Покрај Чашуле како прв човек во редакцијата, и повеќето од останатите новинари се поранешни вработени во затворената А1 телевизија како Горан Петрески, Наташа Стојановска, Мишко Иванов и Кети Гетева.

Во телефонски разговор Коле Чашуле ни ја потврди информацијата за излегувањето на новиот дневен весник. Првиот број се очекува најдоцна до средината на март, а за составот на редакцијата вели дека е мешан, со луѓе од А1, Време, Шпиц, но и други медиуми.

"Зад Ден не стои ниту една политичка партија", дециден беше Чашуле на прашањето за тоа дали се точни шпекулациите дека зад весникот стои СДСМ и дека ќе се профилира како опозициски.

"Ден ќе биде граѓански весник, токму таков каков што недостасува во Македонија.  

Останатите се или лево или десно профилирани, но Ден ќе биде независен граѓански медиум кој ќе ја критикува власта секогаш кога за тоа ќе има потреба", истакна Коле Чашуле.

Во медиумски кругови се говори дека весникот ќе се позиционира како опозициски и како нов критичар на власта, покрај последниот кој се појави на пазарот, дневниот Фокус.