МАКЕДОНСКИ УСПЕШНИ БИЗНИСМЕНИ

Хех, успешни бизнисмени во Македонија... Интересно прашање. Што дефинираш под успешен бизнисмен, кој колку поголем профит направил, или кој при правењето на тој профит, колку како успеал да заебе, и да остави на улица, толку многу луѓе. Ако природната невработеност би тренало да биде околу 6-10 проценти, а во Бивша Југославија, а според статистиката сега имаше околу 20%, а сега сега 35 проценти, се прашувам, што е успешен бизнизнисмен, да вработуваш луѓе на црно? Па ќе речам дека ги има премногу.

Жанко Чадо......

goran-twin напиша: Зошто се гневите на успешните бизнисмени.Кога тие впрочем се двигатели на економијата и вработеноста во државата. Е да конкуренцијата е битна .Но државата нема улога во зголемување на вработеноста освен да ги воспоставува поволните услови. Народот е тој самиот,кој треба да биде двигател на стандардот.Но народот треба да биде тој кој треба да ја имаа таа свест,а не само поединци и економисти.....

Во контекст на насловот би го дал моето скромно мислење, а тоа е дека во Македонија имињата на успешните бизнисмени не се толку застапени во медиумите, колку што се застапени имињата на нивните компании. Штета што се китат со туѓи перја бизнисмениве. Позади нив стои цел тим од експерти, а цел шлаг дури и јагодите ги јаде бизнисменот. 

NRGMKD напиша: Државата нема улога во зголемување на вработеноста, но затоа секоја владеачка гарнитура игра голема улога во полнење (читај преполнување) на државната администрација..

Изменето од Messenger - 10.Септември.2012 во 16:47

Messenger напиша: NRGMKD напиша: Државата нема улога во зголемување на вработеноста, но затоа секоја владеачка гарнитура игра голема улога во полнење (читај преполнување) на државната администрација..  Потполно точно. Тоа е рак рана на секое општество, особено во држави каде што економијата не е на највисоки гранки, а процентот на невработеност е во стратoсферски височини.  Владите се обидуваат големиот притисок од невработеноста да го намалат со вработување во државната бирократија, но тоа не е никакво решение. Hапротив, само дава привид на вработување, но во суштина го зголемува непродуктивниот сектор во општетсвото, а со тоа го зголемува и трошокот на државата (читај - сите вработени луѓе) кој ќе мора да биде компензиран со оние кои се вработени во стопанството (читај - зголемени давачки). NRGMKD напиша: Факт дека владата нема улога во зголемување на вработеноста но факт е дека владата треба да ја стимулира економијата во државата со што фирмите би ја зголемиле вработеноста. Значи во Македонија државата (се подразбира на власта) директно игра улога во зголемување на вработеноста, ама од друга страна не превзема некои посебни чекори за стимулирање на економијата.. Секоја чест на бркањето на инвестиции, но мислам дека треба малку да се заврти и кон домашните компании и да потпомогне во нивниот развој ИНДИРЕКТНО... Има многу примери како може да помогне индиректно тоа веќе го имаме прераскажувано на форумов... Така е, владата не смее да се најде во улога на вработувач, туку во инструмент за создавање услови народот самиот да се вработува или надворешниот капитал да најде погодни услови за инвестирање. Така државата не е директен вработувач (како што велиш во твојот коментар ), туку индиректен. Таа може да создава услови друг да вработува, но самата не вработува никого.  И не се сложувам дека конкретно оваа влада нe прави никакви посебни чекори во тој правец. Ако зборуваме реално, не би можеле да посочиме ниту една досегашна влада која правела повеќе од оваа. Додека другите влади само позајмуваа кредити со неповолни камати за да дадат илузија дека сепак постои некакво економско движење во државата (научено од старата школа во времето на СФРЈ), оваа влада прво што направи е враќање на сите тие кредити (фала богу што го стори тоа нa времето бидејќи ако останевме со нив во овие катастрофални економски услови во Европа и светoт ќе се најдовме во полоша состојба од Грција) и поставување на државата меѓу првите неколкумина со најмала задолженост во Европа. Како второ, јас не знам ниту една влада да направила било што во маркетирање на Македонија како бизнис или туристичка (нешто што е едно од нашите најсилни адути) локација низ светов. Ова влада тоа го прави веќе со години по светските телевизии и магазини, а резултатите од тој напор веќе почнуваaт да се гледаат. Како трето, јас не знам за ниту една влада која била толку активна со праќање бизнис промотери и со лично одење на бизнис каравани низ светов реализирајќи конкретни состаноци со државни претставници и бизнисмени нудејќи поволни услови за странски инвестирања. Поточно, не знам дали некоја претходна влада воопшто го кренала малиот прст да направи нешто барем приближно на тоа. Како четврто, нешто што е особено важно не само за странските инвеститори, туку и за домашните, владава ги држи даноците на најниско можно ниво, нешто што е невозможно за далеку поголеми европски и светски економии. Bо сегашниве тешки услови нуди грантови и нискокаматни кредити за малото стопанство и земјоделието, го стимулира градежништвото преку кое вработува маса занаетчии и производители на градежни материјали и покуќнина и т.н. Сега, реално говорено, дали сето тоа значи дека владата не превзема некакви сериозни чекори за стимулирање на економијата ???  Во овие апсолутно негативни времиња за европската и светската економија, нешто што не се помни од времињата по втората светска војна, оваа влада успева да ја држи Македонија (стара само дваесетина години) економски посигурна од многу повеќе други држави. Не можам ниту да замислам како ќе беше денес доколку на власт беше било која од оние претходни влади. Било која! Еве, биди реален и фер, како што знам дека можеш да бидеш, па кажи на основа на дадените резултати од претходните мандати, која друга влада правела повеќе за стимулирање на македонската економија и за привлекување странски капитал ? Јас навистина не знам ниту една таква, ама доколку грешам дозволувам да ме поправиш.

Јас кажав многу одамна но еве ќе кажам пак... Претходните беа чудо а овие чудо невидено...
Едните под името на транзиција натепаа неброено азно, другите не можат да кажат дека сеуште сме во транзиција па го прераскажуваат тоа на друг начин, под името проекти.
Бизнис промотерите што државата толку ги стимулираше, форсираше испаднаа тотално фијаско додека владата на чело со премиерот не почна да прави роад шоуа.. Троен трошок.
Рекламирањето е својствен дел за секоја држава а тоа можеме да го видиме на сите светски канали, и не е ништо ново што не сме го виделе до сега, само прашање на време беше кога тоа ќе се случи.
Инаку ниските даноци важат за странските инвестиции и тие секогаш се во предност пред домашните компании. Стимулацијата мора да започне од дома. Малку потешко се привлекуваат странски инвеститори ако ти немаш стимуланс на домашното производство. Така да од една страна дупка од друга страна врв. Доколку има сразмерно работење како кон домашните така и кон странските компании успехот ќе беше далеку поголем. Инаку државата малку повеќе се однесува како маќеа кон домашните фирми. Државна каса со казни не се полни, туку со даноци, царини, увозни давачки, пласман на домашното производство на странските пазари. Успешен и квалитетен производ придонесува до зголемен извоз. Балансот кај владата спрема домашните и странските компании е нарушен. Домашните се маргинализирани додека странските се разгалени. Зарем доколку не би се створил вишок на капитал кај една македонска компанија нема да дојде до инвестиција од нејзина страна. Само недоволно образуван менаџер би си го задржал вишокот наместо да инвестира во компанијата. Но сето тоа доколку му е олеснето од државата. Компаниите се тешко обременети од светската криза па бараат спас кај државата малку да ги олабави со што не би се создал вишок на работна сила. Исто така државата од друга страна за работната сила е маќеа. Се повеќе домашни таканаречени газди го измачуваат работникот за смешна сума на пари, а институциите замижуваат пред сето тоа, зашто битни им се парите од данокот. Значи не еднаков аршин не носи резултати, затоа македонското стопанство бележи надолен тренд.
Прво државата нема исти аршин кон домашните компании како кон странските, второ законот за работни односи е во целосна корист кон работодавачот а не кон работната сила.
Рекламирањето од роуд шоуата според најавите треба да биде доста успешно, но да видиме како ќе испадне бидејќи многу камен темелници се ставија ама многу малку утрото го дочекаа.
Бизнис промотерите кои изедоа огромна количина на буџетски пари се покажаа како тотален неуспех, а доказ на сето тоа се роуд шоуата на премиерот, а тоа само едно значи... екстра пари одлеани од државата.
Трета работа.. секој успешен менаџер (премиерот има улога на своевиден менаџер) ќе ти каже дека во време на криза парите што се во една компанија од чиста заработувачка се пренасочуваат во тековни средства со што би се ублажил ударот. Ниту еден успешен менаџер кога гледа дека фирмата е во криза не инвестира во нови градби доколку не гледа дека тоа ќе му ја подобри финансиската состојба.  Сето тоа се однесува за проектот Скопје 2014 и премиерот со владата.  Исто така во време на криза се прави кост катинг програм со цел на полесно пребродување на кризата.. Дали е тоа преку смалени трошоци за гориво, струја и сл. Во овој случај државата не се откажува привремено од дополнителните даноци кај енергенсите туку напротив дополнително ги зголемува. Е сега доколку зголемуваш една страна зголеми ја и другата зашто со секое дополнително зголемување во касата на владата се зголемува и профитот од 1 кв час потрошена струја или 1 литар наточено гориво.
Е сега спомна задолжување и враќање на кредитите.. Да точно е, старите заеми се врати, но од друга страна не се дуплираа туку се триплираа со нови заеми, а сето тоа под изговор светска криза или реконструкции. Конкретен пример е последниот заем за ремонт и обнова на рек битола со заем од дојче банк, а притоа на секоја сметка од ЕВН (кој е само испорачател на електрична енергија до крајниот корисник) стои ставка 33 % за ангаржирана моќност, а всушност тие средства државата треба да ги користи баш за такви работи како што е обнова на електричната мрежа и капацитети во државава.
Секој заем или нов кредит паѓа на товар на граѓаните и фирмите зашто со нивните даноци во државната каса треба да се враќаат кредитите.
Друга работа. Државата преку грантови и кредит ангажира цела маса на градежни работници и слично. Само што тука има еден проблем.. Сите градежни компании кои работат на владини проекти немаат видено ни 10 % од сето тоа што треба да се плати. Од друга страна огромен број компании сеуште немаат направено поврат на ддв зашто државата не префрла пари на нивните сметки. Напротив државата наместо да ги врати парите од ддв на компаниите таа ги троши на државната администрација, пензионерите и разно разни проекти. Враќањето на парите од ддв-то значително ќе ја олесни состојбата на многу компании во државата.
Трета работа.. Околу задолжувањето. Државата објави пред неколку години дека Македонија е нискозадолжена земја, но откако се вратија дел од старите кредити, државата се задолжи со нови кредити. И притоа задолжувањето на државата кон надворешни доверители се зголеми за цели 30 %. Но владата никогаш не излегла со конкретна бројка колкава не нејзината задолженост кон внатрешните доверители.. Претпоставките се дека сумата е некаде 50-60 % од надворешниот долг, со тоа што ако внатрешниот долг се додаде на надворешниот долг Македонија по автоматизам влегува во средно задолжени земји, што пак доколку се објави ќе доведе до бран на незадоволство како кај потенцијалните инвеститори така и кај народот и домашните компании.

СУМА СУМАРУМ... Иако има уште многу да се дебатира на оваа тема (а сме далеку надвор од темата), претходната власт не направи ништо апсолутно ништо, а додека оваа власт направи 1 земи 2, направи 2 земи 3.. врти сучи народот е тој што тоне во амбисот, а власта само го забрзува падот.

Но има една друга вистина.. претходните се претходни, тие ја добија казната.. сега други петли пеат на буништето и редот е за нивно критикување заради лошиот певлив глас што го имаат...