Животни - општа дискусија

Кое е најомиленото животно во светот?

Најновата анкета на Анимал Планет покажува дека токму тигарот е изгласан за најомиленото животно во светот. Во анкетата биле бклучени повеќе од 55000 испитаници од 73 земји во светот. Тигрите со 21% од вкупните гласови успеале да издвојат тесна победа бидејќи веднаш позади нив биле кучињата со 20%. Во продолжение следи табелата на најомилените животни на светот:

1. Тигри

2. Кучиња

3. Делфини

4. Коњи

5. Лавови

6. Змии

7. Слонови

8. Шимпанза

9. Орангутани

10. Китови

Името тигар потекнува од нивната брзина. Зборот „тигар“ доаѓа од грчкиот збор „тигрис“ кој многу веројатно е персиски збор што во превод значи „стрела“ која доаѓа од реката „тигар“.
Единствен голем остров денеска населен со тигри е Суматра, овие животни низ вековите полека изумреле од островите Јава, Бали и Борнео. Нив денеска ги има во јужна Азија, источна Русија, Индија, Суматра и некои помали места во Кина. Тигарот живее самотно и лови ноќе, а омилен плен му се цицачите кои се со средна големина како на пример елените.Останата храна им е водното бафало, дивата свиња, дамчестиот елен,лос, сибирски елен, бизони, зајaци, мајмуни, пауни, риби итн. Главна карактеристика за тигрите е што можат да достигнат висина при нивниот скок до 10 метри.Живеат околу 11 години во дивина и 8 години во заробеништво.

БЕНГАЛСКИ ТИГАР - неговото второ име е Кралски Бенгалски тигар,живее во делови од Индија, Бангладеш, Непал, Бутан и Бурма. Како негови живеалишта може да се сретнат пасишта, тропски дождовни и субтропски шуми и влажни и суви шуми со листопадни дрвја и мангрови. Мажјаците обично тежат 205 - 227 килограми а пак женките околу 141 килограм. Но сепак Бенгалските северноиндиски и непалски се поголеми од останатите,тие живеат на индискиот подконтинент а просечна тежина на мажите изнесува 235 килограми.

ИНДОКИНЕСКИ ТИГАР - попознат како Корбетов тигар,него го среќаваме во Кина, Камбоџа, Лаос, Бурма, Тајланд и Виетман. Индокинескиот тигар е помал од Бенгалскиот и со потемно крзно. Мажјаците тежат 150 - 190 килограми, женките нормално како помали тежат 110 - 140 килограми. Омилено место за живеење му е шумите во ридско - планинските региони. Овие тигри се подложени на голем ризик од ловокрадците. Во Виетман скоро три четвртини од убиените тигри служат за снабдување на кинеските аптеки.

МАЛАЈСКИ ТИГАР - карактеристично за овој подвид е што живее единствено на Малајскиот полуостров. Дури во 2004 -година овој посебен подвид е признаен. Малајскиот тигар е третиот по популација во светот според најновите истражувања веднаш зад Бенгалскиот и Индокинескиот тигар со 600 - 800 индивидуи во дивината . Овој тигар е најмал до сите подвидови кои живеат на копното, мажјаците тежат во просек околу 120 килограми а женките 100 килограми. Истоимениот тигар може да се пофали со тоа што е на грбот на малезиското знаме а истовремено како нивен национален

СУМАТРАНСКИ ТИГАР - овој подвид е критично загрозен кој исклучиво живее на индонезискиот остров Суматра. Овој тигар може да се пофали што е најмалиот од сите живи подвидови на тигри. Мажјаците тежат околу 100 - 140 килограми,а пак женките 75 - 110 килограми. Нивната мала големина се должи на адаптацијата на густата вегетација која е присутна на Суматра исто така како и на лов на помали животни. Нивната популација во дивината се проценува 400 - 500 индивидуи кои претежно живеат во нацијоналните паркови. Овој подвид има шанси да се развие во единствен посебен вид на тигри доколку не изумре, ова го покажуваат најновите генетски истражувања кој откриле присуство на уникатни генетски маркери. Поради ова треба заштитата на Суматранскиот тигар да биде приоритет за биолозите.

СИБИРСКИ ТИГАР - овој подвид е познат и како Амурски, Манчуриски, Кореански или Севернокинески,живее меѓу реките Амур и Усари во Приморскиот регион на Хабаровскиот крај во источен Сибир. Сибирскиот тигар може да се пофали со тоа што се смета за најголем подвид. Должината на главата и телото е 190 - 230 сантиметри (опашката негова е долга 60 - 110 сантиметри), а просечна тежина е 227 килограми за мажјаците. Нивна карактеристика е густото крзно кое е во бледо златна нијанса и помал број на пруги. Најтешкиот тигар од овој подвид а и воопшто во светот е 384 килограми.

ЈУЖНОКИНЕСКИ ТИГАР - овој подвид е најкритично загрозениот и спаѓа меѓу 10-те најзагрозени видови на животни во светот и е еден од најмалите подвидови. Должината му достигнува меѓу 2,2 - 2,6 метри.Мажјаците тежат 127 - 177 килограми, додека пак женките 100 - 118 килограми. Денес постојат само 59 тигри од овој вид кои се во заробеништво во Кина, тоа е зашто не постои доволно генетски диверзитет за да се одржи подвидот. Денеска се прават огромни напори за да се размножи овој вид и да се врати во дивината.