Прилеп

СЕВЕРИНА НА ПИВОФЕСТ

Атрактивната интерпретаторка на забавни мелодии од Хрватска, Северина Вучковиќ, ќерка на некогашната музичка дива Зденка Вучковиќ, ќе ги “пали” прилепчани и десетици илјади гости на Пивофестот во Прилеп од 16 до 2о јули во центарот на градот. Дека популарната Севе со “Моја штикла” и со неколку други хит мелодии, како и со приватниот порнографски клип, ќе се качи на сцената во Прилеп потврдија од организацијата. Речиси 90 отсто е сигурно дека Севе доаѓа во Прилеп, покрај  балканските ѕвезди Луис од Белград, и од Загреб, популарната рок група од пред дваесетина години, Електични оргазам.   
          И македонската естрада ќе ги забавува прилепчани. Од народњаците, доаѓаат Гоце Арнаудов и Сузана Гавазова. Од забавната елита: Ван Гог, Тони Зен, Заре Бербер, Серчук оркестар, Фолтин, Ламбе Алабакоски и други. Во четиридневната слава на пивото, празникот ќе го збогатат дискџокеи со претстава од утро до утро на споредната сцена. Музика ќе избираат радио водителите Александар Блажевски, Вера Јанковиќ и Драган Б. Костиќ.
          Се уште не е утврден бројот на пиварниците, но се најавуваат многу повеќе излагачи од претходните години. Зголемен е и интересот на мајсторите за скара.
          Според проценките, поради погодниот термин во средината на јули, на прилепскиот Пивофест ќе “туркаат” пивски кригли над 200 илјади прилепчани и гости.