Lady Gaga

Ексцентричната изведувачка претходно призна дека се борела со зависноста од дроги во периодот кога се обидувала да се пробие како пејачка во Њујорк.

- Понекогаш се вадам од памет кога ќе помислам како сум лежела на подот од станот, полн со бубачки и бубашваби, огледала и кокаин насекаде. Тогаш ништо не ме интересираше, важно ми беше да создавам музика и да се издрогирам, изјави во интервјуто за „Rolling Stone“ магазинот.

Сепак, во новото интервју за „Vanity Fair“, пејачката вели дека целосно не се ослободила од оваа навика.

Таа открива дека „се плаши од хероинот“ и оти „најчесто“ користи кокаин.

- Нема да лажам, користам повремено. Кога ќе кажам повремено, мислам неколку пати годишно, вели GaGa.

Иако, Gaga вели дека целосно не ставила крај на користењето дроги, таа ги повика фановите да не тргнат по патот на „пеколот“, притоа споделувајќи со нив едно стравотно искуство.

- Не сакам моите фанови да го доживеат тоа. Не сакам да мислат дека треба тоа да го прават за да бидат добри. Тоа е во минатото. Бев во ментален хаос и го допрев дното, доволно да ве полуди. Мајка ми ја знаеше вистината и се сеќавам како врескаше од другата страна на телефонот. Тоа никогаш нема да го заборавам, вели GaGa.

Пејачката вели дека најмногу и е благодарна на баба и која ја натерала да презеде контрола врз сопствениот живот.

- Плачев. И велев дека мојот живот е готов. Работев напорно и знам дека тоа го сработив  добро. Не знам што да правам. Таа ми рече „Ќе те оставам да плачеш уште неколку часа. После тоа ќе престанеш да плачеш, ќе се соземеш, ќе се вратиш во Њујорк и ќе направиш партал, вели GaGa.

Мадона очајна по GaGa

Мадона наводно е „опседната“ со Lady GaGa и очајно сака младата пејачка да и се приклучи на нејзината турнеа.

Извори блиски од Мадона велат дека кралицата на поп музиката сака GaGa да ја отвори нејзината турнеа во 2011 година.

- Мадона е тотално опседната со GaGa, таа вели дека е најконтроверзниот и прогресивниот поп уметник каков што со години се нема појавено и очајно сака да работи со неа. Всушност, GaGa треба само да ја каже својата цена, Мадона се ќе прифати, вели изворот.

Педесет и двегодишната пејачка претходно откри дека е голем фан на GaGa.

- Се гледам себе си во Lady Gaga. Кога ја видов, сфатив дека таа нема многу пари за своја продукција, имаше дупки на мрежестите хулахопки, и имаше грешки насекаде. Беше своевиден хаос, но можам да забележам дека го има „Икс“ факторот, изјави Мадона.

Од друга страна, GaGa исто така не го сокри нејзиното восхитување кон „Like a Virgin“ хитмејкерката.

- Би сакала да сум присутна на сцената уште 25 години. Им се восхитувам на Мадона и Кортни Лов, на начинот како повторно се реоткриваат себе си и како растураат се пред себе. Сакам да сум како нив и повеќе од нив, изјави GaGa.