Мој став за хомосексуалноста

1. Заради сексот - геј сексот е како водата од чешма: достапен, бесплатен и неопходен и по неколку пати на ден. :) Ако си геј, малку веројатно дека ќе имаш суви периоди освен ако намерно не постиш. Од геј клубови, преку интернет секс сајтови, до крузинг местенца - понуда 24 часа на ден. Пери-носи, не прашуј. И не само квантитет, туку и екстра квалитет поради уживањето во новооткриените пространства.

2. Заради жените - звучи апсурдно на прв поглед, но како геј маж ти си природен магнет за девојки, кои ќе те опсипаат со нивното внимание, приврзаност, дружељубивост, ќе ти ги доверат сите тајни и ќе бидат секогаш искрени, без задни намери или глупави женски заврзламции - нешто за што секој хетеро маж може само да сонува. Како бонус, имаш и секогаш партнерка за журкање, која бесрамно ќе денса со тебе без да се секира многу за својата „поштеност„.

3. Заради статистиката - Науката педантно измерила дека еден просечен хомосексуалец во просек е понаобразуван, заработува повеќе и има поголем к*р од просечниот хетеросексуалец. Тепаме по сите најважни параметри. :)

4. Заради излгедот - Мажите се површни суштества кои партнерката ја гледаат како пар нозе прикачени за пар цицки со желеава задница отпозади. Е сега, кога се работи за двајца мажи кои се гледаат на сличен начин еден со друг, тогаш резултатот е што и двајцата ќе вложат напори во извесни хигиенско-физички практики кои пак не се премногу популарни кај првата група, од типот на: шишање влакна во уши, сечење нокти на ножни прсти, менување чорапи еднаш дневно, непуштање пивски стомак, билдање во теретана, шприцање со парфеми и антипреспиранти, користење препарати против стареење и опаѓање на косата, па се до вградување силиконски импланти во задникот (да, да! И јас се чудев пред некој ден). Резултатот е сочувано и негувано тело на 30, 40, дури и на 50 години, а уз тоа и продолжена младост според животниот стил.

5. Заради љубовта - геј љубовта, во оние поретки случаи кога ја има, е посилна од стрејт љубовта. Причината е тоа што за да геј љубовта успее во многу ситуации потребни се поголеми жртви, постојат поголеми искушувања и поголеми пречки да се совладаат; искуства што само ја потврдуваат, докажуваат и јакнат меѓусебната љубов и поврзаност. Од друга страна, можеби од истите овие причини и поретко се наоѓаат јунаци кои ќе истрајат во сите овие предизвици во име на таа љубов.

6. Заради антиконформизмот - Со самото тоа што си геј, тебе ти е предодредена улога на антиконформист. Благодарение на твојата сексуална ориентација, твојот животен пат ќе те доведе сосема сигурно барем еднаш до ситуација во која ќе мораш да пливаш во спротивна насока на мејнстримот, да ги предизвикаш нормите и да се бориш за својата вистина. Не многу луѓе ја имаат таа шанса во животот да се најдат на таков себедефинирачки крстопат. Твојот избор во тој момент ќе определи дали ќе биде тоа иницијална каписла за личен интелектуален и емоционален раст, или пак ќе дозволиш да те однесе струјата заедно со останатото ѓубре.

7. Заради уметноста - од мое лично искуство, ми се чини дека педерите имаат некој вроден њух за естетика и мода (мада јас не можам баш многу да се пронајдам под оваа точка). Од ентериер дизајн до шишање пудли. Најубаво облечените мажи, најдобрите креатори, најталентираните фризери, најкреативните модни фотографи се секогаш геј.

8. Заради парите - постои логична причина поради која на Запад младите геј професионалци се барана стока на работниот пазар. Поради тоа што не е многу веројатно дека ќе имаат деца и фамилија да ранат и поради тоа што често живеат независно и сингл, сите пари и слободно време што го имаат го трошат на лумперај, патувања и материјални џиџи-миџи.

9. Заради пријателите - секое стрејтерче кое отишло само во странство и со саати се трудело околу девојката на шанкот, која се плашела да збори со „манијаци„ знае добро што сакам да кажам. Не постои полесен начин да стекнеш пријатели во нова средина или во странство, отколку да се вклучиш во педерската Интернационала. Поврзани сме како Зерги. Се што треба е да договориш со некој фин дечко од сајт, или некој пријател на пријател (односно е*ач на некој твој е*ач), и веќе уште веднаш имаш загарантирано друштво, проширен круг на пријатели, туристички водич од прва рака, па и кревет за спиење и станче ако баш фино се потрудиш. :)