МУЗИЧКИ ВЕСТИ

 

Една од најуспешните женски поп-пејачки Ени Ленокс наскоро ќе го објави својот прв ретроспективен албум, кој ќе биде преглед на нејзината соло-кариерата. Во оваа исклучителна година за нејзината кариера, Ленокс ја доби наградата за специјални достигнувања во музиката на „Американ мјузик авордс“, која обично им се доделува на највлијателните артисти во музичката индустрија. Големината на ова признание може да се разбере со само еден поглед на листата со музичките имиња што претходно ја добиле оваа награда - Принс, Витни Хјустон, Френк Синатра, Џејмс Браун, Стиви Вондер, Џони Кеш, Пол Макартни, Елвис Присли и Глорија Естефан. Во таа пригода таа изјави:

- Ова беше извонредна турнеја исполнета со музика, пријатели... Голем удел во сето тоа има и Дејв Стјуарт од „Јуритмикс“, така што половина од оваа награда му ја посветувам нему. Многу сум благодарна што сега на 53-годишна возраст добивам значајна награда, зашто не очекував дека ќе го дочекам овој ден.

СЕЛЕКЦИЈА НА НАЈДОБРИТЕ НУМЕРИ

Освртот на музиката што таа ја создаде во последните 15 години е замислен како специјална колекција што ќе биде издадена во февруари в година, како делукс формат. Во колекцијата се хитовите од нејзините четири најпродавани албуми: Diva (1992), Medusa (1995), Bare (2003) и минатогодишните хитови од Songs of Mass Destruction. Безвременската музика одбрана за ова пакетче на уникатен начин ја одразува суштината на соул-музиката на пејачката, е претставена преку песните Why, Walking on Broken Glass и No More I Love You’s. Во овој живописен портрет на соло-кариерата ќе има и две нови песни што Ленокс ги сними специјално за ова пригода. Првата Pattern of My Life, е дело на Том Чаплин од бендот „Кин“. Втората е обработка на Shining Light, песна што оригинално беше снимена од Еш во 2001 година.  Првпат ја слушнав оваа песна од Еш пред шест години и едноставно не можев да престанам да ја вртам. Толку беше весела, што виртуелно ме помести од мојот центар.

ХИМНА ЗА БОРБА ПРОТИВ СИДАТА

Во колекцијата на Ленокс ќе биде е и песната посветена на кампањата на хуманитарната организација што таа ја формира за да ја подигне свесноста и поддршката за болните од сида во Африка.

- Мојата хуманитарна работа е на самиот почеток, но се надевам дека ќе се претвори во мое животно залагање. Со неа сакам да се изразам во пошироки рамки и со помош на песната да им помогнам на оние кои немаат исти права и на кои им е потребна поддршка во секоја смисла. Неодамна ја доби наградата за хуманост од Црвениот крст и признанието за заштита на младите од ХИВ-вирусот. Магазинот „Гламур“ ја прогласи за најинспиративна жена за 2008, а таа пееше и на 90-тиот роденден на Нелсон Мандела ова лето во Лондон. Во нејзината 26-годишна кариера, која го опфаќа периодот кога беше дел од „Јуритмикс“ и подоцна кога реши да настапува соло, Ленокс има продадено повеќе од 78 милиони албуми во светски рамки. На долгата листа со нејзини врвни достигнувања се 34 хита, четири награди „Греми“, 11 награди „Брит“ и пет признанија „Ајвор новело“. Таа е добитничка и на „Оскар“ и на „Златен глобус“.

 

 

 

Иако поп-пејачот , не се снајде баш најдобро како гостин на скопскиот концерт на „Леб и сол“, сепак ќе има можност да ја исправи таа грешка. Тој ја продолжува соработката со групата и веќе е најавено дека ќе биде гостин на наредните три концерти на култниот македонски состав кои ќе се случуваат на територијата од поранешна Југославија. Јаневски ќе биде гостин на концертот во Крагуевац, кој ќе се одржи утревечер, потоа во Нови Сад и Ново Место, а загрепската публика ќе го види в сабота на 20 декември. Доколку ова помине добро, можно е Владо да оди и на турнејата низ Австралија, Канада и Америка.

- “Владо Јаневски дефинитивно ќе биде гостин на „Леб и сол“ на претстојните концерти во некогашните југословенски републики. Но се уште не е потврдено дали тој ќе патува со нас во Австралија, Канада и Америка. Тоа се само идеи, но ништо не дефинирано“

На претстојните четири концерти Владо Јаневски ќе ја пее истата песна што ја пееше и во Скопје, „Си заљубив едно моме“, која на албумот „И така натака“ ја отпеа Дадо Топиќ. Но покрај оваа тема Јаневски најверојатно ќе испее и една од својот репертоар. Тоа ќе биде интересна комбинација имајќи предвид дека начинот на свирење на „Леб и сол“ ќе даде дополнителна возбуда.

По турнејата со „Леб и сол“, Владо Јаневски, ќе има три предновогодишни солистички настапи во Битола, Струмица и Охрид, каде ќе биде придружуван од гудачкиот квартет „Еквилибрум“.