Каде ќе патувате ова лето?

Грција изби на прво место како дестинација која ова лето ќе биде најпосетена од македонските туристи. По неа се Турција и Хрватска.

„Месец јуни е скоро цел продаден за Грција дефинитивно најмногу годинава, за разлика од минатата, Грција најмногу. Турција исто така има интерес, Хрватска и Црна Гора, меѓутоа Грција и Турција најмногу“, рече Јасмина Чоневска, туристичка агенција „Игуана“.

И додека Македонците ќе плаќаат за море и песок, за Европејците тренд е алтернативниот туризам.

Иако Македонија изобилува со специфични локации, на терен недостасува логистиката за агресивен развој на оваа форма на туризам.

„Сметаме дека инвестицијата е најбитна работа во Македонија затоа што со тоа целото стопанството ќе се размрда. Во ИПАРД фондовите за инвестиции во руралниот туризам се некаде три до четири милиони евра“, изјави Миодраг Атансиевски, Самостојна туристичка комора.

Лани од туризмот во Македонија се слеале 167 милиони евра.