EURO 2008

Пласманот во полуфиналето на Европското првенство во фудбал предизвика големо славје во Турција со еден загинат, како и немири низ Европа со голем број повредени и уапсени.

Славјето во Истанбул, Анкара и во другите турски градови почна веднаш по драматичната победа на Турција над Хрватска, што за прв пат и донесе пласман меѓу четири најдобри европски репрезентации.

Телевизијата Си-Ен-Ен Турк јави дека едно лице загинало, а други две биле ранети од заскитани к*ршуми во приморскиот град Мерсин.
 
Од огнено оружје се славело и во Анкара. Има ранети, но не е познат нивниот број.

Веднаш по мечот Турција – Хрватска што синоќа се одигра во Виена се случиле немири во навивачките зони, надвор од стадионот. Според извештаите, турски навивачи ги нападнале хрватските, а во инцидентот нема посериозно повредени.

Немири имало и на повеќе други места во Виена, каде големи полициски сили ги раздвојувале двете навивачки групи.

Според локалната полиција, единаесет лица се приведени, а десетина се полесно повредени.

Инциденти од поголеми размери се случиле во Босна и Херцеговина, во местата со бошњачко и хрватско неселение.

Локалните медиуми јавија за повеќе десетици повредени и уапсени во судирите меѓу хулигани и полицијата во Мостар, Столац, Бугојно, Витез, Чапљина и други градови..Славје имало и во сараево, но без инциденти.

Победата на Турција до доцна во ноќта достоинствено се славеше и низ улиците во Скопје.