Најубавите стихови во Библијата

   Колосјани: 2:17
 Тоа е само сенка на она што ќе дојде, а стварноста е Христос.

Откровение: 22:1

И ми покажа чиста река со вода на животот, бистра како кристал, која истекува од престолот на Бога и на Јагнето.

Среде нејзината улица и од двете страни на реката: дрвото на животот, кое раѓа дванаесет плодови, кое секој месец го дава својот плод; а лисјата на дрвото се за исцелување на народите.
И нема веќе да има никакво проклетство. И престолот на Бога и на Јагнето ќе биде во неа, и Неговите слуги ќе Му служат,
... и ќе го гледаат Неговото лице, и Неговото име ќе биде на нивните чела.
Ноќ нема да има веќе и не ќе им биде потребна светлина од светилка, ни светлина од сонцето, зашто Господ Бог ќе ги осветлува, и ќе владеат во веки веков.

Откровение: 21:5

 И Оној, Кој седи на престолот рече: „Ете, правам сè ново.” Уште рече: „Напиши, зашто овие зборови се верни и вистинити!”

И ми рече: „Се заврши! Јас Сум Алфа и Омега; Почеток и Свршеток. Јас ќе му дадам на жедниот, дарум, од изворот на водата на животот.

 Откровение: 1:14

 Неговата глава и косата беа бели како бела волна, како снег, а Неговите очи како огнен пламен;
Неговите нозе како бронза вжарена во печка; а Неговиот глас, како шум од многу води.

Во Својата десна рака држеше седум ѕвезди, и од Неговата уста излегуваше меч остар од двете страни; и Неговото лице беше како што сонцето свети во својата сила.

Внеси реплика	страница <1 58 596061 62 98 >
Tweet