МАКЕДОНИЈА во НАТО: кога, како, зошто...?

Вооружени и униформирани лица крстарат во реонот на селото Шипковица

Киднапирани работници на ЕСМ

Пет работници на ЕСМ-ЕВН биле киднапирани од вооружена и униформирана група, завчера во реонот на  селото Шипковица. Во МВР бил пријавен инцидентот, но дури вчера попладнето, па немаа детали за случајот. Полицијата тврди дека состојбата во реонот е стабилна и безбедна.Според Ленче Карпузовска, портпаролка на ЕСМ, работниците биле на редовна контрола во селата Вејце, Бродец и Вешала, кои се на неколку километри од Шипковица. Работниците ги пресретнале дваесетина вооружени лица, облечени во црни униформи без ознаки. Им го препречиле патот и им побарале документи. Откако ги легитимирале ги задржале. По околу еден час ги пуштиле и им рекле повеќе да не доаѓаат во селата.

Според работниците, вооружената група со три џипа постојано се движела низ селата.

Информацијата за вооружени групи во шарпланинските села ја потврдуваат и жителите, кои велат дека и порано имало слични инциденти со екипи на ЕСМ, но дека не биле попречувани со оружје.

Во Шипковица во 2001 година беше седиштето на главниот штаб на ОНА и на Али Ахмети, кој од селото ги раководеше операциите против македонските безбедносни сили.

...господа со ова се отвара најчитаниот дневен весник во Република Македонија....