ“

Сфативте дека во минатото не сте испробале с? што сте сакале. Имавте премалку партнери и мислите дека сте пропуштиле многу забавни нешта. И мажите и жените се впуштаат во ваков вид афера за да откријат дали пропуштиле нешто лудо. Сакате да видите како е во врска со многу помлад или постар партнер, со припадник на друга раса, со уметник или бизнисмен, сеедно, само да е чиста спротивност на вашиот партнер. Во ред, го пробавте и тоа. Вратете му се на вашиот живот пред да направите непоправлива штета.

АФЕРА „СЛУЧАЈНОСТ“

Луѓето понекогаш се слаби и поводливи, а аферите толку привлечни. Сосема случајно и непланирано завршувате со партнер што не е вашиот и потоа се прашувате „Зошто ми треба ова, што правам, каква личност сум јас? Зошто ја ризикувам мојата врска?”. Очигледно не сте за вонбрачни излети и ви требало еден за да го сфатите тоа. Вратете и се на саканата личност. Доколку, сепак, се појават и емоции во случајната афера, која не знаете ни зошто сте ја почнале, постои и можност добро заглавите и да се изнамачите барајќи го излезот, најдобар и најбезболен за сите актери во приказната.

АФЕРА „ПАНИКА“

Способноста за сексуални акробации се намалува со текот на годините. Мажите имаат проблеми со ерекцијата, а жените со сувоста на вагината. Многумина мислат дека на нивниот сексуален живот му се ближи крајот. Има и периоди во животот кога луѓето се прашуваат дали направиле грешка при изборот на партнер. Ги интересира дали с? уште се атрактивни, добри љубовници. Спасот за заспаното либидо го гледаат единствено во прељубата со партнер што ќе им ги разбуди животинските инстинкти. Ова најчесто пали, но грижата на совест по почетниот занес е она со што ќе треба да живеете до крајот на животот.

АФЕРА „ОДМАЗДА“

Откривте дека партнерот ве изневерил, сакате да му вратите со иста мера и поради тоа спиете со колега од работа. Не е убаво, но и тоа се случува. Внимавајте само да не се занесете во новата врска, па да почнете да мислите дека со љубовникот ви е подобро отколку со партнерот. Ако сте се впуштиле во афера само за да му се одмаздите на партнерот, направете го тоа и потоа обидете се да се вратите и да ги испеглате проблемите. Секако, постои и опцијата секој со новиот љубовник да тргне во сосема нов правец.

-------------------------------------------------------------------------------