Друмска кафана-пушална III

Kako zanm koga da uletam   

емил напиша: Калипсо ,мислата за мразот дека не чини треба да се постира во оваа тема.Овде и е местото

Вотката и мразот ги уништуваат бубрезите. Румот и мразот го уништуваат црниот дроб. Вискито и мразот го уништуваат срцето. Џинот и мразот го уништуваат мозокот. Кока колата и мразот ги уништуваат забите. Евидентно е: Мразот е смртоносен!!!

Од вечерва само без мраз

Наздравје
Само извади тоа мразот

laki_bu напиша:

 

Каков пијалак, таков фраер

Дали сте опуштен пивопиец или сакате да импресионирате со мартини? Или, пак, мислите дека ќе оставите силен впечаток ако нарачате скапо виски без мраз?
Она што ќе го нарачате на прв состанок со девојка, може, дефинитивно, да прати сигнал дали сте или не сте оној за кој се претставувате, но и да создаде погрешен впечаток за вас кај девојките што сурфале на Интернет и прочитале купишта податоци за тоа каков човек каква пијачка пие. Направени се повеќе истражувања, чии резултати во многу нешта биле слични, па дури и се поклопувале. Врз основа на тие истражувања, направена е листа со пијалаци и толкување на карактерот според тоа каков пијалак ќе нарачате. Се разбира, листата има и генерализации, но во секој стереотип има и вистина.
Толкувањето првенствено се однесува на мажите, но за некои пијалаци важи и за жени.

Мартини - сакате да импресионирате

Ако нарачате мартини, се обидувате да импресионирате (а тоа, најверојатно, и ви функционира). Дефинитивно сакате да бидете Џејмс Бонд. Ако сте девојка што пие т.н. мрсно мартини, вие сте хаварија: валкана, хаотична и жешка.

Вотка - никако сечена

Вотка/боровинка - кога сте во дилема, зборувате за она од што сте се пијанеле додека сте биле студент.
Вотка со мраз - премногу сте сконцентрирани за да си нарачате мартини.
Вотка/сок од лимета - многу девојки за момчињата што нарачале ваков пијалак си помислиле дека се шутраци кои мислат дека се кул на некој начин.

Виски (чисто) - ќе има жешка вечер

Дефинитивно сте жешки. Ова не важи само за мажите туку и за девојките на првиот состанок. Ако и двајцата нарачате виски, чисто и без мраз, тогаш ќе имате жешка вечер.

Старомодно виски - старомоден љубовник

Момчето што нарачува старомодно виски (виски/сода/портокал/вишна), дефинитивно е зависник од серии од типот на "Мед мен", а девојка со старомодно виски на прв состанок посакува да се секса со Дон Дрејпер од истата серија.

Пиво (светло, лесно) - опуштен како по дома

Комотен сте, опуштен и се чувствувате како дома во спортски бар. Понекогаш и девојките пијат пиво на првиот состанок. Девојка со пиво на првиот состанок значи дека знае како да се дружи со момчиња.

Пиво во коктел-бар - самоуверен љубовџија

Нарачувањето пиво во локал специјализиран за сосема поразлични пијалаци може да значи само две работи - или сте пресигурни во вашата машкост или не сте авантурист. Па сега девојката нека се потруди да дознае што од овие две работи е ваша карактеристика. Ако сака само авантура, подобро нека се откаже веднаш.

Бело вино - не сте маж

Тој што ќе нарача бело вино на прв состанок, освен ако не е со вечера, е жена, покажало истражувањето. Бело вино на прв состанок им е дозволено само на жените, а оние жени што го прават тоа се малку престегнати.

Пенливо вино - потрага по забава

Со нарачувањето ваков пијалак, покажувате дека сте престегнати и неопуштени, но, дефинитивно, сте решени да тргнете во потрага по забава.

Јагер (ликер од треви) - пишман аџија

Ако нарачате ваков ликер од тревки, партнерката може да помисли дека сте се пишманиле што сте излегле со неа и оти во моментот размислувате дека би било подобро да сте со вашите другари, место со неа на состанок.

Текила - или брзо во кревет или бегство

Нарачаната текила открива дека сте загреани за што покусо дружење надвор и за брзо одење во кревет. Но ако не ви се допадне девојката, а вие со некаков гест сте $ го покажале тоа, нарачувањето текила значи дека сакате што побрзо да се извлечете од ситуацијата.

Маргарита со мраз - гарант за луда забава

Можеби многу девојки ќе се изненадат ако нарачате маргарита со мраз, но непишаното правило вели дека со тоа, и не знаејќи, сте покажале дека сте цврсто решени таа вечер лудо да се забавувате, па дури и да завршите во кревет, без оглед на тоа дали утре пак ќе се видите.

Кампари (и слични пијалаци) - душите со интернационализми

Мажот што на првиот состанок пие кампари, дефинитивно, е поп-тип. Ако нарачате некој таков пијалак, тогаш девојката може да си помисли дека сте еден од оние што сакаат наоколу да се расфрлаат со интернационализми, дури и со новокомпонирани како, на пример, миксологија.

Апелтини - самохран богат татко желен за забава

Вотка со ликер или сок од јаболка е пијачка која може да ги исплаши девојките, особено оние што не сакаат да се врзуваат со разведени. Нарачката на апелтини може да значи дека сте татко што ги оставил децата со бебиситерка и излегол да се забавува.

Леден чај лонг ајленд - лекуван алкохоличар

Кога се неподносливи жештини е дозволено, но во секоја друга ситуација нарачувањето леден чај лонг ајленд може да остави многу лош впечаток кај девојката и да ви ја уништи врската уште пред да почне. Со таква нарачка, потенцијалната партнерка може да помисли дека имате проблеми со пиењето, дека сте лекуван алкохоличар или, пак, зависник што се обидува да го скрие тоа од неа пиејќи чај.