Досега се тврдеше дека најголемиот дотогаш изграден прекуокеански брод, потона затоа што неговата посада настојувала на првото патување од Саутемптон до Њујорк да постигне рекорд во брзото преминување на Атланскиот Океан, па поради тоа немала време доцна уочената голема санта да биде заобиколена, со брза измена на к*рсот на пловењето. Авторката на новата книга за „Титаник“, меѓутоа, открива дека посадата имала доволно време за интервенција и за менување на к*рсот, доколку кормиларот не го фатила паника, па го свртел големиот брод со целата брзина, на погрешната страна. Единствено што можело да се направи во таа ситуација било наместо со врвот, бродот во сантата да удри со едната страна, предизвикувајќи голема дупка преку која водата брзо навлегувала во машинскиот дел.

Леди Патон уште тврди дека можело значително да се намали бројот на удавените патници и членови на екипажот,ако кормиларот во моментите веднаш по сударот, го направил вистинскиот маневар, а не оној кој само помогнал за уште побрзото полнење на бродот со вода.

Речиси 100 години по потонувањето, ваквите радикално нови откритија за оваа поморска катастрофа, се дел од досега необјавената тајна за „Титатник“ што до својата смрт ја чувал еден од преживеаните офицери на бродот, кои потоа ја пренел на членовите на семејството. Офицерот Чарлс Лајтолер на двапати ја сокрил вистината за грешките направени со кормилото на бродот, во двете големи истраги што биле водени за потонувањето на „Титатник“, за да се спречи банкротството на компанијата што го поседувала бродот.

Леди Патон е внука на офицерот Лајтолер кој умрел како воен херој, величан на почетокот од Втората светска војна, за операцијата на извлекување на британските војници од француското пристаниште Данкерк. Таа е сопруга на лорд Патон, поранешен ториевски министер, последен гувернер на Велика Британија во Хонгконг и едно време еврокомесар за надворешна политика во Брисел.

ОДРЖАНА МИСА НА МЕСТОТО НА ПОТОНУВАЊЕТО НА „ТИТАНИК“

„Балморал“ ја следеше рутата на „Титаник“

Патниците од британскиот прекуокеански брод "Балморал",кој се на специјално организирано крстарење по Атлантикот,во спомен на трагедијата на бродот "Титаник", одржаа помен на отворено море, за сите жртви,кои загинаа на денешен ден пред 100 години, јави дописникот на МИА од Лондон.

„Титаник" потона на 15 април 1912 година,во 2:20 часот,само три часови по судирот со една голема санта мраз,во северните води на Атланскиот Океан,на околу 600 километри од Њуфаундленд. Вкупно 1517 лица,од вкупно 2228 луѓе колку што се наоѓаа на бродот ги загубија своите животи во оваа најголема поморска несреќа во историјата.

Само 708 патници и членови на екипажот ја преживеаја несреката. На "Балморал" се одржа посебна црковна миса,а во океанските води беа фрлени дестина венци со свежо цвеќе од сите три палуби на бродот. Меѓу патнците на "Баломорал" се наоѓаа потомци на жртвите и на преживеаните од несреќата,туристи од дваесетина земји од светот,како и публицисти и историчари.

Пригодни комеморации се одржаа и на копното,во Белфаст,во чие пристаниште беше изграден "Титаник",како и во Ирска,од каде имаше голем број патници кои патуваа во САД како имигранти и во потрага по подобар и побогат живот.Во Белфаст е отворен специјален музеј,најголем во Европа посветен на "Титаник",а во јужна Ирска,премиерот Енда Кени присуствуваше на отворањето на новоизградениот спомен парк,посветен на несреќниот брод,што е означен како чудо на тогашната бродоградба и потоа на своето прво патување. Пригодна комеморација се одржа денеска и во Саутемптон,од каде Титаник тргна на пат за Њујорк.

Така дрндаа светските медиуми изминативе недели по повод 100 години од потонувањето. Инаку чичко Џејмс Камерун во соработка со NGC по дооолго истражување направи симулација како всушност потонал Титаник. Епа еве ја.