Каде би оделе во моментот?

Белград - град со најдобар ноќен живот

Српската метропола Белград се најде на водечкото место на листата светски градови со најдобра понуда за ноќен живот и забава.На листата што ја изработи најпознатиот светски туристички водич „Lonely Planet“, Белград е ставен на првото место поради богатата понуда на ресторани, барови и клубови во боемскиот кварт „Скадарлија“, заради познатите сплавови на реките Сава и Дунав, но и поради жителите на градот кои знаат да се забавуваат.

Канадскиот град Монтреал се најде на второто место на оваа листа, кој станува се попопуларен за странските туристи поради „Радоста на живеењето“, која се чувствува на секаде во градот.Во Монтреал живее и бројна студентска популација, што му дава посебна динамика на градот, а културната и забавната понуда се секогаш разновидни.

Третото место на листата го зазема Буенос Аирес, поради единствената мешавина на европската и јужноамериканската култура и вродената страст за танцување.

Меѓу првите десет градови на листата на „Lonely Planet“ се најдоа и Дубаи, Солун, Ла Паз, Кејп Таун, Баку, Оукленд и Тел Авив.....................................